ਹਿਟਲਰ ਕਦੋਂ ਮਰੇਗਾ ?

                    ਭੱਖਦਾ ਮੱਸਲਾ                                     

 ਹਿਟਲਰ ਮਰਿਆ ਨਹੀਂ ,ਇਹ ਤੁਹਾਨੂੰ ਕਿਤੇ ਵੀ ਦਿਖਾਈ ਦੇਵੇਗਾ।ਅਸੀਂ ਸਿਖ ਇਸ ਹਿਟਲਰ ਨੂੰ 1984 ਦੇ ਸਿਖ ਸੰਤਾਪ ਦੌਰਾਨ ਇੰਦਰਾ ਗਾਂਧੀ ਤੇ ਰਾਜੀਵ ਗਾਂਧੀ ਦੇ ਰੂਪ ਵਿਚ ਦੇਖ ਚੁਕੇ ਹਾਂ। ।ਇਹ ਮਨੁੱਖਤਾ ਵਿਰੋਧੀ ਵਿਨਾਸ਼ ਦੀ ਰਾਜਨੀਤੀ ਹੈ।ਜਰਮਨੀ ਦੀਆਂ ਬਹੁਤ ਸਾਰੀਆਂ ਰਾਤਾਂ ਵਿੱਚੋਂ 9-10 ਨਵੰਬਰ 1938 ਦੀ ਰਾਤ ਅਜਿਹੀ ਸੀ ਜੋ ਅੱਜ ਤੱਕ ਨਹੀਂ ਬੀਤੀ। ਨਾ ਹੀ ਉੱਥੇ ਤੇ ਨਾ ਹੀ ਸੰਸਾਰ ਵਿੱਚ ਕਿਤੇ ਵੀ।ਉਸ ਰਾਤ ਨੂੰ ਕ੍ਰਿਸਟਲ ਨਾਈਟ ਕਿਹਾ ਜਾਂਦਾ ਹੈ। ਉਸ ਰਾਤ ਦੀ ਆਵਾਜ਼ ਅੱਜ ਵੀ ਸੁਣਾਈ ਦਿੰਦੀ ਹੈ।  ਜਰਮਨੀ ਵਿਚ ਯਹੂਦੀਆਂ ਦਾ ਕਤਲੇਆਮ ਕਰਨ ਦੀ ਹਿਟਲਰ ਦੀ ਯੋਜਨਾ ਉਸ ਰਾਤ ਪੂਰੇ ਜਰਮਨੀ ਵਿਚ ਪੂਰੀ ਤਿਆਰੀ ਨਾਲ ਜ਼ਮੀਨ 'ਤੇ ਉਤਰ ਗਈ ਸੀ। ਯਹੂਦੀਆਂ ਤੋਂ ਸਭ ਕੁਝ ਖੋਹ ਕੇ ਉਨ੍ਹਾਂ ਨੂੰ ਜਰਮਨੀ ਤੋਂ ਬਾਹਰ ਕੱਢਣ ਦੀਆਂ ਤਿਆਰੀਆਂ ਹੋ ਚੁਕੀਆਂ ਸਨ ।ਹਿਟਲਰ ਵਲੋਂ ਯਹੂਦੀਆਂ ਵਿਰੁੱਧ ਕਈ ਸਾਲਾਂ ਤੋਂ ਜਰਮਨੀ ਨਸਲ ਵਲੋਂ ਪ੍ਰਚਾਰ ਕਰਵਾਇਆ ਜਾ ਰਿਹਾ ਸੀ।ਸੰਨ 1938 ਤੋਂ ਪਹਿਲਾਂ ਦੇ ਸਾਲਾਂ ਵਿਚ ਵੀ ਅਜਿਹੀਆਂ ਛੋਟੀਆਂ-ਛੋਟੀਆਂ ਅਤੇ ਭਿਆਨਕ ਘਟਨਾਵਾਂ ਵਾਪਰਦੀਆਂ ਰਹੀਆਂ ਸਨ। ਇਨ੍ਹਾਂ ਘਟਨਾਵਾਂ ਦਾ ਸਮਰਥਨ ਕਰਨ ਲਈ ਜਰਮਨੀ ਨਸਲ  ਨੂੰ ਮਾਨਸਿਕ ਤੌਰ 'ਤੇ ਤਿਆਰ ਕੀਤਾ ਜਾ ਰਿਹਾ ਸੀ, ਜਿਨ੍ਹਾਂ ਨੇ ਇਸ ਪ੍ਰਚਾਰ ਨੂੰ ਸਾਕਾਰ ਕਰਨ ਲਈ ਜਲਾਦ ਬਣਨਾ ਸੀ। ਹੁਣ ਤੱਕ ਇਹ ਲੋਕ ਹਿਟਲਰ ਦੀਆਂ ਵੱਖ-ਵੱਖ ਤਰ੍ਹਾਂ ਦੀਆਂ ਫੌਜਾਂ ਅਤੇ ਸੰਗਠਨਾਂ ਵਿੱਚ ਸ਼ਾਮਲ ਹੋ ਕੇ ਹੇਲ ਹਿਟਲਰ ਮਤਲਬ ਹਿਟਲਰ ਜਿੰਦਾਬਾਦ ਬੋਲਣ ਵਿੱਚ ਮਾਣ ਮਹਿਸੂਸ ਕਰ ਰਹੇ ਸਨ। ਹਰੇਕ ਜਰਮਨੀ ਬਸ਼ਿੰਦਾ ਹਿਟਲਰ ਦਾ ਸ਼ਰਧਾਲੂ ਬਣ ਗਿਆ ਸੀ ਉਹ ਯਹੂਦੀ ਨਸਲ ਲਈ ਜ਼ਹਿਰੀ ਹੋ ਗਿਆ ਸੀ।ਹਿਟਲਰ ਨੂੰ ਖੁੱਲ੍ਹ ਕੇ ਬੋਲਣ ਦੀ ਵੀ ਲੋੜ ਨਹੀਂ ਸੀ,ਉਸ ਦੇ ਚਹੇਤੇ ਜਰਮਨੀਆਂ ਨੇ ਯਹੂਦੀਆਂ ਨੂੰ ਮਾਰਨ ਦੀ ਜ਼ਿੰਮੇਵਾਰੀ ਸੰਭਾਲ ਲਈ।   ਹਿਟਲਰ ਦੀ ਵਿਚਾਰਧਾਰਾ ਨੇ ਲੋਕਾਂ ਨੂੰ ਆਟੋ ਮੋਡ 'ਤੇ ਲਿਆਂਦਾ, ਉਸ ਦੇ ਸੰਕੇਤ ਮਿਲਦੇ ਹੀ ਕਤਲ ਸ਼ੁਰੂ ਹੋ ਗਏ। ਹਿਟਲਰ ਦਾ ਖ਼ੂਨੀ  ਪ੍ਰਚਾਰਕ ਪ੍ਰਬੰਧਕ ਗੋਏਬਲਜ਼ ਉਸ ਤੱਕ ਯਹੂਦੀਆਂ ਖ਼ਿਲਾਫ਼ ਹਿੰਸਾ ਦੀਆਂ ਖ਼ਬਰਾਂ ਪਹੁੰਚਾ ਰਿਹਾ ਸੀ।ਉਨ੍ਹਾਂ ਰਿਪੋਰਟਾਂ 'ਤੇ ਉਸ ਦੀ ਚੁੱਪ ਅਤੇ ਕਈ ਵਾਰ ਮੁਹਿੰਮ ਨੂੰ ਤੇਜ਼ ਕਰਨ ਦੇ ਜ਼ੁਬਾਨੀ ਹੁਕਮ ਸਰਕਾਰੀ ਤੰਤਰ ਨੂੰ ਇਹ ਸੰਕੇਤ ਦੇ ਰਹੇ ਸਨ ਕਿ ਕਤਲੇਆਮ ਜਾਰੀ ਰਹਿਣਾ  ਚਾਹੀਦਾ ਹੈ। ਹਿਟਲਰ ਦੀ ਇਸ ਫੌਜ ਦਾ ਨਾਂ ਸੀਐਸਐਸ, ਜਿਸ ਦੇ ਨੌਜਵਾਨਾਂ ਨੂੰ ਜਰਮਨੀ ਲਈ ਸੁਪਨੇ ਦਿਖਾਏ ਸਨ। ਸੁਪਰ ਪਾਵਰ ਜਰਮਨੀ, ਯੂਰਪ ਦਾ ਰਾਜਾ ਜਰਮਨੀ। ਜਰਮਨ ਜਰਮਨੀਆਂ ਲਈ। ਇਹ ਮਹਾਂਸ਼ਕਤੀ ਬਣਨ ਦਾ ਹਿਟਲਰੀ ਸੁਪਨਾ ਮੁੜ  ਪਰਤ ਆਇਆ ਹੈ। ਅਜੋਕੇ ਸਮੇਂ ਅਮਰੀਕਾ,ਰੂਸ ,ਚੀਨ ,ਇੰਗਲੈਂਡ ਅਤੇ ਫਰਾਂਸ ਦੇ ਨੇਤਾਵਾਂ ਨੇ ਆਪਣੇ ਦੇਸ਼ ਨੂੰ ਦੁਬਾਰਾ ਸੁਪਰ ਪਾਵਰ ਬਣਾਉਣ ਦੀਆਂ ਗੱਲਾਂ ਕਰਨੀਆਂ ਸ਼ੁਰੂ ਕਰ ਦਿੱਤੀਆਂ ਹਨ।ਕਈ ਦੇਸਾਂ ਵਿਚ ਨਸਲੀ ਹਿੰਸਾ ਵਰਤ ਰਹੀ ਹੈ।   

 ਅਗਲੇ ਦਸ ਸਾਲਾਂ ਵਿੱਚ ਅਸੀਂ ਇੱਕ ਬਹੁਤ ਹੀ ਸੰਵੇਦਨਸ਼ੀਲ ਟਕਰਾਅ ਦਾ ਸਾਹਮਣਾ ਕਰਨ ਜਾ ਰਹੇ ਹਾਂ। ਇਹ ਸਿਰਫ਼ ਕੌਮਾਂ ਦਾ ਸੰਘਰਸ਼ ਨਹੀਂ ਹੈ, ਸਗੋਂ ਇਹ ਮਜਹਬਾਂ ਪਛਮੀ ਦੇਸ਼ਾਂ ਤੇ ਏਸ਼ੀਅਨ ਦੇਸ਼ਾਂ, ਮਾਰਕਸਵਾਦੀ  ਵਿਚਾਰਧਾਰਾ ਦਾ ਸੰਘਰਸ਼ ਵੀ ਹੈ। ਇਹ ਇਕ ਦੂਜੇ ਨੂੰ ਜੀਉਂਦਾ ਦੇਖਣਾ ਨਹੀਂ ਚਾਹੁੰਦੇ।ਵਨਸਵੰਨਤਾ ਤੇ ਸਾਂਝੀਵਾਲਤਾ ਦਾ ਖਾਨਾ ਇਹਨਾਂ ਵਿਚੋਂ ਗੈਰ ਹਾਜ਼ਰ ਹੈ।ਇਹ ਵਨਸਵੰਨਤਾ ਤੇ ਸਰਬੱਤ ਦੇ ਭਲੇ ਦੀ ਰੀਤ ਕਬੂਲਣ ਦੀ ਗੈਰ ਹਾਜ਼ਰੀ ਵਿਸ਼ਵ ਜੰਗ ਤੇ ਦੰਗਿਆਂ , ਨਸਲਕੁਸ਼ੀ ਦਾ ਕਾਰਣ ਬਣੇਗੀ। ਇਹ ਆਪੋ ਆਪਣੇ ਰਾਸ਼ਟਰਵਾਦ ਦੀ ਉਚਤਾ ਦਾ ਭਰਮ ਮਨੁੱਖਤਾ ਨੂੰ ਜੀਉਂਦਾ ਨਹੀਂ ਰਹਿਣ ਦੇਵੇਗਾ। ਹਿਟਲਰ ਨੂੰ ਇਹੀ ਭਰਮ ਜਿਉਂਦਾ ਰਖ ਰਹੇ ਹਨ।ਇਹ ਸਵਾਲ ਕਈ ਸਾਲਾਂ ਤੋਂ ਸਾਡੇ ਸਾਹਮਣੇ ਹੈ।ਇਹ ਜ਼ਹਿਰੀਲੇ ,ਨਸਲੀ ਤੇ ਫਿਰਕੂ ਭਾਸ਼ਣ ਅੱਜ ਵੀ ਦੁਨੀਆਂ ਭਰ ਵਿੱਚ ਵੱਖ-ਵੱਖ ਭਾਸ਼ਾਵਾਂ  ਵਿੱਚ ਦਿੱਤੇ ਜਾ ਰਹੇ ਹਨ। ਕਸ਼ਮੀਰ ਫਾਈਲ ਫਿਲਮ ਇਸ ਦੀ ਭਾਰਤ ਵਿਚ ਉਦਾਹਰਣ ਹੈ ਕਿ ਕੋਣ ਫਿਰਕਾਪ੍ਰਸਤੀ ਭੜਕਾ ਰਿਹਾ ਹੈ।ਐਸ ਐਸ ਦੇ ਨੇਤਾ ਹਿਟਲਰ ਨੇ ਸੰਗਠਨ ਦੇ ਨੇਤਾਵਾਂ ਨੂੰ 9 ਤੋਂ19 ਨਵੰਬਰ 1938  ਨੂੰ ਇੱਕ ਹੀ ਭਾਸ਼ਣ ਜਾਰੀ ਰਖਿਆ ਕਿ ਯਹੂਦੀਆਂ ਦੇ ਖਿਲਾਫ ਹਿੰਸਾ ਲਈ ਤਿਆਰ ਹੋ ਜਾਵੋ। ਇਹੀ ਹਿਟਲਰ ਦਾ ਸਭਿਆਚਾਰ ਵਖ ਵਖ ਦੇਸ਼ਾਂ ਵਿਚ ਹੁਣ ਵੀ ਚਲ ਰਿਹਾ।ਇਸ ਗਲ ਦਾ ਅਸੀਂ ਵੀ ਸ਼ਿਕਾਰ ਹਾਂ।ਅਸੀਂ ਫਾਸ਼ੀਵਾਦ ਵਿੱਚ ਇਤਿਹਾਸ ਦੇ ਜ਼ੁਲਮਾਂ ​​ਨੂੰ ਅਖੋਂ ਪਰੋਖੇ ਕਰ ਦਿੰਦੇ ਹਾਂ, ਪਰ ਇਨ੍ਹਾਂ ਇਤਿਹਾਸ ਦੇ ਸੰਦੂਕਾਂ ਨੂੰ ਖੋਲ੍ਹ ਕੇ ਵੇਖੋ, ਤੁਹਾਡੇ ਉੱਤੇ ਨਸਲਕੁਸ਼ੀ ਦੀ ਸ਼ਿਕਾਰ ਹੋਈ ਮਨੁੱਖਤਾ ਦੇ ਪਿੰਜਰ ਡਿੱਗਣਗੇ। ਹਿਟਲਰ ਦੇ ਸਮੇਂ ਦੌਰਾਨ ਜੋ ਹੋਇਆ ਉਹ ਅੱਜ ਵੀ ਹੋ ਰਿਹਾ ।  ਬਹੁਤ ਕੁਝ ਪਹਿਲਾਂ ਨਾਲੋਂ ਵਧੇਰੇ ਸੂਖਮ ਅਤੇ ਸਭਿਅਕ ਤਰੀਕੇ ਨਾਲ ਕੀਤਾ ਜਾ ਰਿਹਾ ਹੈ।ਬਹੁਤ ਸਾਰੇ ਤਰਕ ਝੂਠ ਨੂੰ ਸੱਚ ਬਨਾਉਣ ਲਈ ਘੜੇ ਜਾ ਰਹੇ ਹਨ।ਸਿਖ ਨਸਲਕੁਸ਼ੀ ਦਾ ਇਨਸਾਫ ਅਦਾਲਤਾਂ ਵਿਚ ਲਟਕ ਜਾਣਾ ਇਸ ਗਲ ਦਾ ਸਬੂਤ ਹੈ ਕਿ ਫਿਰਕੂ ਵਹਿਸ਼ਤ ਜੀਉਂਦੀ ਹੈ।ਰੂਸ ਤੇ ਯੂਕਰੇਨ ਦੀ ਜੰਗ ਇਸ ਸੰਦਰਭ ਵਿਚ ਵਾਚੀ ਜਾ ਸਕਦੀ ਹੈ।

7 ਨਵੰਬਰ 1938 ਦੀ ਰਾਤ ਨੂੰ ਪੈਰਿਸ ਵਿਚ ਜਰਮਨੀ ਦੇ ਤੀਜੇ ਲੀਗੇਸ਼ਨ ਸੈਕਟਰੀ, ਅਰਨਸਟ ਵੌਮ ਰਾਥ  ਕਤਲ ਪੋਲਿਸ਼ ਮੂਲ ਦੇ ਯਹੂਦੀ ਵਲੋਂ ਕੀਤਾ ਜਾਂਦਾ ਹੈ।ਇਹ ਘਟਨਾ ਹਿਟਲਰ ਤੇ ਗੋਏਬਲਜ਼ ਦੇ ਤਿਆਰ-ਬਰ-ਤਿਆਰ ਹਿੰਸਕ ਭਗਤਾਂ ਨੂੰ ਇੱਕ ਬਹਾਨਾ ਦਿੰਦੀ ਹੈ, ਜਿਵੇਂ ਕਿ ਭਾਰਤ ਵਿੱਚ ਨਵੰਬਰ 1984 ਕਤਲੇਆਮ ਵਿੱਚ ਇੰਦਰਾ ਦੇ ਕਤਲ ਇੱਕ ਬਹਾਨਾ  ਘੜਿਆ ਗਿਆ ਸੀ,ਗੁਜਰਾਤ ਵਿਚ ਮੁਸਲਮਾਨਾਂ ਨੂੰ ਹਿੰਦੂਆਂ ਦੇ ਕਾਤਲ ਦਰਸਾਇਆ ਗਿਆ।  ਇਤਿਹਾਸ ਦਸਦਾ ਹੈ ਕਿ ਪੂਰੇ ਜਰਮਨੀ ਵਿਚ ਯਹੂਦੀਆਂ ਦੇ ਘਰ ਸਾੜੇ  ਗਏ।  ਗੋਏਬਲਜ਼ ਨੇ ਇਹ ਮੌਕਾ ਹੱਥੋਂ ਨਹੀਂ ਜਾਣ ਦਿੱਤਾ। ਕਾਤਲ ਦੇ ਬਹਾਨੇ ਸਾਰੀ ਘਟਨਾ ਨੂੰ ਯਹੂਦੀਆਂ ਦੇ ਖਿਲਾਫ ਕਰ ਦਿੱਤਾ ਗਿਆ।ਯਾਦ ਰਹੇ ਕਿ ਯਹੂਦੀਆਂ ਨੂੰ ਪਹਿਲਾਂ ਹੀ ਸਰਕਾਰੀ ਪ੍ਰਚਾਰ ਰਾਹੀਂ ਨਿਸ਼ਾਨਾ ਬਣਾਇਆ ਜਾ ਰਿਹਾ ਸੀ। ਉਸ ਨੂੰ ਖਲਨਾਇਕ ਵਜੋਂ ਪੇਸ਼ ਕੀਤਾ ਜਾ ਰਿਹਾ ਸੀ। ਇਹ ਹਿਟਲਰ ਵਲੋਂ ਚਲੀਆਂ ਪਾਗਲ ਹਵਾਵਾਂ ਸਨ ਜਿਸਨੇ ਚੰਗਿਆੜੀ ਨੂੰ ਜਵਾਲਾ ਮੁਖੀ ਬਣਾ ਦਿਤਾ।ਗੋਏਬਲਜ਼ ਨੇ ਹਿਟਲਰ ਦੇ ਹੁਕਮਾਂ ਨੂੰ ਅਮਲੀ ਰੂਪ ਦੇਣ ਦੀ ਤਿਆਰੀ ਸ਼ੁਰੂ ਕਰ ਦਿੱਤੀ। ਅਗਲੇ ਦਿਨ ਜਰਮਨੀ ਵਿਚ ਜੋ ਵਾਪਰਿਆ , ਉਸ ਦਾ ਅੱਜ ਵੀ ਖਦਸ਼ਾ ਜਤਾਇਆ ਜਾ ਰਿਹਾ ਹੈ ਕਿ ਇਹ ਕਿਤੇ ਵੀ ਵਾਪਰ ਸਕਦਾ ਹੈ।ਕਿਉਂਕਿ ਹਿਟਲਰ  ਅਜੇ ਮਰਿਆ ਨਹੀਂ।

ਗੋਇਬਲਜ  ਤਿਆਰ ਸੀ ਕਿ ਹੁਣ ਆਪਣੇ ਸਮਰਥਕਾਂ ਦੀ ਫੌਜ ਨੂੰ ਵਰਤਣ ਦਾ ਸਮਾਂ ਆ ਗਿਆ ਸੀ ਜੋ ਹਿਟਲਰ ਨੇ ਪਿਛਲੇ ਸੱਤ-ਅੱਠ ਸਾਲਾਂ ਤੋਂ ਤਿਆਰ ਕੀਤੀ ਸੀ। ਉਸ ਫ਼ੌਜ ਨੂੰ ਖੁੱਲ੍ਹਾ ਛੱਡ ਦਿੱਤਾ ਗਿਆ ਸੀ। ਪੁਲਿਸ ਨੂੰ ਪਰੇ ਹੋਣ ਲਈ ਕਿਹਾ ਗਿਆ ਸੀ, ਪਰ ਜਿੱਥੇ ਯਹੂਦੀਆਂ ਦੀਆਂ ਦੁਕਾਨਾਂ ਨੂੰ ਸਾੜਿਆ ਜਾਣਾ ਸੀ।ਸਾਰਾ ਕੰਮ ਇਸ ਤਰ੍ਹਾਂ ਕੀਤਾ ਗਿਆ ਕਿ ਹਰ ਕੋਈ ਮਹਿਸੂਸ ਕਰੇ ਕਿ ਇਹ ਲੋਕਾਂ ਦਾ ਕੁਦਰਤੀ ਗੁੱਸਾ ਹੈ। ਇਸ ਵਿੱਚ ਸਰਕਾਰ ਅਤੇ ਪੁਲਿਸ ਦਾ ਕੋਈ ਕਸੂਰ ਨਹੀਂ ਹੈ। ਲੋਕ ਰੋਹ ਦੇ ਨਾਂ ’ਤੇ ਖੇਡੀ ਗਈ ਖੂਨੀ ਖੇਡ ਦਾ ਸ਼ੈਤਾਨੀ ਰੰਗ ਅੱਜ ਤੱਕ ਇਤਿਹਾਸ ਵਿਚੋਂ ਨਹੀਂ ਉਤਰਿਆ। ਇਹ ਉਹ ਦੌਰ ਸੀ ਜਦੋਂ ਯੂਰਪ ਵਿੱਚ ਆਧੁਨਿਕਤਾ ਆਪਣੀ ਜਵਾਨੀ ਦੇ ਜ਼ੋਰਾਂ ’ਤੇ ਸੀ ਅਤੇ ਜਮਹੂਰੀਅਤ ਦਾ ਜਲੂਸ ਨਿਕਲ ਰਿਹਾ ਸੀ।ਗੋਏਬਲਜ਼ ਨੇ ਆਪਣੀ ਡਾਇਰੀ ਵਿੱਚ ਲਿਖਿਆ, “ਮੈਂ ਓਲਡ ਟਾਊਨ ਹਾਲ ਵਿੱਚ ਇੱਕ ਪਾਰਟੀ ਪ੍ਰੋਗਰਾਮ ਵਿੱਚ ਜਾਂਦਾ ਹਾਂ ਤਾਂ ਉੱਥੇ ਜਰਮਨੀਆਂ ਦੀ ਬਹੁਤ ਸਾਰੀ ਭੀੜ ਇਕਠੀ ਹੋਈ ਹੈ। ਇਸ ਦੀ ਜਾਣਕਾਰੀ ਮੈਂ ਹਿਟਲਰ ਨੂੰ ਦਿੰਦਾ ਹਾਂ। ਹਿਟਲਰ ਦਾ ਹੁਕਮ ਹੈ ਯਹੂਦੀਆਂ ਦੇ ਖਿਲਾਫ ਵਿਰੋਧ ਪ੍ਰਦਰਸ਼ਨ ਹੋਣ ਦਿਉ। ਪੁਲਿਸ ਨੂੰ ਪਿੱਛੇ ਹਟਾ  ਦਿਉ । ਯਹੂਦੀਆਂ ਨੂੰ ਲੋਕਾਂ ਦੇ ਗੁੱਸੇ ਦਾ ਸਾਹਮਣਾ ਕਰਨ ਦਿਓ ਮੈਂ ਤੁਰੰਤ ਪੁਲਿਸ ਅਤੇ ਪਾਰਟੀ ਨੂੰ ਹੁਕਮ ਦਿੰਦਾ ਹਾਂ। ਫਿਰ ਮੈਂ ਪਾਰਟੀ ਪ੍ਰੋਗਰਾਮ ਵਿਚ ਥੋੜ੍ਹੇ ਸਮੇਂ ਲਈ ਬੋਲਦਾ ਹਾਂ। ਖੂਬ ਤਾਰੀਫ ਹੁੰਦੀ ਹੈ। ਇਸ ਤੋਂ ਤੁਰੰਤ ਬਾਅਦ ਮੈਂ ਫ਼ੋਨ ਵੱਲ ਜਾਂਦਾ ਹਾਂ ਤਾਂ ਜੋ ਹਿਟਲਰ ਨੂੰ ਸੁਨੇਹਾ ਦਿਤਾ ਜਾ ਸਕੇ ਕਿ ਉਸਦੇ ਹੁਕਮ ਉਪਰ ਕਾਰਵਾਈ ਸ਼ੁਰੂ ਹੋਣ ਵਾਲੀ ਹੈ।  ਹੁਣ ਜਰਮਨ ਦੇ ਲੋਕ ਆਪਣਾ ਕੰਮ ਕਰਨਗੇ।'' ਗੋਏਬਲਜ਼ ਦੇ ਫੁਰਮਾਨ  ਤੁਸੀਂ ਭਾਰਤ ਸਮੇਤ ਦੁਨੀਆ ਭਰ ਦੇ ਅਖਬਾਰਾਂ ਵਿਚ ਛਪਦੇ ਸਾਰੇ ਸਿਆਸੀ ਲੇਖਾਂ ਵਿਚ ਸੁਣ ਸਕਦੇ ਹੋ। ਤੁਹਾਨੂੰ ਹਰ ਪਾਸੇ ਗੋਇਬਲਜ ਚੀਕਦੇ ਦਿਖਣਗੇ।ਗੋਇਬਲਜ ਦੀ ਵਹਿਸ਼ੀ ਸੋਚ ਕਾਰਣ ਉਸ ਸਮੇਂ ਜਰਮਨੀ ਵਿੱਚ, ਲੋਕ ਖੁਦ ਦਰਿੰਦਿਆਂ ਦੀ ਭੀੜ ਬਣ ਗਏ ਅਤੇ ਗੋਏਬਲਜ਼ ਅਤੇ ਹਿਟਲਰ ਦੇ ਕੰਮ ਕਰਨ ਲੱਗੇ। ਹਿਟਲਰ ਤੇ ਗੋਇਬਲਜ ਵਲੋਂ ਜੋ ਹੁਕਮ ਨਹੀਂ  ਦਿਤੇ   ਉਸ ਤੋਂ ਵਹਿਸ਼ੀ  ਕਾਰਜ  ਭੀੜਾਂ ਨੇ  ਕੀਤੇ। ਭੀੜਾਂ ਦੇ ਹਿੰਸਕ ਕਾਰਮਨਾਮਿਆਂ ਕਾਰਣ ਹਿਟਲਰ ਖੁਸ਼ ਸੀ।  ਉਸਦੀ ਕਬਰਾਂ ਵਰਗੀ ਚੁਪ ਵਿਚ ਭੂਤਾਂ ਦਾ ਗਿਧਾ ਪੈਂਦਾ ਦਿਖਾਈ ਦੇ ਰਿਹਾ ਸੀ।ਭੀੜਾਂ ਨਫਰਤ ਵਿਚ ਪਾਗਲ ਹੋ ਜਾਣ ਤਾਂ ਘੁਗ ਵਸਦੀਆਂ ਬਸਤੀਆਂ ਨੂੰ ਸ਼ਮਸ਼ਾਨ ਘਾਟ ਬਣਾ ਦਿੰਦੀਆਂ ਹਨ।ਹਰ ਇੰਤਜ਼ਾਮ ਕੀਤਾ ਗਿਆ  ਕਿ ਹਿਟਲਰ ਜਿੱਥੇ ਵੀ ਜਾਵੇ, ਪ੍ਰੈਸ ਉਸ ਤੋਂ ਯਹੂਦੀਆਂ ਵਿਰੁੱਧ ਹਿੰਸਾ ਬਾਰੇ ਸਵਾਲ ਨਾ ਕਰੇ। ਹਿਟਲਰ ਚੁੱਪ ਰਹਿਣਾ ਚਾਹੁੰਦਾ ਸੀ ਤਾਂ ਕਿ ਦੁਨੀਆ ਵਿਚ ਉਸ ਦਾ ਅਕਸ ਖਰਾਬ ਨਾ ਹੋਵੇ। ਯਹੂਦੀਆਂ ਵਿਰੁੱਧ ਹਿੰਸਾ ਦੇ ਦੌਰ ਦਾ ਤੀਜਾ ਪੜਾਅ ਸ਼ੁਰੂ ਸੀ।1933 ਦੀ ਸ਼ੁਰੂਆਤ ਤੱਕ, ਜਰਮਨੀ ਵਿੱਚ 50,000 ਯਹੂਦੀ ਵਪਾਰੀ ਸਨ। ਜੁਲਾਈ 1938 ਤੱਕ ਸਿਰਫ਼ 9000 ਰਹਿ ਗਏ ਸਨ। 1938 ਦੀ ਬਸੰਤ ਅਤੇ ਸਰਦੀਆਂ ਦੇ ਵਿਚਾਲੇ, ਉਹਨਾਂ ਨੂੰ ਜਰਮਨੀ ਵਿਚੋਂ ਬਾਹਰ ਧੱਕਣ ਦੀ ਹਿਟਲਰੀ ਯੋਜਨਾ ਨੇ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ। ਫਰਵਰੀ 1938 ਤੱਕ ਮਿਊਨਿਖ ਸ਼ਹਿਰ ਵਿੱਚ 1690 ਯਹੂਦੀ ਵਪਾਰੀ ਸਨ, ਜੋ ਜਰਮਨੀਆਂ ਦੀ ਦਹਿਸ਼ਤ ਕਾਰਣ ਸਿਰਫ਼ 660 ਹੀ ਰਹਿ ਗਏ ਹਨ।ਜਰਮਨੀਆਂ ਨੇ ਯਹੂਦੀਆਂ ਦੁਆਰਾ ਬਣਾਏ ਗਏ ਬੈਂਕਾਂ ਉੱਤੇ ਕਬਜ਼ਾ ਕਰ ਲਿਆ ਗਿਆ। ਯਹੂਦੀ ਡਾਕਟਰਾਂ ਅਤੇ ਵਕੀਲਾਂ ਦਾ ਆਰਥਿਕ ਬਾਈਕਾਟ ਕੀਤਾ ਗਿਆ। ਆਰਥਿਕ  ਬਾਈਕਾਟ ਕਰਨ ਦੇ ਤੱਤ ਅੱਜ ਦੇ ਸਮਾਜ  ਵਿੱਚ ਵੀ ਮੌਜੂਦ ਹਨ । ਕੀ ਤੁਹਾਨੂੰ ਨਹੀਂ ਜਾਪਦਾ ਕਿ ਹਿਟਲਰ ਹਾਲੇ ਮਰਿਆ ਨਹੀਂ।ਇਹ ਹਰ ਥਾਂ ਮੌਤ ਦੇ ਦੇਵਤੇ ਦੇ ਰੂਪ ਵਿਚ ਅਵਤਾਰ ਧਾਰ ਰਿਹਾ ਹੈ।

ਯਹੂਦੀਆਂ ਦੇ ਪੂਜਾ ਘਰ ਢਾਹੇ ਜਾਣ ਲੱਗੇ। ਕਬਰਸਤਾਨਾਂ 'ਤੇ ਹਮਲੇ ਹੋਏ। 9 ਨਵੰਬਰ ਦੀ ਰਾਤ ਨੂੰ, ਨਾਜ਼ੀ ਫੌਜ ਦੁਆਰਾ ਮਿਊਨਿਖ ਸਿਨਾਗੌਗ ਨੂੰ ਸਾੜ ਦਿੱਤਾ ਗਿਆ ਸੀ।ਜਰਮਨ ਯੂਨੀਵਰਸਿਟੀ ਦੇ ਪ੍ਰੋਫੈਸਰਾਂ ਨੇ ਵੀ ਨਫ਼ਰਤ ਫੈਲਾਉਣ ਵਿੱਚ ਭੂਮਿਕਾ ਨਿਭਾਈ। ਉਹ ਕਲਾਸ ਰੂਮ ਵਿੱਚ ਯਹੂਦੀਆਂ ਦੇ ਚਰਿੱਤਰ ਅਤੇ ਮਨੋਵਿਗਿਆਨਕ ਵਿਸ਼ਲੇਸ਼ਣ ਪੜ੍ਹਾ ਰਿਹਾ ਸੀ, ਜਿਸ ਤਰ੍ਹਾਂ ਅੱਜਕਲ ਸ਼ੋਸ਼ਲ ਮੀਡੀਆ ਵਿੱਚ ਸਿਖਾਂ ਤੇ ਮੁਸਲਮਾਨਾਂ ਦਾ ਚਰਿੱਤਰ ਵਿਸ਼ਲੇਸ਼ਣ ਕੀਤਾ ਜਾ ਰਿਹਾ ਹੈ। ਜਰਮਨ ਨੌਕਰਸ਼ਾਹ ਅਜਿਹੇ ਬਿੱਲ ਤਿਆਰ ਕਰ ਰਹੇ ਸਨ ਤਾਂ ਜੋ ਯਹੂਦੀਆਂ ਦੀ ਨਿਸ਼ਾਨਦੇਹੀ ਕੀਤੀ ਜਾਵੇ ਤੇ ਉਹਨਾਂ ਨੂੰ ਸ਼ਹਿਰੀ ਅਧਿਕਾਰਾਂ ਤੋਂ ਵਾਂਝਾ ਕੀਤਾ ਜਾਵੇ।ਜਿਹੜੇ ਲੋਕ ਯਹੂਦੀਆਂ ਦੇ ਸਮਰਥਨ ਵਿੱਚ ਬੋਲ ਰਹੇ ਸਨ, ਪੁਲਿਸ ਉਨ੍ਹਾਂ ਨੂੰ ਚੁੱਕ ਕੇ ਲੈ ਜਾ ਰਹੀ ਸੀ। ਹਿਟਲਰ ਨੇ ਗੋਏਬਲਜ਼ ਨੂੰ ਦਸ ਸਾਲਾਂ ਦੇ ਅੰਦਰ ਜਰਮਨੀ ਨੂੰ ਯਹੂਦੀਆਂ ਤੋਂ ਮੁਕਤ ਕਰਨ ਦਾ ਹੁਕਮ ਦਿੱਤਾ। ਵਹਿਸ਼ੀ ਹੋਏ ਜਰਮਨੀ ਸਾੜ ਫੂਕ ,ਕਤਲ  ਸਭ ਕੁਝ ਕਰ ਰਹੇ ਸਨ,  ਹਿਟਲਰ ਸਰਕਾਰ ਤਮਾਸ਼ਬੀਨ ਬਣੀ ਬੈਠੀ ਸੀ।।ਗੋਏਬਲਜ਼ ਯਹੂਦੀ ਮੁਕਤ ਜਰਮਨੀ ਲਈ ਯਤਨ  ਤੇਜ਼ੀ ਨਾਲ ਕਰ ਰਿਹਾ ਸੀ।   ਬਰਲਿਨ ਵਿੱਚ ਯਹੂਦੀਆਂ ਨੂੰ ਜਨਤਕ ਪਾਰਕਾਂ ਵਿੱਚ ਦਾਖਲ ਹੋਣ ਤੋਂ ਰੋਕ ਦਿਤਾ ਗਿਆ ਸੀ। ਜਰਮਨੀਆਂ  ਨੇ ਯਹੂਦੀਆਂ ਦੀਆਂ ਦੁਕਾਨਾਂ ਤੋਂ ਸਾਮਾਨ ਖਰੀਦਣਾ ਬੰਦ ਕਰ ਦਿੱਤਾ। । ਯਹੂਦੀ ਇੱਕ ਮਿਸ਼ਰਤ ਆਬਾਦੀ ਦੇ ਨਾਲ ਰਹਿੰਦੇ ਸਨ. ਉਥੋਂ ਉਜਾੜ ਕੇ ਸ਼ਹਿਰ ਤੋਂ ਬਾਹਰ ਵੱਖਰੀ ਬਸਤੀ ਬਣਾ ਕੇ ਵਸਾਉਣ ਦੀ ਯੋਜਨਾ ਬਣਾਈ ਗਈ। ਇਸ ਲਈ ਧਨੀ ਯਹੂਦੀਆਂ ਤੋਂ ਵੀ ਪੈਸੇ ਮੰਗੇ ਗਏ ਸਨ। ਕੋਸ਼ਿਸ਼ ਇਹ ਸੀ ਕਿ ਯਹੂਦੀਆਂ ਨੂੰ ਹਰ ਥਾਂ ਵੱਖਰੇ ਤੌਰ 'ਤੇ ਦੇਖਿਆ ਜਾਵੇ ਤਾਂ ਜੋ ਉਨ੍ਹਾਂ ਨੂੰ ਮਾਰਨ ਲਈ ਆਉਣ ਵਾਲੀ ਭੀੜ ਨੂੰ ਪਛਾਣਨ ਵਿਚ ਕੋਈ ਗਲਤੀ ਨਾ ਹੋਵੇ।ਬੀਮਾ ਕੰਪਨੀਆਂ ਨੂੰ ਕਿਹਾ ਗਿਆ ਸੀ ਕਿ ਉਹ ਯਹੂਦੀਆਂ ਦੇ ਘਰਾਂ ਅਤੇ ਦੁਕਾਨਾਂ ਦੇ ਨੁਕਸਾਨ ਦੀ ਭਰਪਾਈ ਨਾ ਕਰਨ। ਯਹੂਦੀ ਹਰ ਪੱਖੋਂ ਅਲੱਗ-ਥਲੱਗ ਸਨ।

ਜਰਮਨੀ ਦਾ ਪੁਲਿਸ ਹੈੱਡਕੁਆਰਟਰ ਇਸ ਕਤਲੇਆਮ ਲਈ ਨੋਡਲ ਏਜੰਸੀ ਬਣ ਗਿਆ। 9-10 ਨਵੰਬਰ ਦੀ ਰਾਤ ਨੂੰ ਯਹੂਦੀਆਂ ਦੇ ਘਰ ਸਾੜੇ ਜਾਣ ਲੱਗੇ। ਐਸਐਸ ਲੋਕ ਜੰਗਲ ਦੀ ਅੱਗ ਵਾਂਗ ਫੈਲ ਗਏ। ਬਰਲਿਨ ਵਿੱਚ 15 ਪ੍ਰਾਰਥਨਾ ਸਥਾਨਾਂ ਨੂੰ ਸਾੜ ਦਿੱਤਾ ਗਿਆ ਸੀ। ਹਿਟਲਰ ਨੇ ਹੁਕਮ ਦਿੱਤਾ ਕਿ 20 ਤੋਂ 30 ਹਜ਼ਾਰ ਯਹੂਦੀਆਂ ਨੂੰ ਤੁਰੰਤ ਗ੍ਰਿਫਤਾਰ ਕੀਤਾ ਜਾਵੇ। ਨਵੰਬਰ 1938 ਦੀ ਉਸ ਰਾਤ ਸੈਂਕੜੇ ਯਹੂਦੀਆਂ ਨੂੰ ਕਤਲ ਕਰ ਦਿੱਤਾ ਗਿਆ ਸੀ। ਔਰਤਾਂ ਅਤੇ ਬੱਚੇ ਬੁਰੀ ਤਰ੍ਹਾਂ ਜ਼ਖਮੀ ਹੋ ਗਏ। ਲਗਭਗ 100 ਧਾਰਮਿਕ ਸਥਾਨਾਂ ਨੂੰ ਤਬਾਹ ਕਰ ਦਿੱਤਾ ਗਿਆ ਸੀ। 8000 ਦੁਕਾਨਾਂ ਸੜ ਗਈਆਂ। ਅਣਗਿਣਤ ਅਪਾਰਟਮੈਂਟਾਂ ਨੂੰ ਤੋੜਿਆ ਗਿਆ।ਜਦੋਂ ਗੋਏਬਲਜ਼ ਉਸ ਰਾਤ ਆਪਣੇ ਹੋਟਲ ਦੇ ਕਮਰੇ ਤੋਂ ਇਹ ਦਿ੍ਸ਼ ਦੇਖਿਆ ਤਾਂ  ਉਸਨੇ ਆਪਣੀ ਡਾਇਰੀ ਵਿੱਚ ਲਿਖਿਆ, ਸ਼ਾਬਾਸ਼, ਸ਼ਾਬਾਸ਼।ਇਹ ਨਸਲਵਾਦੀ ਰਾਜਨੀਤੀ ਅੱਜ ਵੀ ਦੁਨੀਆਂ ਵਿੱਚ ਹੋ ਰਹੀ ਹੈ। ਕਿਉਂ ਕਿ ਹਿਟਲਰ ਮਰਿਆ ਨਹੀਂ। ਉਹ ਵਹਿਸ਼ਤ ਤੇ ਦਹਿਸ਼ਤ ਦਾ ਅਵਤਾਰ ਹੈ ,ਮਰ ਕਿਵੇਂ ਸਕਦਾ ਹੈ ।                                                     

ਭੀੜਾਂ ਦੇ ਹਿੰਸਕ ਕਾਰਮਨਾਮਿਆਂ ਕਾਰਣ ਹਿਟਲਰ ਖੁਸ਼ ਸੀ।  ਉਸਦੀ ਕਬਰਾਂ ਵਰਗੀ ਚੁਪ ਵਿਚ ਭੂਤਾਂ ਦਾ ਗਿਧਾ ਪੈਂਦਾ ਦਿਖਾਈ ਦੇ ਰਿਹਾ ਸੀ।ਭੀੜਾਂ ਨਫਰਤ ਵਿਚ ਪਾਗਲ ਹੋ ਜਾਣ ਤਾਂ ਘੁਗ ਵਸਦੀਆਂ ਬਸਤੀਆਂ ਨੂੰ ਸ਼ਮਸ਼ਾਨ ਘਾਟ ਬਣਾ ਦਿੰਦੀਆਂ ਹਨ।ਹਰ ਇੰਤਜ਼ਾਮ ਕੀਤਾ ਗਿਆ  ਕਿ ਹਿਟਲਰ ਜਿੱਥੇ ਵੀ ਜਾਵੇ, ਪ੍ਰੈਸ ਉਸ ਤੋਂ ਯਹੂਦੀਆਂ ਵਿਰੁੱਧ ਹਿੰਸਾ ਬਾਰੇ ਸਵਾਲ ਨਾ ਕਰੇ। ਹਿਟਲਰ ਚੁੱਪ ਰਹਿਣਾ ਚਾਹੁੰਦਾ ਸੀ ਤਾਂ ਕਿ ਦੁਨੀਆ ਵਿਚ ਉਸ ਦਾ ਅਕਸ ਖਰਾਬ ਨਾ ਹੋਵੇ। ਯਹੂਦੀਆਂ ਵਿਰੁੱਧ ਹਿੰਸਾ ਦੇ ਦੌਰ ਦਾ ਤੀਜਾ ਪੜਾਅ ਸ਼ੁਰੂ ਸੀ।1933 ਦੀ ਸ਼ੁਰੂਆਤ ਤੱਕ, ਜਰਮਨੀ ਵਿੱਚ 50,000 ਯਹੂਦੀ ਵਪਾਰੀ ਸਨ। ਜੁਲਾਈ 1938 ਤੱਕ ਸਿਰਫ਼ 9000 ਰਹਿ ਗਏ ਸਨ। 1938 ਦੀ ਬਸੰਤ ਅਤੇ ਸਰਦੀਆਂ ਦੇ ਵਿਚਾਲੇ, ਉਹਨਾਂ ਨੂੰ ਜਰਮਨੀ ਵਿਚੋਂ ਬਾਹਰ ਧੱਕਣ ਦੀ ਹਿਟਲਰੀ ਯੋਜਨਾ ਨੇ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ। ਫਰਵਰੀ 1938 ਤੱਕ ਮਿਊਨਿਖ ਸ਼ਹਿਰ ਵਿੱਚ 1690 ਯਹੂਦੀ ਵਪਾਰੀ ਸਨ, ਜੋ ਜਰਮਨੀਆਂ ਦੀ ਦਹਿਸ਼ਤ ਕਾਰਣ ਸਿਰਫ਼ 660 ਹੀ ਰਹਿ ਗਏ ਹਨ।ਜਰਮਨੀਆਂ ਨੇ ਯਹੂਦੀਆਂ ਦੁਆਰਾ ਬਣਾਏ ਗਏ ਬੈਂਕਾਂ ਉੱਤੇ ਕਬਜ਼ਾ ਕਰ ਲਿਆ ਗਿਆ। ਯਹੂਦੀ ਡਾਕਟਰਾਂ ਅਤੇ ਵਕੀਲਾਂ ਦਾ ਆਰਥਿਕ ਬਾਈਕਾਟ ਕੀਤਾ ਗਿਆ। ਆਰਥਿਕ  ਬਾਈਕਾਟ ਕਰਨ ਦੇ ਤੱਤ ਅੱਜ ਦੇ ਸਮਾਜ  ਵਿੱਚ ਵੀ ਮੌਜੂਦ ਹਨ । ਕੀ ਤੁਹਾਨੂੰ ਨਹੀਂ ਜਾਪਦਾ ਕਿ ਹਿਟਲਰ ਹਾਲੇ ਮਰਿਆ ਨਹੀਂ।ਇਹ ਹਰ ਥਾਂ ਮੌਤ ਦੇ ਦੇਵਤੇ ਦੇ ਰੂਪ ਵਿਚ ਅਵਤਾਰ ਧਾਰ ਰਿਹਾ ਹੈ।

  ਪ੍ਰੋਫੈਸਰ ਬਲਵਿੰਦਰ ਪਾਲ ਸਿੰਘ