ਇਜਰਾਈਲ ਫਿਲਸਤੀਨ ਜੰਗ ਨਾਲ ਦੁਨੀਆਂ ਯਹੂਦੀ- ਇਸਾਈ ਤੇ ਇਸਲਾਮ ਜੰਗ ਵਿਚ ਬਦਲੀ

*ਅਮਰੀਕਾ ਤੇ ਪੱਛਮੀ ਦੇਸ ਇਜਰਾਈਲ ਦੀ ਪਿਠ ਉਪਰ ,ਇਸਲਾਮੀ ਦੇ ,ਚੀਨ ਤੇ ਰੂਸ ਫਿਲਸਤੀਨ ਦੀ ਹਮਾਇਤ ਉਪਰ

*ਗਾਜ਼ਾ 'ਤੇ ਇਜ਼ਰਾਈਲ ਦਾ ਕਬਜ਼ਾ ਬਹੁਤ ਵੱਡੀ ਗਲਤੀ ਹੋਵੇਗੀ-ਬਿਡੇਨ

*ਰੂਸ ਤੇ ਚੀਨ ਵਲੋਂ ਤੁਰੰਤ ਜੰਗਬੰਦੀ ਦੀ ਅਪੀਲ ਕੀਤੀ

ਇਜਰਾਈਲ ਫਿਲਸਤੀਨ ਜੰਗ ਨਾਲ ਦੁਨੀਆਂ ਯਹੂਦੀ- ਇਸਾਈ ਤੇ ਇਸਲਾਮ ਜੰਗ ਵਿਚ ਬਦਲ ਰਹੀ ਹੈ ਜੋ ਕਿ ਲੰਬੇ ਸਮੇਂ ਤਕ ਚਲਣ ਦੀ ਸੰਭਾਵਨਾ ਹੈ।ਇਸ ਨਾਲ ਵਿਸ਼ਵ ਆਰਥਿਕ ,ਭੁੱਖ ਮਰੀ ਦੇ ਸੰਕਟ ਵਲ ਜਾਵੇਗਾ।ਇਸਲਾਮੀ ਦੇਸ ਪੂਰੀ ਤਰ੍ਹਾਂ ਫਿਲਸਤੀਨ ਦੀ ਹਮਾਇਤ ਉਪਰ ਹਨ।ਚੀਨ ਤੇ ਰੂਸ ਇਸਲਾਮੀ ਦੇਸਾਂ ਦੇ ਸਹਿਯੋਗੀ ਹਨ ਤੇ ਆਪਸ ਵਿਚ ਤਾਲਮੇਲ ਨਾਲ ਚਲ ਰਹੇ ਹਨ।ਅਮਰੀਕਾ ਤੇ ਬਾਕੀ ਪੱਛਮੀ ਦੇਸ ਇਜਰਾਈਲ ਦੀ ਹਮਾਇਤ ਉਪਰ ਹਨ।ਸਭ ਇਸਲਾਮੀ ਦੇਸਾਂ ਦੇ ਜਿਹਾਦੀ ਹਮਾਸ ਦੀ ਪਿਠ ਉਪਰ ਖੜ ਗਏ ਹਨ।

ਇਜ਼ਰਾਈਲ ਅਤੇ ਹਮਾਸ ਜੰਗ ਵਿੱਚ ਹੁਣ ਤੱਕ 4,800 ਤੋਂ ਵੱਧ ਲੋਕ ਆਪਣੀ ਜਾਨ ਗੁਆ ਚੁੱਕੇ ਹਨ ਅਤੇ ਦੋਵਾਂ ਧਿਰਾਂ ਵੱਲੋਂ ਦਿੱਤੀਆਂ ਜਾ ਰਹੀਆਂ ਧਮਕੀਆਂ ਨਾਲ ਇਹ ਤੈਅ ਹੈ ਕਿ ਹਮਲਿਆਂ ਅਤੇ ਮੌਤਾਂ ਦੀ ਗਿਣਤੀ ਹੋਰ ਵਧੇਗੀ। ਅਲਜਜੀਰਾ ਦੀ ਰਿਪੋਰਟ ਮੁਤਾਬਕ ਇਸ ਯੁੱਧ ਦੌਰਾਨ ਇਜ਼ਰਾਈਲ ਵਿਚ ਕਰੀਬ 1600 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ ਅਤੇ 3700 ਲੋਕ ਜ਼ਖਮੀ ਹੋਏ ਹਨ। ਇਸ ਦੇ ਨਾਲ ਹੀ ਗਾਜ਼ਾ ਵਿਚ 3200 ਲੋਕਾਂ ਦੀ ਜਾਨ ਜਾ ਚੁੱਕੀ ਹੈ ਅਤੇ ਕਰੀਬ 13 ਹਜ਼ਾਰ ਲੋਕ ਜ਼ਖਮੀ ਹੋਏ ਹਨ। ਫਲਸਤੀਨੀ ਅਧਿਕਾਰੀਆਂ ਨੇ ਦੱਸਿਆ ਕਿ ਇਜ਼ਰਾਇਲੀ ਹਮਲਿਆਂ ਦੇ ਮਲਬੇ ਹੇਠ 1500 ਤੋਂ ਵੱਧ ਲੋਕ ਦੱਬ ਚੁਕੇ ਹਨ। ਇਜ਼ਰਾਇਲੀ ਹਵਾਈ ਸੈਨਾ ਨੇ ਕਿਹਾ ਹੈ ਕਿ ਹਮਾਸ ਦਾ ਜਨਰਲ ਇੰਟੈਲੀਜੈਂਸ ਚੀਫ਼ ਹਵਾਈ ਹਮਲੇ ਵਿੱਚ ਮਾਰਿਆ ਗਿਆ ਸੀ।ਇਸ ਦੌਰਾਨ ਇਜਰਾਈਲ ਦੇ ਹਵਾਈ ਹਮਲਿਆਂ ਕਾਰਣ ਗਾਜ਼ਾ ਦੇ ਲੱਖਾਂ ਲੋਕਾਂ ਨੂੰ ਦਰਪੇਸ਼ ਭੋਜਨ, ਪਾਣੀ, ਦਵਾਈ ਅਤੇ ਬਿਜਲੀ ਵਰਗੀਆਂ ਬੁਨਿਆਦੀ ਲੋੜਾਂ ਦਾ ਸੰਕਟ ਡੂੰਘਾ ਹੋ ਗਿਆ ਹੈ।ਸੈਂਕੜੇ ਤੋਂ ਹਜ਼ਾਰਾਂ ਫਿਲਸਤੀਨੀ ਪ੍ਰਤੀ ਦਿਨ ਇਕ ਲਿਟਰ ਤੋਂ ਵੀ ਘੱਟ ਪਾਣੀ ਨਾਲ ਗੁਜ਼ਾਰਾ ਕਰ ਰਹੇ ਹਨ। ਹਸਪਤਾਲਾਂ ਵਿਚ ਐਂਮਰਜੈਂਸੀ ਬਿਜਲੀ ਤੇ ਦਵਾਈਆਂ ਦੀ ਸਪਲਾਈ ਲਗਭਗ ਖਤਮ ਹੋ ਗਈ ਹੈ। ਹੁਣ ਤਕ 6 ਲੱਖ ਲੋਕ ਗਾਜ਼ਾ ਸਿਟੀ ਛੱਡ ਕੇ ਜਾ ਚੁੱਕੇ ਹਨ।ਇਸ ਦੌਰਾਨ ਵਿਸ਼ਵ ਸਿਹਤ ਸੰਗਠਨ (ਡਬਲਿਊਐੱਚਓ) ਨੇ ਹਿਜ਼ਬੁੱਲਾ ਅਤੇ ਇਜ਼ਰਾਇਲੀ ਫ਼ੌਜ ਵਿਚਕਾਰ ਝੜਪਾਂ ਤੇਜ਼ ਹੋਣ ਕਾਰਨ ਬੇਰੂਤ ਵਿਚ ਮੈਡੀਕਲ ਸਪਲਾਈ ਦੇ ਦੋ ਬੇੜੇ ਭੇਜੇ ਹਨ। ਡਬਲਿਊਐੱਚਓ ਨੇ ਕਿਹਾ ਕਿ ਭਾਰੀ ਤਬਾਹੀ ਕਾਰਨ ਉੱਤਰੀ ਗਾਜ਼ਾ ਦੇ ਚਾਰ ਹਸਪਤਾਲ ਕੰਮ ਨਹੀਂ ਕਰ ਰਹੇ ਹਨ ਅਤੇ 21 ਹਸਪਤਾਲ ਖਾਲੀ ਕਰਨ ਦੇ ਹੁਕਮ ਮਿਲੇ ਹਨ। ਸੰਯੁਕਤ ਰਾਸ਼ਟਰ ਦੀ ਫਲਸਤੀਨੀ ਸ਼ਰਨਾਰਥੀਆਂ ਲਈ ਰਾਹਤ ਅਤੇ ਕੰਮਕਾਰ ਏਜੰਸੀ ਨੇ ਕਿਹਾ ਹੈ ਕਿ ਉਨ੍ਹਾਂ ਇਕ ਟੀਮ ਮਿਸਰ ਭੇਜੀ ਹੈ ਤਾਂ ਜੋ ਗਾਜ਼ਾ ਪੱਟੀ ਵਿਚ ਇਜ਼ਰਾਇਲੀ ਬੰਬਾਰੀ ਦਰਮਿਆਨ ਮਾਨਵੀ ਸਹਾਇਤਾ ਪਹੁੰਚਾਉਣ ਲਈ ਲਾਂਘਾ ਖੋਲ੍ਹਿਆ ਜਾ ਸਕੇ। ਸੰਯੁਕਤ ਰਾਸ਼ਟਰ ਦੇ ਮੁਖੀ ਅੰਟੋਨੀਓ ਗੁਟੇਰੇਜ਼ ਨੇ ਹਮਾਸ ਨੂੰ ਕਿਹਾ ਹੈ ਕਿ ਉਹ ਬਿਨਾ ਕਿਸੇ ਸ਼ਰਤ ਦੇ ਸਾਰੇ ਬੰਦੀਆਂ ਨੂੰ ਫੌਰੀ ਰਿਹਾਅ ਕਰੇ। ਫ਼ੌਜ ਵੱਲੋਂ ਗਾਜ਼ਾ ਪੱਟੀ ਦੀ ਕੀਤੀ ਗਈ ਮੁਕੰਮਲ ਘੇਰਾਬੰਦੀ ਦਰਮਿਆਨ ਉਨ੍ਹਾਂ ਇਜ਼ਰਾਈਲ ਨੂੰ ਵੀ ਅਪੀਲ ਕੀਤੀ ਹੈ ਕਿ ਉਹ ਗਾਜ਼ਾ ਪੱਟੀ ਵਿਚ ਆਮ ਨਾਗਰਿਕਾਂ ਲਈ ਮਾਨਵੀ ਸਹਾਇਤਾ ਪਹੁੰਚਾਉਣ ਦੀ ਇਜਾਜ਼ਤ ਦੇਵੇ। 

 ਹਮਾਸ ਨੇ ਦਾਅਵਾ ਕੀਤਾ ਕਿ ਉਸ ਨੇ ਇਜ਼ਰਾਈਲ ਦੇ ਤੇਲ ਅਵੀਵ ਅਤੇ ਯੇਰੂਸ਼ਲਮ 'ਤੇ ਮਿਜ਼ਾਈਲਾਂ ਦਾਗੀਆਂ। ਇਹ ਹਮਲੇ ਹਮਾਸ ਦੀ ਅਲ ਕਾਸਿਮ ਬ੍ਰਿਗੇਡ ਨੇ ਕੀਤੇ ਸਨ। ਹਮਾਸ ਨੇ ਕਿਹਾ ਕਿ ਇਹ ਹਮਲੇ ਆਮ ਨਾਗਰਿਕਾਂ ਨੂੰ ਨਿਸ਼ਾਨਾ ਬਣਾਉਣ ਦੇ ਜਵਾਬ ਵਿੱਚ ਕੀਤੇ ਗਏ ਸਨ। 

ਹਮਾਸ ਦੀ ਪਿਠ ਉਪਰ ਆਏ ਲੇਬਨਾਨ ਦੇ ਕੱਟੜਪੰਥੀ ਸੰਗਠਨ ਹਿਜ਼ਬੁੱਲਾ ਦਾ ਕਹਿਣਾ ਹੈ ਕਿ ਉਸ ਦੇ ਲੜਾਕਿਆਂ ਨੇ ਦੇਸ਼ ਦੇ ਦੱਖਣ ਵਿੱਚ ਸਰਹੱਦ ਦੇ ਨਾਲ ਪੰਜ ਇਜ਼ਰਾਈਲੀ ਚੌਕੀਆਂ ਨੂੰ ਨਿਸ਼ਾਨਾ ਬਣਾਇਆ ਹੈ। ਇਸ ਦੇ ਨਾਲ ਹੀ ਇਸਰਾਈਲ ਨੇ ਵੀ ਕੱਟੜਪੰਥੀ ਸੰਗਠਨ ਦੇ ਖਿਲਾਫ ਜਵਾਬੀ ਕਾਰਵਾਈ ਕੀਤੀ ਹੈ।

ਇਜ਼ਰਾਈਲ ਦੇ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਨੇ ਹਿਜ਼ਬੁੱਲਾ ਅਤੇ ਉਸ ਦੇ ਹੋਰ ਸਮਰਥਕਾਂ ਨੂੰ ਚੇਤਾਵਨੀ ਦਿੱਤੀ ਹੈ ਕਿ ਜੇਕਰ ਉਹ ਜੰਗ ਵਿੱਚ ਸ਼ਾਮਲ ਹੋਏ ਤਾਂ ਉਨ੍ਹਾਂ ਨੂੰ ਭਾਰੀ ਕੀਮਤ ਚੁਕਾਉਣੀ ਪਵੇਗੀ।

ਈਰਾਨ ਦੇ ਵਿਦੇਸ਼ ਮੰਤਰਾਲੇ ਨੇ ਕਿਹਾ ਕਿ ਜੇਕਰ ਇਜ਼ਰਾਈਲ ਗਾਜ਼ਾ ਪੱਟੀ 'ਤੇ ਹਵਾਈ ਹਮਲੇ ਦੀ ਆਪਣੀ ਮੁਹਿੰਮ ਨੂੰ ਖਤਮ ਕਰਦਾ ਹੈ ਤਾਂ ਹਮਾਸ ਲਗਭਗ 200 ਬੰਧਕਾਂ ਨੂੰ ਰਿਹਾਅ ਕਰਨ ਲਈ ਤਿਆਰ ਹੈ।

ਈਰਾਨ ਦੇ ਵਿਦੇਸ਼ ਮੰਤਰੀ ਹੁਸੈਨ ਅਮੀਰ ਅਬਦੁੱਲਾਹੀਆਨ ਨੇ ਕਤਰ ਦੇ ਅਮੀਰ ਸ਼ੇਖ ਤਮੀਮ ਬਿਨ ਹਮਦ ਅਲ-ਥਾਨੀ ਨਾਲ ਮੀਟਿੰਗ ਦੌਰਾਨ ਕਿਹਾ ਕਿ ਜੇ ਇਜ਼ਰਾਈਲ ਦੀ ਯਹੂਦੀ ਹਕੂਮਤ ਨੇ ਗਾਜ਼ਾ ਵਿਚ ਫੌਜ ਦਾਖਲ ਕੀਤੀ ਤਾਂ ਸਥਿਤੀ ਬੇਕਾਬੂ ਹੋਣ ਬਾਰੇ ਕੋਈ ਗਰੰਟੀ ਨਹੀਂ ਦੇ ਸਕਦਾ। 

ਜਾਰਡਨ, ਫਲਸਤੀਨ ਅਥਾਰਿਟੀ, ਕਤਰ, ਬਹਿਰੀਨ, ਯੂਏਈ, ਸਾਊਦੀ ਅਰਬ ਅਤੇ ਮਿਸਰ ਦੇ ਆਗੂਆਂ ਨੇ ਬਲਿੰਕਨ ਨੂੰ ਕਿਹਾ ਹੈ ਕਿ ਗਾਜ਼ਾ ਦੇ ਲੋਕਾਂ ਦੀ ਇਜ਼ਰਾਇਲ ਹਮਲਿਆਂ ਤੋਂ ਸੁਰੱਖਿਆ ਕੀਤੀ ਜਾਵੇ। 

 ਅਮਰੀਕੀ ਵਿਦੇਸ਼ ਮੰਤਰੀ ਦਾ ਇਜਰਾਈਲ ਦੌਰਾ

ਇਸ ਦੌਰਾਨ ਅਮਰੀਕੀ ਵਿਦੇਸ਼ ਮੰਤਰੀ ਐਂਟਨੀ ਬਲਿੰਕਨ ਇਜ਼ਰਾਈਲ ਦੇ ਦੌਰੇ 'ਤੇ ਹਨ। ਇੱਕ ਹਫ਼ਤੇ ਦੇ ਅੰਦਰ ਇਹ ਉਨ੍ਹਾਂ ਦਾ ਇਜ਼ਰਾਈਲ ਦਾ ਦੂਜਾ ਦੌਰਾ ਹੈ। ਖ਼ਬਰ ਇਹ ਵੀ ਹੈ ਕਿ ਜਲਦੀ ਹੀ ਅਮਰੀਕੀ ਰਾਸ਼ਟਰਪਤੀ ਜੋ ਬਿਡੇਨ ਵੀ ਇਜ਼ਰਾਈਲ ਦਾ ਦੌਰਾ ਕਰਨਗੇ।ਬਲਿੰਕੇਨ ਨੇ ਤੇਲ ਅਵੀਵ ਵਿੱਚ ਅਧਿਕਾਰੀਆਂ ਨਾਲ ਮੁਲਾਕਾਤ ਕੀਤੀ ਤਾਂ ਜੋ ਸੰਯੁਕਤ ਰਾਸ਼ਟਰ ਅਤੇ ਹੋਰਾਂ ਦੁਆਰਾ ਨਾਗਰਿਕਾਂ ਨੂੰ ਮਾਨਵਤਾਵਾਦੀ ਸਹਾਇਤਾ ਪ੍ਰਦਾਨ ਕਰਨ ਦੇ ਯਤਨਾਂ ਦੇ ਨਾਲ-ਨਾਲ ਹਮਾਸ ਦੁਆਰਾ ਬੰਧਕ ਬਣਾਏ ਗਏ ਲਗਭਗ 200 ਲੋਕਾਂ ਨੂੰ ਛੁਡਾਉਣ ਲਈ ਸਮਰਥਨ ਦੇ ਯਤਨਾਂ 'ਤੇ ਚਰਚਾ ਕੀਤੀ ਜਾ ਸਕੇ। ਇਸ ਦੇ ਨਾਲ ਹੀ ਅਮਰੀਕੀ ਰਾਸ਼ਟਰਪਤੀ ਜੋ ਬਿਡੇਨ ਨੇ ਕਿਹਾ ਹੈ ਕਿ ਗਾਜ਼ਾ 'ਤੇ ਇਜ਼ਰਾਈਲ ਦਾ ਕਬਜ਼ਾ ਬਹੁਤ ਵੱਡੀ ਗਲਤੀ ਹੋਵੇਗੀ। ਉਨ੍ਹਾਂ ਕਿਹਾ ਕਿ ਹਮਾਸ ਅਤੇ ਇਸ ਨਾਲ ਜੁੜੇ ਸੰਗਠਨ ਸਾਰੇ ਫਲਸਤੀਨੀ ਲੋਕਾਂ ਦੀ ਪ੍ਰਤੀਨਿਧਤਾ ਨਹੀਂ ਕਰਦੇ।

ਰੂਸ ਤੇ ਚੀਨ ਫਿਲਸਤੀਨ ਦੇ ਸਮਰਥਕ

ਅਮਰੀਕੀ ਰਾਸ਼ਟਰਪਤੀ ਜੋਅ ਬਿਡੇਨ ਦੇ ਇਜ਼ਰਾਈਲ ਦੇ ਸੰਭਾਵੀ ਦੌਰੇ ਤੋਂ ਪਹਿਲਾਂ, ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨੇ ਇਜ਼ਰਾਈਲ, ਈਰਾਨ, ਮਿਸਰ, ਸੀਰੀਆ ਅਤੇ ਫਲਸਤੀਨ ਦੇ ਰਾਜਾਂ ਦੇ ਮੁਖੀਆਂ ਨਾਲ ਫੋਨ 'ਤੇ ਗੱਲ ਕੀਤੀ। ਕ੍ਰੇਮਲਿਨ ਨੇ ਕਿਹਾ ਕਿ ਪੁਤਿਨ ਨੇ ਕਿਹਾ ਕਿ ਇਜਰਾਈਲ ਦੀ ਨਾਗਰਿਕਾਂ ਵਿਰੁੱਧ ਕਿਸੇ ਵੀ ਤਰ੍ਹਾਂ ਦੀ ਹਿੰਸਾ ਅਸਵੀਕਾਰਨਯੋਗ ਹੈ।' ਮਾਸਕੋ ਨੇ ਤੁਰੰਤ ਜੰਗਬੰਦੀ ਦੀ ਅਪੀਲ ਕੀਤੀ ਹੈ।

ਈਰਾਨ ਦੇ ਰਾਸ਼ਟਰਪਤੀ ਇਬਰਾਹਿਮ ਰਾਇਸੀ ਨੇ ਆਪਣੇ ਰੂਸੀ ਹਮਰੁਤਬਾ ਵਲਾਦੀਮੀਰ ਪੁਤਿਨ ਨਾਲ ਫ਼ੋਨ 'ਤੇ ਗੱਲਬਾਤ ਕੀਤੀ। ਇਸ ਤੋਂ ਬਾਅਦ ਉਸ ਨੇ ਧਮਕੀ ਦਿੱਤੀ ਹੈ ਕਿ ਗਾਜ਼ਾ ਵਿੱਚ ਚੱਲ ਰਿਹਾ ਸੰਘਰਸ਼ ਹੋਰ ਮੋਰਚਿਆਂ ਤੱਕ ਫੈਲ ਸਕਦਾ ਹੈ। ਉਨ੍ਹਾਂ ਕਿਹਾ ਕਿ ਇਜ਼ਰਾਈਲ-ਗਾਜ਼ਾ ਸੰਘਰਸ਼ ਦੇ ਸਿਆਸੀ ਹੱਲ ਤੱਕ ਪਹੁੰਚਣਾ ਬਹੁਤ ਜ਼ਰੂਰੀ ਹੈ ਅਤੇ ਹੁਣ ਸਮਾਂ ਹੌਲੀ-ਹੌਲੀ ਨਿਕਲ ਰਿਹਾ ਹੈ। ਅਜਿਹੇ ਵਿਚ ਇਹ ਜੰਗ ਹੋਰ ਹਿੱਸਿਆਂ ਵਿਚ ਵੀ ਫੈਲ ਸਕਦੀ ਹੈ। ਪੁਤਿਨ ਤੋਂ ਇਲਾਵਾ ਰਾਇਸੀ ਨੇ ਸੋਮਵਾਰ ਨੂੰ ਤੁਰਕੀ ਦੇ ਰਾਸ਼ਟਰਪਤੀ ਰੇਸੇਪ ਤੈਯਪ ਏਰਦੋਗਨ ਨਾਲ ਵੀ ਗੱਲਬਾਤ ਕੀਤੀ। 

ਇਰਾਨ, ਜੋ ਕਿ ਹਮਾਸ ਦਾ ਲੰਬੇ ਸਮੇਂ ਤੋਂ ਸਮਰਥਕ ਹੈ, ਨੇ ਵਾਰ-ਵਾਰ ਚੇਤਾਵਨੀ ਦਿੱਤੀ ਹੈ ਕਿ ਗਾਜ਼ਾ 'ਤੇ ਜ਼ਮੀਨੀ ਹਮਲੇ ਦਾ ਦੂਜੇ ਮੋਰਚਿਆਂ ਤੋਂ ਜਵਾਬ ਦਿੱਤਾ ਜਾਵੇਗਾ। 

ਇਸੇ ਦੌਰਾਨ ਚੀਨ ਨੇ ਕਿਹਾ ਹੈ ਕਿ ਇਜ਼ਰਾਈਲੀ ਕਾਰਵਾਈਆਂ ਸਵੈ-ਰੱਖਿਆ ਦੇ ਦਾਇਰੇ ਤੋਂ ਬਾਹਰ ਹੋ ਗਈਆਂ ਹਨ ਅਤੇ ਇਜ਼ਰਾਈਲ ਸਰਕਾਰ ਨੂੰ ਗਾਜ਼ਾ ਦੇ ਲੋਕਾਂ ਨੂੰ ਸਮੂਹਕ ਸਜ਼ਾ ਦੇਣ ਤੋਂ ਬਾਜ਼ ਆਉਣਾ ਚਾਹੀਦਾ ਹੈ। ਚੀਨ ਦੇ ਵਿਦੇਸ਼ ਮੰਤਰੀ ਵਾਂਗ ਯੀ ਨੇ ਸਾਊਦੀ ਅਰਬ ਦੇ ਸ਼ਹਿਜ਼ਾਦਾ ਫੈਸਲ ਬਿਨ ਫਰਹਾਨ ਨਾਲ ਗੱਲਬਾਤ ਦੌਰਾਨ ਇਹ ਗੱਲ ਕਹੀ। ਚੀਨ ਨੇ ਹੁਣ ਤੱਕ ਦੇ ਸਭ ਤੋਂ ਸਖਤ ਬਿਆਨ ਵਿਚ ਕਿਹਾ ਹੈ ਕਿ ਇਜ਼ਰਾਈਲ ਕੌਮਾਂਤਰੀ ਭਾਈਚਾਰੇ ਤੇ ਸੰਯੁਕਤ ਰਾਸ਼ਟਰ ਦੇ ਸੱਦਿਆਂ ’ਤੇ ਹਾਮੀ ਭਰਦਿਆਂ ਗੋਲੀਬੰਦੀ ਕਰੇ।

ਜੰਗ ਉਪਰ ਉਤਾਰੂ ਇਜਰਾਈਲ 

ਇਜ਼ਰਾਈਲ ਦੇ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਨੇ ਕਿ ਹਮਾਸ ਨੂੰ ਹਰਾਉਣ ਲਈ ਦੁਨੀਆ ਨੂੰ ਇਕਜੁੱਟ ਹੋਣ ਦੀ ਲੋੜ ਹੈ। ਇਜ਼ਰਾਈਲ ਦੇ ਪ੍ਰਧਾਨ ਮੰਤਰੀ ਨੇ ਹਮਾਸ ਦੀ ਤੁਲਨਾ ਨਾਜ਼ੀਆਂ ਨਾਲ ਕੀਤੀ। 

ਇਜ਼ਰਾਈਲ ਦੇ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਨੇ ਕਿਹਾ ਸੀ ਕਿ "ਅਸੀਂ ਜੰਗ ਵਿੱਚ ਹਾਂ ਅਤੇ ਅਸੀਂ ਇਸ ਨੂੰ ਜਿੱਤਾਂਗੇ।" ਉਸ ਨੇ ਇਹ ਨਹੀਂ ਕਿਹਾ ਕਿ ਸਾਡੇ 'ਤੇ ਹਮਲਾ ਹੋਇਆ ਹੈ। ਨਾ ਹੀ ਉਨ੍ਹਾਂ ਇਹ ਕਿਹਾ ਕਿ ਅਸੀਂ ਢੁੱਕਵਾਂ ਜਵਾਬ ਦੇਵਾਂਗੇ। ਉਸ ਦੁਆਰਾ ਵਰਤੇ ਗਏ ਸ਼ਬਦਾਂ ਦੇ ਡੂੰਘੇ ਅਰਥ ਹਨ ਅਤੇ ਇਤਿਹਾਸ ਵਿੱਚ ਇੱਕ ਹਜ਼ਾਰ ਸਾਲ ਪੁਰਾਣੇ ਹਨ।ਇਸ ਦੇ ਅਰਥ ਹਨ ਤਬਾਹੀ ਤੇ ਜਿੱਤ।

ਇਜ਼ਰਾਈਲ ਦੇਸ਼ ਦਾ ਨਾਮ ਬਾਅਦ ਵਿੱਚ ਰਖਿਆ ,ਉਸ ਦਾ ਪਹਿਲਾਂ,ਉਪ ਨਾਮ ਜੈਕਬ ਸੀ। ਜੈਕਬ ਦਾ ਅਰਥ ਹੈ ਯਹੂਦੀਆਂ ਦੇ ਪੁਰਖ ਮੰਨੇ ਜਾਣ ਵਾਲੇ ਅਬਰਾਹਿਮ ਦਾ ਪੋਤਾ, ਅਤੇ ਇਸਹਾਕ ਦਾ ਪੁੱਤਰ। ਜਦੋਂ ਜੈਕਬ ਨੇ ਸਵਰਗ ਦੇ ਦੂਤਾਂ ਨਾਲ ਕੁਸ਼ਤੀ ਲੜੀ ਸੀ, ਤਾਂ ਉਸ ਨੂੰ ਇਜ਼ਰਾਈਲ ਨਾਂ ਦਿੱਤਾ ਗਿਆ ਸੀ, ਜਿਸ ਦਾ ਮਤਲਬ ਹੈ ਪਰਮੇਸ਼ੁਰ ਦਾ ਯੋਧਾ। ਯਹੂਦੀ ਮਾਨਤਾਵਾਂ ਦੇ ਅਨੁਸਾਰ, ਜੈਕਬ ਦੇ 12 ਪੁੱਤਰਾਂ ਨੇ ਯਹੂਦੀਆਂ ਦੇ 12 ਕਬੀਲਿਆਂ ਦਾ ਗਠਨ ਕੀਤਾ ਅਤੇ ਸਾਰੇ ਆਪਣੇ ਆਪ ਨੂੰ ਇਜ਼ਰਾਈਲ ਦੀ ਸੰਤਾਨ ਯਾਨੀ 'ਰੱਬ ਦੇ ਯੋਧੇ' ਮੰਨਦੇ ਹਨ। ਇਸਲਾਮੀ ਕਿਤਾਬਾਂ ਵਿੱਚ ਉਨ੍ਹਾਂ ਦੀ ਪਛਾਣ ‘ਬਨੀ ਇਜ਼ਰਾਈਲ’ ਵਜੋਂ ਹੋਈ ਹੈ।

ਇਜ਼ਰਾਈਲ ਅਤੇ ਫਲਸਤੀਨ ਦੇ ਝਗੜੇ ਦੀ ਸ਼ੁਰੂਆਤ ਵੀ ਇਸਲਾਮ ਦੇ ਉਦੈ ਨਾਲ ਹੀ ਹੋ ਗਈ ਸੀ। ਜਿਹੜੀਆਂ ਇਸਲਾਮੀ ਕਿਤਾਬਾਂ ਲਿਖੀਆਂ ਗਈਆਂ ਸਨ, ਉਨ੍ਹਾਂ ਵਿੱਚ ‘ਬਨੀ ਇਜ਼ਰਾਈਲ’ ਨੂੰ ਅੱਲ੍ਹਾ ਦਾ ਦੁਸ਼ਮਣ ਕਰਾਰ ਦਿੱਤਾ ਗਿਆ ਸੀ ਅਤੇ ਉਨ੍ਹਾਂ ਨਾਲ ਲੜਨ ਦੇ ਹੁਕਮ ਦਿੱਤੇ ਗਏ ਸਨ। ਇਹ ਕੁਰਾਨ ਹੋਵੇ ਜਾਂ ਇਸਲਾਮੀ ਹਦੀਸਾਂ, ਵਿਚ ਕਿਹਾ ਗਿਆ ਸੀ ਕਿ ਇਸਲਾਮ ਦੇ ਪੈਰੋਕਾਰ ਉਤਮ ਹਨ। ਹਦੀਸ ਵਿਚ ਦਰਜ ਹੈ ਕਿ ਕਿਵੇਂ ਉਨ੍ਹਾਂ ਦੇ ਪੈਗੰਬਰ ਨੇ ਉਨ੍ਹਾਂ ਨੂੰ ਮਦੀਨੇ ਤੋਂ ਸਫਾਇਆ ਕਰ ਦਿੱਤਾ ਸੀ। ਇਸਲਾਮੀ ਕਿਤਾਬਾਂ ਦੇ ਅਨੁਸਾਰ, ਉਸ ਸਮੇਂ ਮਦੀਨਾ ਵਿੱਚ ਤਿੰਨ ਯਹੂਦੀ ਕਬੀਲੇ ਸਨ। ਬਨੂ ਕੁਨੈਜ਼ਾ, ਬਨੂ ਕੁਰੈਜ਼ਾ ਅਤੇ ਬਨੂ ਨਾਦਿਰ। ਇਸ ਵਿਚੋਂ ਬਨੂ ਕੁਰੈਜ਼ਾ ਦੇ ਸਫਾਏ ਦਾ ਵਿਸਤ੍ਰਿਤ ਵੇਰਵਾ ਹਦੀਸ ਦੀਆਂ ਪ੍ਰਮਾਣਿਕ ਪੁਸਤਕਾਂ ਵਿਚ ਦਿਤਾ ਗਿਆ ਹੈ ।

ਅਜਿਹੀ ਸਥਿਤੀ ਵਿੱਚ, ਯਹੂਦੀਆਂ ਨਾਲ ਲੜਨਾ ਮੁਸਲਮਾਨਾਂ ਲਈ ਆਪਣੇ ਇਮਾਨ ਉੱਤੇ ਅਮਲ ਕਰਨਾ ਹੈ। ਹਮਾਸ ਦੇ ਮੁਜਾਹਿਦਾਂ ਨੇ ਇਜ਼ਰਾਈਲ ਵਿਚ ਦਾਖਲ ਹੋਣ ਤੋਂ ਬਾਅਦ ਜਿਸ ਤਰ੍ਹਾਂ ਦਾ ਜ਼ਾਲਮਪੁਣਾ ਦਿਖਾਇਆ ਹੈ, ਉਹ ਯਹੂਦੀਆਂ ਪ੍ਰਤੀ ਉਨ੍ਹਾਂ ਦੀ ਨਫ਼ਰਤ ਨੂੰ ਸਪੱਸ਼ਟ ਤੌਰ 'ਤੇ ਦਰਸਾਉਂਦਾ ਹੈ।

ਇਸ ਲਈ ਹਮਾਸ ਦੇ ਤਾਜ਼ਾ ਹਮਲੇ ਤੋਂ ਬਾਅਦ ਬੈਂਜਾਮਿਨ ਨੇਤਨਯਾਹੂ ਨੇ ਬਹੁਤ ਹੀ ਚੋਣਵੇਂ ਸ਼ਬਦਾਂ ਦੀ ਵਰਤੋਂ ਕੀਤੀ "ਅਸੀਂ ਜੰਗ ਵਿੱਚ ਹਾਂ ਅਤੇ ਅਸੀਂ ਇਸਨੂੰ ਜਿੱਤਾਂਗੇ।" ਯਹੂਦੀ ਜਾਣਦੇ ਸਨ ਕਿ ਚਾਹੇ ਉਹ ਜੰਗ ਚਾਹੁੰਦੇ ਸਨ ਜਾਂ ਨਹੀਂ, ਉਨ੍ਹਾਂ ਨੂੰ ਜੰਗ ਦੇ ਮੈਦਾਨ ਤੋਂ ਬਾਹਰ ਨਹੀਂ ਜਾਣ ਦਿੱਤਾ ਜਾਵੇਗਾ। ਇਸੇ ਲਈ ਨੇਤਨਯਾਹੂ ਨੇ ਸਪੱਸ਼ਟ ਤੌਰ 'ਤੇ ਸ਼ਬਦਾਂ ਦੀ ਵਰਤੋਂ ਕੀਤੀ ਹੈ ਕਿ ਅਸੀਂ ਯੁੱਧ ਵਿਚ ਹਾਂ। ਹੁਣ ਹਰ ਯਹੂਦੀ ਸਮਝ ਗਿਆ ਹੈ ਕਿ ਜਦੋਂ ਤੱਕ ਧਰਤੀ ਉੱਤੇ ਇਸਲਾਮੀ ਕਿਤਾਬਾਂ ਨੂੰ ਮੰਨਣ ਵਾਲੇ ਮੁਸਲਮਾਨ ਹਨ, ਉਹ ਇਸ ਜੰਗ ਵਿੱਚ ਘਸੀਟੇ ਜਾਣਗੇ, ਚਾਹੇ ਉਹ ਚਾਹੁਣ ਜਾਂ ਨਾ ਚਾਹੁਣ। ਇਸ ਲਈ 1948 ਵਿੱਚ ਜਦੋਂ ਬਰਤਾਨਵੀ ਹਾਕਮਾਂ ਨੇ ਬਰਤਾਨਵੀ ਕਬਜ਼ੇ ਵਾਲੇ ਫਲਸਤੀਨ ਤੋਂ ਵੱਖ ਕਰਕੇ ਯਹੂਦੀਆਂ ਨੂੰ ਆਪਣਾ ਦੇਸ਼ ਇਜ਼ਰਾਈਲ ਦੇ ਦਿੱਤਾ ਤਾਂ ਉਨ੍ਹਾਂ ਨੇ ਇੱਕ ਭਾਈਚਾਰੇ ਵਜੋਂ ਨਹੀਂ ਸਗੋਂ ਇੱਕ ਕੌਮ ਵਜੋਂ ਚੁਣੌਤੀਆਂ ਦਾ ਸਾਹਮਣਾ ਕਰਨ ਦੀ ਯੋਜਨਾ ਉੱਤੇ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ ਸੀ।

ਇਸ ਲਈ, 1967 ਵਿੱਚ, ਪਹਿਲੀ ਵਾਰ, ਯਹੂਦੀਆਂ ਨੇ ਇੱਕ ਯੁੱਧ ਵਿੱਚ ਇਤਿਹਾਸਕ ਜਿੱਤ ਪ੍ਰਾਪਤ ਕੀਤੀ। ਇਸ ਯੁੱਧ ਵਿੱਚ, ਇਜ਼ਰਾਈਲ ਦੇ ਲੋਕਾਂ ਯਹੂਦੀਆਂ ਨੇ ਗਾਜ਼ਾ ਪੱਟੀ, ਵੇਸਟ ਬੈਂਕ, ਸਿਨਾਈ ਅਤੇ ਗੋਲਾਨ ਹਾਈਟਸ ਉੱਤੇ ਕਬਜ਼ਾ ਕਰ ਲਿਆ। ਇਸ ਯੁੱਧ ਤੋਂ ਬਾਅਦ ਲਗਭਗ 10 ਲੱਖ ਅਰਬ ਮੁਸਲਮਾਨ ਯਹੂਦੀਆਂ ਦੇ ਕਬਜ਼ੇ ਵਿਚ ਆ ਗਏ। ਇਸ ਤੋਂ ਬਾਅਦ 1995 ਵਿਚ ਓਸਲੋ ਸਮਝੌਤੇ 'ਤੇ ਦਸਤਖਤ ਕੀਤੇ ਗਏ, ਪੱਛਮੀ ਬੈਂਕ ਨੂੰ ਤਿੰਨ ਹਿੱਸਿਆਂ ਵਿਚ ਵੰਡਿਆ ਗਿਆ। ਇੱਕ ਹਿੱਸਾ ਜਿਸ ਉੱਤੇ ਫਲਸਤੀਨੀਆਂ ਦਾ ਰਾਜ ਹੈ। ਇਕ ਹਿੱਸਾ ਇਜ਼ਰਾਈਲ ਦੁਆਰਾ ਸ਼ਾਸਨ ਕੀਤਾ ਜਾਂਦਾ ਹੈ ਅਤੇ ਦੂਜੇ ਹਿੱਸੇ 'ਤੇ ਦੋਵਾਂ ਦੁਆਰਾ ਸਾਂਝੇ ਤੌਰ 'ਤੇ ਸ਼ਾਸਨ ਕੀਤਾ ਜਾਂਦਾ ਹੈ।

 ਵੈਸਟ ਬੈਂਕ ਵਿੱਚ 4.5 ਮਿਲੀਅਨ ਯਹੂਦੀ ਅਤੇ ਲਗਭਗ 2.5 ਮਿਲੀਅਨ ਫਲਸਤੀਨੀ ਰਹਿੰਦੇ ਹਨ। 6 ਮਿਲੀਅਨ ਯਹੂਦੀ ਅਤੇ 1.6 ਮਿਲੀਅਨ ਫਲਸਤੀਨੀ ਮੇਨ ਲੈਂਡ ਇਜ਼ਰਾਈਲ ਵਿੱਚ ਰਹਿੰਦੇ ਹਨ। ਗਾਜ਼ਾ ਪੱਟੀ ਇਕਲੌਤੀ ਅਜਿਹੀ ਥਾਂ ਹੈ ਜੋ ਪੂਰੀ ਤਰ੍ਹਾਂ ਫਿਲਸਤੀਨੀਆਂ ਦੇ ਕਬਜ਼ੇ ਵਿਚ ਹੈ ਅਤੇ ਉਥੇ ਇਕ ਵੀ ਯਹੂਦੀ ਨਹੀਂ ਰਹਿੰਦਾ। ਇਸ ਗਾਜ਼ਾ ਪੱਟੀ 'ਤੇ ਹੁਣ ਹਮਾਸ ਦਾ ਕਬਜ਼ਾ ਹੈ, ਜੋ ਇਖਵਾਨੁਲ ਮੁਸਲਿਮੀਨ (ਮੁਸਲਿਮ ਬ੍ਰਦਰਹੁੱਡ) ਤੋਂ ਵੱਖ ਹੋ ਗਿਆ ਸੀ। ਵੈਸਟ ਬੈਂਕ ਦੇ ਖੇਤਰ ਵਿੱਚ ਭਾਵੇਂ ਇਜ਼ਰਾਈਲ ਅਤੇ ਫਲਸਤੀਨੀਆਂ ਵਿਚਾਲੇ ਰੋਜ਼ਾਨਾ ਲੜਾਈ ਹੁੰਦੀ ਰਹਿੰਦੀ ਹੈ ਪਰ ਇਸ ਵਾਰ ਗਾਜ਼ਾ ਪੱਟੀ ਤੋਂ ਇਜ਼ਰਾਈਲ ਵਿਰੁੱਧ ਹਮਲਾ ਬਹੁਤ ਹੀ ਯੋਜਨਾਬੱਧ ਤਰੀਕੇ ਨਾਲ ਕੀਤਾ ਗਿਆ ਸੀ, ਜਿਸ ਵਿੱਚ 1967 ਤੋਂ ਬਾਅਦ ਪਹਿਲੀ ਵਾਰ ਇਜ਼ਰਾਈਲ ਨੂੰ ਇੰਨਾ ਵੱਡਾ ਨੁਕਸਾਨ ਹੋਇਆ ਹੈ।

ਪਰ ਇਜ਼ਰਾਈਲ ਅਤੇ ਫਲਸਤੀਨ ਦਰਮਿਆਨ ਝਗੜੇ ਦੀਆਂ ਜੜ੍ਹਾਂ 1948 ਵਿੱਚ ਨਹੀਂ ਹਨ ਜਦੋਂ ਬ੍ਰਿਟਿਸ਼ ਬਸਤੀਵਾਦੀਆਂ ਨੇ ਇਜ਼ਰਾਈਲ ਨੂੰ ਯਹੂਦੀਆਂ ਦੇ ਹਵਾਲੇ ਕਰ ਦਿੱਤਾ ਸੀ। ਇਸ ਦੀਆਂ ਜੜ੍ਹਾਂ ਬਹੁਤ ਡੂੰਘੀਆਂ ਹਨ ਜੋ ਟੈਂਪਲ ਆਨ ਮਾਊਂਟ ਜਾਂ ਡੋਮ ਆਫ ਦਾ ਰਾਕ ਵਿਚ ਪਈਆਂ ਹਨ। ਵੈਸਟ ਬੈਂਕ ਵਿੱਚ ਇਜ਼ਰਾਈਲ-ਫਲਸਤੀਨ ਜੰਗ ਕੱਲ੍ਹ ਨੂੰ ਗਾਜ਼ਾ ਪੱਟੀ ਤੱਕ ਸੀਮਤ ਹੋ ਜਾਵੇ, ਪਰ ਮੁਸਲਮਾਨ ਯੇਰੂਸ਼ਲਮ ਉੱਤੇ ਇਸਲਾਮੀ ਦਾਅਵੇ ਨੂੰ ਕਿਵੇਂ ਛੱਡ ਸਕਦੇ ਹਨ? ਜੇ ਓਲਡ ਜੇਨੇਸਿਸ (ਹਿਬਰੂ ਬਾਈਬਲ) ਉਸ ਨੂੰ ਕਿੰਗ ਡੇਵਿਡ ਦਾ ਸ਼ਹਿਰ ਦੱਸ ਰਹੀ ਹੈ, ਇਸਲਾਮ ਵੀ ਇੱਥੋਂ ਆਪਣੇ ਪੈਗੰਬਰ ਦੇ ਮੇਰਾਜ ਦਾ ਸਫਰ ਵੀ ਕਰ ਰਿਹਾ ਹੈ। ਜੇਕਰ ਜ਼ਮੀਨ ਦੀ ਗੱਲ ਹੋਵੇ ਤਾਂ ਜਿੱਤ ਜਾਂ ਹਾਰ ਦਾ ਫੈਸਲਾ ਇੱਕ ਵਾਰ ਹੀ ਹੋ ਜਾਂਦਾ ਹੈ ਪਰ ਇੱਥੇ ਮਸਲਾ ਧਰਮ ਅਤੇ ਵਿਸ਼ਵਾਸ ਦਾ ਹੈ।

ਇਸ ਲਈ, ਜੇ ਬੈਂਜਾਮਿਨ ਨੇਤਨਯਾਹੂ ਇਹ ਕਹਿ ਰਿਹਾ ਹੈ ਕਿ 'ਅਸੀਂ ਜਿੱਤਾਂਗੇ', ਤਾਂ ਯਕੀਨਨ ਇਜ਼ਰਾਈਲ ਦੇ ਲੋਕਾਂ ਨੇ ਪੀੜ੍ਹੀਆਂ ਦੇ ਸੰਘਰਸ਼ ਦਾ ਖਾਕਾ ਉਲੀਕਿਆ ਹੋਵੇਗਾ। ਇਸ ਜੰਗ ਦਾ ਪੱਚੀ-ਪੰਜਾਹ ਸਾਲਾਂ ਵਿੱਚ ਕੋਈ ਨਤੀਜਾ ਨਹੀਂ ਨਿਕਲਣ ਵਾਲਾ।