ਅਮਰੀਕਾ ਦੀ ਸੰਸਦ ਉਤੇ ਰਿਪਬਲਿਕਨ ਹਮਲਾਵਰਾਂ 'ਚ ਦਿੱਖੇ ਭਾਰਤੀ ਝੰਡਿਆਂ ਕਰਕੇ ਭਾਰਤੀਆਂ ਲਈ ਨਿਮੋਸ਼ੀ

ਖੂਫੀਆ ਏਜੰਸੀਆਂ ਵਲੋਂ ਤਫਤੀਸ਼ ਜਾਰੀ, ਗ੍ਰਿਫਤਾਰੀ ਕਿਸੇ ਵੇਲੇ ਵੀ ਸੰਭਵ

(ਅਮਰੀਕਾ ਤੋਂ ਹੁਸਨ ਲੜੋਆ ਬੰਗਾ ਦੀ ਖਾਸ ਰਿਪੋਰਟ)

ਅਮਰੀਕਾ ਦੀ ਸੰਸਦ ਉੱਤੇ ਰਿਪਬਲਿਕਨ ਦੰਗਾਕਾਰੀਆਂ ਤੇ ਹਮਲਾਵਰਾਂ ਵਲੋਂ ਵਰਤੇ ਗਏ "ਸਾਡਾ ਰਾਸ਼ਟਰਪਤੀ ਟਰੰਪ" ਅਤੇ ਅਮਰੀਕਾ ਦੇ ਮੁੱਖ ਝੰਡਿਆਂ ਵਿੱਚ ਭਾਰਤ ਦੇ ਕੁਝ ਕੁ ਦਿਸਦੇ ਝੰਡੇ ਭਾਵੇਂ ਅਜੇ ਵੀ ਬੁਝਾਰਤ ਬਣੇ ਹੋਏ ਹਨ ਪਰ ਭਾਰਤੀਆਂ ਨੂੰ ਇਸ ਕਰਕੇ ਨਿਮੋਸ਼ੀ ਤੇ ਅਲੋਚਨਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਭਾਵੇਂ ਕਿ ਭਾਰਤੀ ਮੀਡੀਏ ਨੇ ਇਸ ਵਾਰੇ ਚੁੱਪੀ ਧਾਰੀ ਹੋਈ ਹੈ, ਪਰ ਅਮਰੀਕਾ ਦੇ ਸਯੁੰਕਤ ਮੀਡੀਆ 'ਤੇ ਵਾਇਰਲ ਹੋਏ ਅਮਰੀਕੀ ਕੈਪੀਟਲ ਵਿਚ ਹੋਏ ਹਿੰਸਕ ਪ੍ਰਦਰਸ਼ਨਾਂ ਦੀ ਵੱਖ ਵੱਖ ਫੁਟੇਜ ਵਿਚ ਅਮਰੀਕੀ ਅਤੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਝੰਡਿਆਂ ਦੇ ਵਿਚਕਾਰ ਭਾਰਤੀ ਝੰਡੇ ਦੇਖੇ ਗਏ ਜਿਸਦੀ ਖੂਫੀਆ ਏਜੰਸੀਆਂ ਵਲੋਂ ਤਫਦੀਸ਼ ਕੀਤੀ ਜਾ ਰਹੀ ਹੈ। 

ਦੂਸਰੇ ਪਾਸੇ ਇਕ ਭਾਰਤੀ ਅਮਰੀਕੀ ਰਿਪਬਲੀਕਨ ਰਾਜਨੀਤਿਕ ਕਾਰਕੁਨ, ਵਿਨਸੈਂਟ ਜ਼ੇਵੀਅਰ ਨੇ 7 ਜਨਵਰੀ ਨੂੰ ਟਵੀਟ ਕਰਕੇ ਭਾਰਤ, ਦੱਖਣੀ ਕੋਰੀਆ ਅਤੇ ਈਰਾਨ ਦੇ ਝੰਡੇ ਦੀਆਂ ਤਸਵੀਰਾਂ ਆਪਣੇ ਟਵੀਟਰ ਅਕਾਊਂਟ ਵਿੱਚ ਦਿਖਾਉਂਦਿਆਂ ਕਿਹਾ ਕਿ "ਅਮਰੀਕੀ ਦੇਸ਼ ਭਗਤ, ਭਾਰਤੀ, ਵੀਅਤਨਾਮੀ, ਕੋਰੀਅਨ ਅਤੇ ਈਰਾਨੀ ਮੂਲ, ਅਤੇ ਹੋਰ ਬਹੁਤ ਸਾਰੀਆਂ ਕੌਮਾਂ ਅਤੇ ਨਸਲਾਂ ਦੇ, ਜੋ ਵਿਸ਼ਵਾਸ ਕਰਦੇ ਹਨ ਕਿ ਵੱਡੇ ਪੱਧਰ 'ਤੇ ਵੋਟਰ ਧੋਖਾਧੜੀ ਹੋਈ ਹੈ ਇਸ ਕਰਕੇ ਟਰੰਪ ਨਾਲ ਏਕਤਾ ਰੈਲੀ ਵਿੱਚ ਸ਼ਾਮਲ ਹੋਏ ਸਨ ਤੇ ਇਹ ਸ਼ਾਂਤਮਈ ਪ੍ਰਦਰਸ਼ਨਕਾਰੀ ਜੋ ਆਪਣੇ ਅਧਿਕਾਰਾਂ ਦੀ ਵਰਤੋਂ ਕਰ ਰਹੇ ਸਨ।" 

ਆਪਣੇ ਫੇਸਬੁੱਕ ਪੇਜ 'ਤੇ, ਜ਼ੇਵੀਅਰ ਨੇ ਵਿਰੋਧ ਕਰ ਰਹੇ ਇਕ ਵਿਅਕਤੀ ਦਾ ਵੀਡੀਓ ਭਾਰਤੀ ਝੰਡੇ ਨਾਲ ਪੋਸਟ ਕੀਤਾ ਹੈ। ਪੋਸਟ 'ਤੇ ਟਿੱਪਣੀ ਕਰਨ ਵਾਲੇ ਬਹੁਤ ਸਾਰੇ ਲੋਕਾਂ ਨੇ ਭਾਰਤ ਅਤੇ ਭਾਰਤੀਆਂ ਦੀ ਇਹ ਵਿਰੋਧ ਪ੍ਰਦਰਸ਼ਨ ਲਈ ਅਲੋਚਨਾ ਕੀਤੀ। ਇਕ ਨੇ ਕਿਹਾ "ਟਰੰਪ ਰੈਲੀਆਂ ਤੇ ਵਿਰੋਧ ਕਰਨਾ ਤੁਹਾਡਾ ਅਧਿਕਾਰ ਹੈ, ਤੁਹਾਨੂੰ ਭਾਰਤੀ ਝੰਡਾ ਚੁੱਕਣ ਦਾ ਕੋਈ ਅਧਿਕਾਰ ਨਹੀਂ ਹੈ, ਜੋ ਕਿ ਯੂ ਐਸ ਕੈਪੀਟਲ ਤੇ ਦਿੱਖ ਰਿਹਾ ਸੀ" 

ਇਕ ਟਵਿੱਟਰ ਉਪਭੋਗਤਾ ਦੀ ਇਕ ਹੋਰ ਤਸਵੀਰ ਵਿਚ ਛੇ ਲੋਕ ਫੈਡਰਲ ਬਿਊਰੋ ਆਫ਼ ਇਨਵੈਸਟੀਗੇਸ਼ਨ ਹੈੱਡਕੁਆਰਟਰ ਦੇ ਸਾਹਮਣੇ ਖੜੇ ਦਿਖਾਈ ਦਿੱਤੇ ਜਿਵੇਂ ਕਿ ਉਨ੍ਹਾਂ ਵਿਚ ਇਕ ਫੋਟੋ ਵਿੱਚ ਜਿਸ ਵਿਚ ਇਕ ਖੰਭੇ ਉੱਤੇ ਇਕ ਭਾਰਤੀ ਝੰਡਾ ਸੀ। ਸਮੂਹ ਦੇ ਇੱਕ ਹੋਰ ਵਿਅਕਤੀ ਨੇ ਇੱਕ ਲੋਗੋ ਫੜਿਆ ਹੋਇਆ ਸੀ ਜਿਸ ਵਿੱਚ ਕਿਹਾ ਗਿਆ ਸੀ, "ਇੰਡੀਅਨ ਵੋਇਸ ਫੌਰ ਟਰੰਪ" ਅਤੇ ਹੋਰਾਂ ਦੇ ਕੋਲ ਇੱਕ ਅਮਰੀਕੀ ਅਤੇ ਟਰੰਪ ਦਾ ਝੰਡਾ ਅਤੇ ਲੋਗੋ ਸੀ ਜਿਸ ਵਿੱਚ ਕਿਹਾ ਗਿਆ ਸੀ, "ਏਸ਼ੀਅਨ ਪੈਸੀਫਿਕ ਅਮਰੀਕਨ ਫੌਰ ਟਰੰਪ" ਅਤੇ "ਸਟੌਪ ਦਾ ਸਟੀਲ"। 

ਇੱਕ ਹਵਾਲੇ ਮੁਤਾਬਕ ਲੱਗਦਾ ਸੀ ਕਿ ਉਹ ਭਾਰਤੀ ਮੂਲ ਦੇ ਸਨ ਅਤੇ ਕੁਝ ਕੁ 20 ਜਾਂ 30 ਸਾਲਾਂ ਦੀ ਉਮਰ ਦੇ ਦਿਖਾਈ ਦਿੱਤੇ ਸਨ। ਉਨ੍ਹਾਂ ਦੀ ਅਜੇ ਪਛਾਣ ਨਹੀਂ ਹੋ ਸਕੀ ਅਤੇ ਨਾ ਹੀ ਉਨਾਂ ਦੀ ਗਿਰਫਤਾਰੀ ਹੋਈ ਦੀ ਕੋਈ ਪੁਸ਼ਟੀ ਦੀ ਖਬਰ ਹੀ ਪਰ ਐਫ ਬੀ ਆਈ ਤੇ ਆਈ ਬੀ ਤੇ ਹੋਰ ਖੂਫੀਆਂ ਏਜੰਸੀਆਂ ਇਸ ਤੇ ਕੰਮ ਕਰ ਰਹੀਆਂ ਹਨ। ਪਰ "ਇੰਡੀਅਨ ਵੋਇਸ ਫੋਰ ਟਰੰਪ" ਦੀ ਵੈਬਸਾਈਟ 'ਤੇ ਕੋਈ ਸੰਕੇਤ ਨਹੀਂ ਮਿਲਿਆ ਸੀ ਕਿ ਉਸਨੇ ਵਿਰੋਧ ਪ੍ਰਦਰਸ਼ਨ ਦੀ ਹਮਾਇਤ ਕੀਤੀ ਸੀ, ਪਰ ਇਸ ਸੰਗਠਨ ਨੇ ਚੋਣ ਲੜਨ ਵੇਲੇ ਟਰੰਪ ਲਈ ਮੁਹਿੰਮ ਚਲਾਈ ਸੀ। ਇਕ ਪਬਲਿਕ ਰੇਡੀਓ ਸਟੇਸ਼ਨ ਲਈ ਕੰਮ ਕਰਨ ਵਾਲੇ ਇਕ ਭਾਰਤੀ ਅਮਰੀਕੀ ਪੱਤਰਕਾਰ ਨੇ ਵਿਰੋਧ ਪ੍ਰਦਰਸ਼ਨ ਵਿਚ ਹਿੱਸਾ ਲੈਣ ਬਾਰੇ ਟਵੀਟ ਕੀਤਾ: “ਸ਼ਾਇਦ ਤੁਹਾਨੂੰ ਲਗਦਾ ਹੈ ਕਿ ਇਹ ਇਕ ਗੋਰੇ ਲੋਕਾਂ ਦੀ ਭੀੜ ਸੀ, ਉਸਨੇ ਕਿਹਾ ਰਾਸ਼ਟਰਪਤੀ ਦੇ ਭਾਰਤੀ-ਅਮਰੀਕੀ ਸਮਰਥਕ ਹਨ ਜਿਨ੍ਹਾਂ ਨੇ ਮੇਰੇ ਸਰੋਤ ਹੇਮੰਤ ਦੀ ਤਰ੍ਹਾਂ ਹਿੱਸਾ ਲਿਆ, ਜੋ ਕਿ ਆਈਸਲਿਨ ਨਿਊ ਜਰਸੀ ਦਾ ਇਕ ਵਪਾਰੀ ਹੇਮੰਤ ਹੈ। ਉਸਨੇ ਅੱਜ ਦੇ ਸਮਾਗਮ ਲਈ ਬੇਮਿਸਾਲ ਕੰਮ ਕੀਤਾ। ਇਸ ਭਾਰਤੀ ਰੇਡੀਓ ਦੇ ਪੱਤਰਕਾਰ ਨੇ ਉਸ ਵਿਅਕਤੀ ਨਾਲ ਇਕ ਆਪਸੀ ਵਾਰਤਾਲਾਪ ਦਾ ਸਕ੍ਰੀਨਸ਼ਾਟ ਵੀ ਪੋਸਟ ਕੀਤਾ ਜਿਸਦੀ ਪਛਾਣ ਕੇਵਲ ਹੇਮੰਤ ਵਜੋਂ ਕੀਤੀ ਗਈ ਜਿਸ ਵਿਚ ਉਸਨੇ ਕਿਹਾ: "ਮੈਂ ਇੱਥੇ ਹਾਂ, ਹਜ਼ਾਰਾਂ ਅਤੇ ਹਜ਼ਾਰਾਂ ਲੋਕ ਇੱਥੇ ਹਨ, ਉਨ੍ਹਾਂ ਨੇ ਕੈਪੀਟਲ ਦੀ ਇਮਾਰਤ 'ਤੇ ਹਮਲਾ ਕੀਤਾ ਜੋ ਮੈਂ ਦੇਖਿਆ ...।" 

ਵਾਸ਼ਿੰਗਟਨ ਨਿਊਜ਼ ਰੇਡੀਓ ਸਟੇਸ਼ਨ ਡਬਲਯੂ ਟੀ ਓ ਪੀ ਦੇ ਡਿਜੀਟਲ ਸੰਪਾਦਕ ਅਲੇਜੈਂਡਰੋ ਅਲਵਰਜ਼ ਦੁਆਰਾ ਪੋਸਟ ਕੀਤੇ ਗਏ ਇੱਕ ਵੀਡੀਓ ਵਿੱਚ ਸਭ ਤੋਂ ਪਹਿਲਾਂ ਭਾਰਤੀ ਝੰਡਾ ਦਿਖਾਇਆ ਗਿਆ ਅਤੇ ਇਸਨੂੰ ਰਾਜਧਾਨੀ ਤੇ ਖੜੀ ਭੀੜ ਵਿੱਚ ਵੇਖਿਆ ਗਿਆ ਜਦੋਂ ਕਿ ਕੁਝ ਹੋਰ ਅੱਗੇ ਕੁਝ ਲੋਕ ਇਮਾਰਤ ਤੇ ਚੜ੍ਹ ਰਹੇ ਸਨ। ਝੰਡਾ ਫੜਨ ਵਾਲਾ ਵਿਅਕਤੀ ਵੀਡੀਓ ਵਿੱਚ ਨਹੀਂ ਵੇਖਿਆ ਜਾ ਸਕਿਆ। ਅਕਤੂਬਰ 2020 ਵਿਚ ਪ੍ਰਕਾਸ਼ਤ ਇਕ ਭਾਰਤੀ ਅਮਰੀਕੀ ਰਵੱਈਏ ਦੇ ਸਰਵੇਖਣ ਤੋਂ ਪਤਾ ਚੱਲਿਆ ਹੈ ਕਿ ਭਾਰਤੀ ਭਾਈਚਾਰੇ ਦੇ ਰਜਿਸਟਰਡ ਵੋਟਰਾਂ ਵਿਚੋਂ 22 ਪ੍ਰਤੀਸ਼ਤ ਨੇ ਟਰੰਪ ਨੂੰ ਵੋਟ ਪਾਉਣ ਦੀ ਰਿਪੋਰਟ ਆਈ ਸੀ, ਜਦੋਂ ਕਿ 72 ਪ੍ਰਤੀਸ਼ਤ ਡੈਮੋਕਰੇਟਿਕ ਪਾਰਟੀ ਦੇ ਉਮੀਦਵਾਰ ਜੋ ਬਿਡੇਨ ਲਈ ਸਨ। ਉੱਧਰ ਦਿੱਲੀ ਵਿੱਚ ਹੱਕੀ ਮੰਗਾਂ ਲਈ ਜੂਝ ਰਹੇ ਕਿਸਾਨਾਂ ਲਈ ਜੇਕਰ ਕੋਈ ਬਾਹਰਲੇ ਦੇਸ਼ ਦਾ ਮੁੱਖੀ, ਸੰਸਥਾ ਜਾਂ ਯੂ ਐਨ ਓ ਹਾਅ ਦਾ ਨਾਅਰਾ ਮਾਰ ਦਿੰਦਾ ਹੈ ਤਾਂ ਭਾਰਤੀ ਗੋਦੀ ਮੀਡੀਆ ਅੱਡੀਆਂ ਚੁੱਕ ਚੁੱਕ ਉਸਦੀ ਨਿੰਦਾ ਕਰਦਾ ਹੈ, ਪਰ ਹੁਣ ਇਸ ਘਟਨਾਂ ਕ੍ਰਮ ਅਤੇ ਹੋਈ ਨਮੋਸ਼ੀ ਤੇ ਕੋਈ ਚੈਨਲ ਬਹਿਸ ਨਹੀਂ ਕਰ ਰਿਹਾ ਤੇ ਨਾਂ ਹੀ ਕਿਸੇ ਨੇ ਨਿੰਦਾ ਕੀਤੀ ਹੈ।