ਕੈਨੇਡਾ ਬਰੈਂਪਟਨ ਸਿਟੀ ਵਿੱਚ 90 ਏਕੜ ਵਿੱਚ ਹਿੰਦੂ 'ਗੀਤਾ ਪਾਰਕ' ਸਥਾਪਤ ਕਰੇਗਾ

ਅੰਮ੍ਰਿਤਸਰ ਟਾਈਮਜ਼

ਬਰੈਂਪਟਨ, 2 ਸਤੰਬਰ (ਰਾਜ ਗੋਗਨਾ ) — ਕੈਨੇਡਾ ਵਿੱਚ ਸ਼ਰਧਾ ਅਤੇ ਭਾਵਨਾ ਦੇ ਨਾਲ ਇੱਕ ਕਰੋੜਾਂ ਡਾਲਰ ਦਾ ਪਾਰਕ ਉਸਾਰਿਆ ਜਾਵੇਗਾ।ਇਹ  ਕੈਨੇਡਾ ਦੇ ਬਰੈਂਪਟਨ ਸ਼ਹਿਰ ਵਿੱਚ ਹੋਵੇਗਾ।  ਕੈਨੇਡਾ ਵਿੱਚ ਸਿੱਖਾਂ ਤੋਂ ਬਾਅਦ ਹਿੰਦੂਆਂ ਦਾ ਦੂਜਾ ਸਭ ਤੋਂ ਵੱਡਾ ਪਰਵਾਸੀ ਭਾਈਚਾਰਾ ਇੱਥੇ ਵੱਸਦਾ ਹੈ, ਜਿਸ ਵਿੱਚ ਇੱਕ ਵੱਡਾ ਭਾਈਚਾਰਾ  ਗੁਜਰਾਤੀ ਮੂਲ ਦਾ ਭਾਈਚਾਰਾ ਉੱਥੇ ਜਾ ਵੱਸਿਆ ਹੋਇਆ ਹੈ। ਭਗਵਾਨ ਕ੍ਰਿਸ਼ਨ ਅਤੇ ਅਰਜੁਨ ਤੋਂ ਇਲਾਵਾ ਕੁਝ ਹੋਰ ਵੀ  ਹਿੰਦੂ ਦੇਵੀ-ਦੇਵਤਿਆਂ ਦੇ ਦਰਸ਼ਨ ਕੀਤੇ ਜਾਣਗੇ।

ਬਰੈਂਪਟਨ ਦੇ ਮੇਅਰ ਪੈਟਰਿਕ ਬ੍ਰਾਊਨ ਨੇ ਕਿਹਾ ਕਿ ਧਰਮ ਨਿਰਪੱਖਤਾ ਦੇ ਮੂਲ ਸਿਧਾਂਤ ਨੂੰ ਸਿਖਰ 'ਤੇ ਰੱਖਦੇ ਹੋਏ, ਸਿਟੀ ਕੌਂਸਲ ਗੁਰੂ ਨਾਨਕ ਰੋਡ ਅਤੇ ਮਸਜਿਦ ਡਰਾਈਵ ਦਾ ਨਾਮਕਰਨ ਕਰਨ ਤੋਂ ਬਾਅਦ ਹੁਣ ਇੱਕ ਗੀਤਾ ਪਾਰਕ ਸਥਾਪਿਤ ਕਰੇਗੀ। ਉਨ੍ਹਾਂ ਕਿਹਾ, “ਅਸੀਂ ਮਹਾਨਗਰ ਦੇ ਨਾਗਰਿਕਾਂ ਦੁਆਰਾ ਅਪਣਾਏ ਗਏ ਸਾਰੇ ਧਰਮਾਂ ਦਾ ਹੀ ਸਤਿਕਾਰ ਕਰਦੇ ਹਾਂ।” ਮੇਅਰ ਨੇ ਖੁਲਾਸਾ ਕੀਤਾ ਕਿ ਪਾਰਕ ਵਿੱਚ ‘ਗੁਜਰਾਤੀ ਮੂਲ ਦੇ ਭਾਈਚਾਰੇ ਲਈ ਗਰਬਾ’ ਮਨਾਉਣ ਲਈ ਸਹੂਲਤਾਂ, ਇੱਕ ਬਾਸਕਟਬਾਲ ਕੋਰਟ, ਇੱਕ ਕ੍ਰਿਕਟ ਮੈਦਾਨ ਅਤੇ ਖੇਡਣ ਲਈ ਜਗ੍ਹਾ ਹੋਵੇਗੀ। ਅਤੇ ਯੋਗਾ “ਇਹ ਜੀਵਨ ਦੇ ਹਰ ਵਰਗ ਦੇ ਲੋਕਾਂ ਲਈ ਇੱਕ ਅਸਲ ਸਥਾਨ ਵੀ ਹੋਵੇਗਾ।” 90 ਏਕੜ ਦਾ ਗੀਤਾ ਪਾਰਕ ਭਾਰਤ ਤੋਂ ਬਾਹਰ ਦੁਨੀਆ ਦਾ ਸਭ ਤੋਂ ਵੱਡਾ ਪਾਰਕ ਹੋਵੇਗਾ ਜਿੱਥੇ ਹਿੰਦੂ ਸੱਭਿਆਚਾਰ ਨੂੰ ਪ੍ਰਦਰਸ਼ਿਤ ਕੀਤਾ ਜਾਵੇਗਾ। ਬਰੈਂਪਟਨ ਨੇ ਸਿਟੀ ਕੌਂਸਲ ਦੇ ਫੈਸਲੇ ਦਾ ਸਵਾਗਤ ਕਰਦੇ ਹੋਏ ਕਿਹਾ ਹੈ ਕਿ ਇਹ ਸਾਰੇ ਧਰਮਾਂ ਅਤੇ ਨਸਲਾਂ ਵਿਚਕਾਰ ਬਿਹਤਰ ਸਬੰਧ ਬਣਾਉਣ ਵਿੱਚ ਮਦਦ ਕਰੇਗਾ ਜੋ ਪਾਰਕ ਦੀ ਵਰਤੋਂ ਕਰਨ ਲਈ ਸੁਤੰਤਰ ਹੋਣਗੇ। >