ਮਹਾਰਾਜਾ ਦਲੀਪ ਸਿੰਘ ਦੀ 130ਵੀਂ ਬਰਸੀ ਦੀ ਯਾਦ 'ਚ ਸੱਭਿਆਚਾਰਕ ਸਮਾਰੋਹ ਸਮਾਪਤ

ਥੈਟਫੋਰਡ ਅਤੇ ਪੰਜਾਬ ਦਾ ਤਿੰਨ-ਰੋਜ਼ਾ ਫੈਸਟੀਵਲ ਦਲੀਪ ਸਿੰਘ ਦੇ ਜੀਵਨ, ਪਰਿਵਾਰ ਅਤੇ ਵਿਰਾਸਤ ਤੋਂ ਪ੍ਰੇਰਿਤ

ਅੰਮ੍ਰਿਤਸਰ ਟਾਈਮਜ਼ ਬਿਊਰੋ

ਲੰਡਨ: ਫੈਸਟੀਵਲ ਆਫ਼ ਥੈਟਫੋਰਡ ਅਤੇ ਪੰਜਾਬ 2023 ਜੋ ਸ਼ੁੱਕਰਵਾਰ 7 ਜੁਲਾਈ ਤੋਂ ਐਤਵਾਰ 9 ਜੁਲਾਈ ਤੱਕ ਇਹ ਤਿੰਨ-ਰੋਜ਼ਾ ਫੈਸਟੀਵਲ ਪੰਜਾਬ ਦੇ ਸਭਿਆਚਾਰ ਅਤੇ ਵਿਰਾਸਤ ਦੇ ਨਾਲ ਨਾਲ  ਈਸਟ ਐਂਗਲੀਅਨ ਅਤੇ ਬਾਕੀ ਬ੍ਰਿਟੇਨ ਦੇ ਕਲਾਕਾਰਾਂ ਦੀ ਅਮਿਟ ਛਾਪ ਛੱਡ ਗਿਆ। ਮਹਾਰਾਜਾ ਦਲੀਪ ਸਿੰਘ ਦੀ 130ਵੀਂ ਬਰਸੀ ਦੀ ਯਾਦ 'ਚ 7 ਜੁਲਾਈ ਨੂੰ ਸ਼ੁਰੂ ਹੋਏ ਇਸ ਤਿਉਹਾਰ ਵਿਚ ਪੂਰੇ ਸ਼ਹਿਰ ਅਤੇ ਐਲਵੇਡਨ ਵਿੱਚ ਸਮਾਗਮਾਂ ਦੀ ਮੇਜ਼ਬਾਨੀ ਕੀਤੀ।

 ਇਹ ਸੱਭਿਆਚਾਰਕ ਸਮਾਰੋਹ ਐਲਵੇਡਨ ਵਿੱਚ ਰਹਿਣ ਵਾਲੇ ਪੰਜਾਬ ਦੇ ਆਖਰੀ ਸ਼ਾਹੀ ਪਰਿਵਾਰ ਦਲੀਪ ਸਿੰਘ ਦੇ ਜੀਵਨ , ਪਰਿਵਾਰ ਅਤੇ ਵਿਰਾਸਤ ਤੋਂ ਪ੍ਰੇਰਿਤ ਸੀ।ਫੈਸਟੀਵਲ ਦੇ ਨਿਰਦੇਸ਼ਕ, ਇੰਦੀ ਸਿੰਘ ਸੰਧੂ ਨੇ ਕਿਹਾ: “ਇਹ ਸਾਲ ਇੰਗਲੈਂਡ ਭਰ ਦੇ ਪੰਜਾਬੀ ਭਾਈਚਾਰੇ ਅਤੇ ਸਥਾਨਕ ਭਾਈਚਾਰੇ ਦੇ ਨਾਲ ਮਹਾਰਾਜਾ ਦਲੀਪ ਦੀ ਕਹਾਣੀ ਰਾਹੀਂ ਇੱਕ ਦੂਜੇ ਦੇ ਸਭਿਆਚਾਰਾਂ, ਪਰੰਪਰਾਵਾਂ ਅਤੇ ਰੀਤੀ-ਰਿਵਾਜਾਂ ਨੂੰ ਸਾਂਝਾ ਕਰਨ ਅਤੇ ਸਿੱਖਣ ਲਈ ਇਕੱਠੇ ਹੋਣ ਲਈ ਇੱਕ ਸੱਭਿਆਚਾਰਕ ਅਤੇ ਵਿਰਾਸਤੀ ਸਮਾਗਮ ਸੀ। ਇਸ ਦੇ ਨਾਲ ਹੀ ਥੈਟਫੋਰਡ ਮੇਲੇ ਵਿਚ ਰਾਜਸਥਾਨ ਹੈਰੀਟੇਜ ਬ੍ਰਾਸ ਬੈਂਡ, ਭੰਗੜਾ ਡਾਂਸ, ਸਿੱਖ ਮਾਰਸ਼ਲ ਆਰਟਸ, ਢੋਲ ਵਜਾਉਣ  ਆਦਿ ਦਾ ਵੀ ਪ੍ਰਦਰਸ਼ਨ ਕੀਤਾ ਗਿਆ।

 ਇਸ ਸਮਾਰੋਹ ਦੌਰਾਨ ਪ੍ਰਾਚੀਨ ਹਾਊਸ ਅਜਾਇਬ ਘਰ ਮੁਫਤ ਵਿੱਚ ਖੋਲ੍ਹਿਆ ਗਿਆ ਜਿਸ ਵਿੱਚ ਲੋਕਾਂ ਨੂੰ ਮਹਾਰਾਜੇ ਦੁਆਰਾ ਵਰਤੀ ਗਈ ਇੱਕ ਵਾਕਿੰਗ ਸਟਿੱਕ ਦੇਖਣ ਦਾ ਮੌਕਾ ਦਿੱਤਾ ਗਿਆ, ਜੋ ਕਿ ਮਿਊਜ਼ੀਅਮ ਦੇ ਸੰਗ੍ਰਹਿ ਦੇ ਨਾਲ-ਨਾਲ ਪੌਪ-ਅੱਪ ਪ੍ਰਦਰਸ਼ਨੀਆਂ ਲਈ ਨਵੀਂ ਹੈ। ਸਿੱਖ ਇਤਿਹਾਸਕਾਰ ਪੀਟਰ ਬੈਂਸ ਨੇ ਵੀ ਐਲਵੇਡਨ ਦੇ ਸੇਂਟ ਐਂਡਰਿਊਜ਼ ਅਤੇ ਸੇਂਟ ਪੈਟਰਿਕਸ ਚਰਚ ਵਿਖੇ ਦਲੀਪ ਸਿੰਘ ਦੇ ਪਰਿਵਾਰ ਤੇ ਸਿੱਖ ਇਤਿਹਾਸ ਨੂੰ ਸਾਂਝਾ ਕੀਤਾ ਗਿਆ।