ਅਮਰੀਕਾ ‘ਚ ਚਿੱਟੀ ਪੂਛ ਵਾਲੇ ਹਿਰਨਾਂ ਵਿਚ ਪਹੁੰਚਿਆ ਕੋਵਿਡ-19

ਅੰਮ੍ਰਿਤਸਰ ਟਾਈਮਜ਼

ਨਿਊਯਾਰਕ: ਨਿਊਯਾਰਕ ਟਾਈਮਜ਼ ਦੀ ਖਬਰ ਅਨੁਸਾਰ ਅਮਰੀਕਾ ਵਿਚ ਚਿੱਟੀ ਪੂਛ ਵਾਲੇ ਹਿਰਨ ਵਿਚ ਓਮੀਕਰੋਨ ਦੀ ਲਾਗ ਪਾਈ ਗਈ ਹੈ। ਇਹ ਵਾਇਰਸ ਪਹਿਲੀ ਵਾਰ ਉੱਥੋਂ ਦੇ ਕਿਸੇ ਜੰਗਲੀ ਜਾਨਵਰ ਵਿਚ ਪਾਇਆ ਗਿਆ ਹੈ। ਸਟੇਟਨ 'ਵਿਚ ਹਿਰਨ 'ਚ ਪਾਏ ਜਾਣ ਵਾਲੇ ਵਾਇਰਸ ਨੇ ਇਸ ਥਿਊਰੀ ਨੂੰ ਮਜ਼ਬੂਤ ​​ਕੀਤਾ ਹੈ ਕਿ ਚਿੱਟੀ ਪੂਛ ਵਾਲੇ ਹਿਰਨ ਆਸਾਨੀ ਨਾਲ ਇਨਫੈਕਟਿਡ ਹੋ ਸਕਦੇ ਹਨ। ਇਹ ਚਿੰਤਾਵਾਂ ਵਧਾ ਸਕਦਾ ਹੈ ਕਿਉਂਕਿ ਹਿਰਨ ਅਮਰੀਕਾ ਵਿਚ ਮਨੁੱਖਾਂ ਦੇ ਨੇੜੇ ਰਹਿੰਦੇ ਹਨ, ਇਸ ਲਈ ਵਾਇਰਸ ਲਾਗ ਫੈਲਾਉਣ ਤੇ ਮਿਊਟੇਟ ਦਾ ਕਾਰਨ ਬਣ ਸਕਦੇ ਹਨ।

ਖੋਜਕਰਤਾਵਾਂ ਨੇ ਪਹਿਲਾਂ ਹੀ ਰਿਪੋਰਟ ਕੀਤੀ ਹੈ ਕਿ ਆਇਓਵਾ ਵਿਚ 2020 ਦੇ ਅਖੀਰ ਵਿਚ ਅਤੇ ਓਹਾਇਓ 'ਚ 2021 ਦੀ ਸ਼ੁਰੂਆਤ 'ਵਿਚ ਵੱਡੀ ਗਿਣਤੀ 'ਵਿਚ ਰੇਨਡੀਅਰ ਦੀ ਲਾਗ ਪਾਈ ਗਈ ਸੀ। ਅਮਰੀਕਾ ਦੇ ਖੇਤੀਬਾੜੀ ਵਿਭਾਗ ਨੇ ਦੇਸ਼ ਦੇ 13 ਸੂਬਿਆਂ 'ਵਿਚ ਹਿਰਨ ਵਿੱਚ ਸੰਕਰਮਣ ਦੀ ਪੁਸ਼ਟੀ ਕੀਤੀ ਹੈ। ਖੋਜਕਰਤਾਵਾਂ ਦਾ ਕਹਿਣਾ ਹੈ ਕਿ ਇਹ ਇਨਫੈਕਸ਼ਨ ਇਨਸਾਨਾਂ ਤੋਂ ਹਿਰਨ ਤਕ ਫੈਲਦੀ ਹੈ ਅਤੇ ਫਿਰ ਉਹ ਦੂਜੇ ਹਿਰਨਾਂ ਨੂੰ ਇਨਫੈਕਟਿਡ ਕਰਦੇ ਹਨ। ਮੌਜੂਦਾ ਸਮੇਂ ਹਿਰਨ ਤੋਂ ਮਨੁੱਖਾਂ ਵਿਚ ਲਾਗ ਫੈਲਣ ਦਾ ਕੋਈ ਸਬੂਤ ਨਹੀਂ ਹੈ, ਪਰ ਲੰਬੇ ਸਮੇਂ ਲਈ ਹਿਰਨ ਵਿਚ ਲਾਗ ਦਾ ਫੈਲਣਾ ਵਾਇਰਸ ਨੂੰ ਮਿਊਟੇਟ ਹੋਣ ਦਾ ਮੌਕਾ ਦੇਵੇਗਾ, ਜਿਸ ਨਾਲ ਮਨੁੱਖਾਂ ਤੇ ਜਾਨਵਰਾਂ ਵਿਚ ਨਵੇਂ ਸਟ੍ਰੇਨ ਫੈਲ ਸਕਦੇ ਹਨ।2019 ਦੇ ਅੰਤ ਤੋਂ ਪੂਰੀ ਦੁਨੀਆ 'ਚ ਕੋਰੋਨਾ ਵਾਇਰਸ ਨੂੰ ਖਤਮ ਕਰਨ ਲਈ ਜੰਗ ਜਾਰੀ ਹੈ ਪਰ ਹੁਣ ਤਕ ਇਸ ਤੋਂ ਛੁਟਕਾਰਾ ਨਹੀਂ ਮਿਲ ਸਕਿਆ ਹੈ। ਮਹਾਮਾਰੀ ਦਾ ਰੂਪ ਧਾਰਨ ਕਰਨ ਤੋਂ ਬਾਅਦ ਅਮਰੀਕਾ ਨੇ ਸਭ ਤੋਂ ਵੱਧ ਸਹਿਆ ਹੈ। ਉੱਥੇ ਵਾਇਰਸ ਦਾ ਕਹਿਰ ਆਪਣੇ ਸਿਖਰ 'ਤੇ ਹੈ।