ਰਾਜਕੁਮਾਰੀ ਸੋਫੀਆ ਦਲੀਪ ਸਿੰਘ ਨੂੰ ਲੰਡਨ ਵਿੱਚ ਇੱਕ ਯਾਦਗਾਰੀ ਨੀਲੀ ਤਖ਼ਤੀ ਨਾਲ ਸਨਮਾਨਿਤ ਕੀਤਾ ਗਿਆ

ਨੀਲਾ ਚਿੰਨ੍ਹ ਪ੍ਰਾਪਤ ਕਰਨ ਲਈ ਨਵੀਨਤਮ ਲੋਕਾਂ ਦੀ ਸੂਚੀ ਵਿੱਚ ਸੰਗੀਤਕਾਰ, ਸਫਰਗੇਟ ਅਤੇ ਸਥਾਨਕ ਨਾਇਕ ਸ਼ਾਮਲ

ਅੰਮ੍ਰਿਤਸਰ ਟਾਈਮਜ਼ ਬਿਊਰੋ

ਲੰਡਨ : ਸਿੱਖ ਬ੍ਰਿਟਿਸ਼ ਰਾਜਕੁਮਾਰੀ ਸੋਫੀਆ ਦਲੀਪ ਸਿੰਘ ਨੂੰ ਲੰਡਨ ਵਿੱਚ ਇੱਕ ਯਾਦਗਾਰੀ ਨੀਲੀ ਤਖ਼ਤੀ ਨਾਲ ਸਨਮਾਨਿਤ ਕੀਤਾ ਗਿਆ। ਰਾਜਕੁਮਾਰੀ ਸੋਫੀਆ ਦਲੀਪ ਸਿੰਘ ਸਿੱਖ ਸਾਮਰਾਜ ਦੇ ਆਖਰੀ ਸ਼ਾਸਕ ਮਹਾਰਾਜਾ ਦਲੀਪ ਸਿੰਘ ਦੀ ਧੀ ਸੀ। ਰਾਜਕੁਮਾਰੀ ਸੋਫੀਆ ਉਨ੍ਹਾਂ ਪ੍ਰਮੁੱਖ ਪ੍ਰਬੰਧਕਾ ਵਿੱਚੋਂ ਸੀ ਜਿਨ੍ਹਾਂ ਨੇ 1900 ਦੇ ਦਹਾਕੇ ਵਿੱਚ ਬ੍ਰਿਟੇਨ ਵਿੱਚ ਔਰਤਾਂ ਦੇ ਵੋਟ ਦੇ ਅਧਿਕਾਰ ਲਈ ਅੰਦੋਲਨ ਸ਼ੁਰੂ ਕੀਤਾ ਸੀ।

ਇੰਗਲਿਸ਼ ਹੈਰੀਟੇਜ ਜੋ ਬਲੂ ਪਲੇਕ ਸਕੀਮ ਨੂੰ ਚਲਾਉਂਦੀ ਹੈ, ਨੇ ਘੋਸ਼ਣਾ ਵਿੱਚ ਕਿਹਾ ਕਿ ਮਹਾਰਾਜਾ ਦਲੀਪ ਸਿੰਘ ਦੀ ਧੀ, ਅਤੇ ਮਹਾਰਾਣੀ ਵਿਕਟੋਰੀਆ ਦੀ ਰਾਣੀ ਰਾਜਕੁਮਾਰੀ ਸੋਫੀਆ ਕੋਲ ਪਹਿਲਾਂ ਹੀ ਹਾਲੈਂਡ ਪਾਰਕ (ਲੰਡਨ) ਵਿੱਚ ਇੱਕ ਤਖ਼ਤੀ ਹੈ। ਰਾਜਕੁਮਾਰੀ ਸੋਫੀਆ ਦਲੀਪ ਸਿੰਘ  “ਵੂਮੈਨਜ਼ ਸੋਸ਼ਲ ਐਂਡ ਪੋਲੀਟਿਕਲ ਯੂਨੀਅਨ (ਡਬਲਯੂਐਸਪੀਯੂ) ਅਤੇ ਵੂਮੈਨਜ਼ ਟੈਕਸ ਰੇਸਿਸਟੈਂਸ ਲੀਗ (ਡਬਲਯੂਟੀਆਰਐਲ) ਦੀ ਇੱਕ ਸਮਰਪਿਤ ਮੈਂਬਰ ਸੀ। ਤਖ਼ਤੀ ਹੈਮਪਟਨ ਕੋਰਟ ਪੈਲੇਸ ਦੇ ਨੇੜੇ ਉਸ ਘਰ 'ਤੇ ਲੱਗੇਗੀ ਜੋ ਉਸ ਨੂੰ ਉਸ ਦੀ ਧਰਮ ਮਾਂ, ਮਹਾਰਾਣੀ ਵਿਕਟੋਰੀਆ ਦੁਆਰਾ ਤੋਹਫੇ ਵਜੋਂ ਦਿੱਤਾ ਗਿਆ ਸੀ।

ਰਾਜਕੁਮਾਰੀ ਸੋਫੀਆ ਦਲੀਪ ਸਿੰਘ ਤੋਂ ਇਲਾਵਾ ਇਹ ਤਖਤੀ ਕਲਾਉਡੀਆ ਜੋਨਸ (1915-1964), ਜੋ ਇਕ ਪੱਤਰਕਾਰ ਸੀ ਜਿਸ ਨੇ ਨਸਲਵਾਦ ਵਿਰੋਧੀ ਕਾਰਕੁਨ ਅਤੇ 'ਨੋਟਿੰਗ ਹਿੱਲ ਕਾਰਨੀਵਲ ਦਾ ਸੰਸਥਾਪਕ ਸੀ ।ਇਹ ਤਖਤੀ ਵੌਕਸਹਾਲ ਪਤੇ ਨੂੰ ਚਿੰਨ੍ਹਿਤ ਕਰੇਗੀ ਜਿੱਥੇ ਜੋਨਸ ਰਹਿ ਰਹੀ ਸੀ।

ਯੇਹੂਦੀ ਮੇਨੂਹੀਨ (1916-1999), ਵੀਹਵੀਂ ਸਦੀ ਦੇ ਸਭ ਤੋਂ ਮਸ਼ਹੂਰ ਵਾਇਲਨਵਾਦਕਾਂ ਵਿੱਚੋਂ ਇੱਕ। ਮੇਨੂਹਿਨ ਦੀ ਤਖ਼ਤੀ ਬੇਲਗਰਾਵੀਆ ਦੇ ਉਸ ਘਰ 'ਤੇ ਹੋਵੇਗੀ ਜਿਸ ਵਿਚ ਉਹ ਆਪਣੀ ਜ਼ਿੰਦਗੀ ਦੇ ਪਿਛਲੇ 16 ਸਾਲਾਂ ਤੋਂ ਰਿਹਾ ਸੀ।

ਐਮਿਲੀ ਵਾਈਲਡਿੰਗ ਡੇਵਿਸਨ (1872-1913), ਸਭ ਤੋਂ ਮਸ਼ਹੂਰ ਸਫਰਗੇਟਸ ਵਿੱਚੋਂ ਇੱਕ ਤੇ ਜੋ 1913 ਵਿੱਚ ਡਰਬੀ ਵਿੱਚ ਅਣਥੱਕ ਮੁਹਿੰਮ ਅਤੇ ਅੰਤਮ ਦੁਖਦਾਈ ਮੌਤ ਲਈ ਜਾਣੀ ਜਾਂਦੀ ਹੈ। ਉਸਨੂੰ ਕੇਨਸਿੰਗਟਨ ਵਿੱਚ ਉਸਦੇ ਘਰ ਉੱਤੇ ਇੱਕ ਤਖ਼ਤੀ ਮਿਲੇਗੀ। ਇਸ ਤੋਂ ਇਲਾਵਾ ਨਸਲਵਾਦ ਵਿਰੋਧੀ ਕਾਰਕੁਨ ਕਲਾਉਡੀਆ ਜੋਨਸ, ਲੰਡਨ ਦੀ ਪਹਿਲੀ ਮਹਿਲਾ ਮੇਅਰ ਐਡਾ ਸਾਲਟਰ ਅਤੇ ਪ੍ਰੀ-ਰਾਫੇਲਾਇਟ ਮਾਡਲ ਮੈਰੀ ਸਪਾਰਟਲੀ ਸਟਿਲਮੈਨ ਸ਼ਾਮਲ ਹਨ।

ਐਡਾ ਸਾਲਟਰ (1866-1942), ਜੋ 1922 ਵਿੱਚ ਬਰਮੰਡਸੇ ਦੀ ਮੇਅਰ ਚੁਣੀ ਗਈ ਸੀ ਤੇ ਲੰਡਨ ਦੇ ਇੱਕ ਬਰੋ ਦੀ ਪਹਿਲੀ ਮਹਿਲਾ ਮੇਅਰ ਸੀ। ਉਸਦੀ ਤਖ਼ਤੀ ਸਾਊਥਵਾਰਕ ਦੀ ਇੱਕ ਇਮਾਰਤ 'ਤੇ ਹੋਵੇਗੀ ਜਿੱਥੇ ਉਹ 1890 ਵਿੱਚ ਰਹਿੰਦੀ ਸੀ।

ਮੈਰੀ ਸਪਾਰਟਲੀ ਸਟਿਲਮੈਨ (1844-1927), ਪ੍ਰੀ-ਰਾਫੇਲਾਇਟ ਪੇਂਟਰ ਡਾਂਟੇ ਗੈਬਰੀਅਲ ਰੋਸੇਟੀ ਅਤੇ ਐਡਵਰਡ ਬਰਨ-ਜੋਨਸ ਇਕ ਚਿੱਤਰਕਾਰ ਅਤੇ ਮਾਡਲ ਸੀ। ਸਟੀਲਮੈਨ ਨੂੰ ਕਲੈਫਮ ਦੇ ਘਰ ਵਿੱਚ ਯਾਦ ਕੀਤਾ ਜਾਵੇਗਾ ਜਿੱਥੇ ਉਸਨੇ ਪਹਿਲੀ ਵਾਰ ਆਪਣੇ ਪੇਂਟਿੰਗ ਕੈਰੀਅਰ ਦੀ ਸ਼ੁਰੂਆਤ ਕੀਤੀ ਸੀ।

ਦੱਸਣਯੋਗ ਹੈ ਕਿ ਇੰਗਲਿਸ਼ ਹੈਰੀਟੇਜ ਨੂੰ ਮੌਜੂਦਾ ਜਾਇਦਾਦ ਦੇ ਮਾਲਕਾਂ ਤੋਂ ਇਹ ਤਖਤੀ ਲਾਉਣ ਲਈ ਪੂਰੀ ਮਨਜ਼ੂਰੀ ਲੈਣੀ ਪੈਂਦੀ ਹੈ।