ਭਾਈ ਹਰਦੀਪ ਸਿੰਘ ਨਿੱਝਰ ਨੂੰ ਸਰੀ ਗੁਰੂਘਰ ਦੇ ਬਾਹਰ ਅਣਪਛਾਤੇਆ ਨੇ ਗੋਲੀਆਂ ਮਾਰ ਕੇ ਕੀਤਾ ਸ਼ਹੀਦ

ਉਹ ਚਿੰਤਤ ਸੀ ਕਿ ਅਸੀਂ ਖਾਲਿਸਤਾਨ ਬਣਾਉਣ ਦੇ ਪੈਂਦੇ ਨੂੰ ਕਿਵੇਂ ਪੂਰਾ ਕਰਾਂਗੇ

ਅੰਮ੍ਰਿਤਸਰ ਟਾਈਮਜ਼ ਬਿਊਰੋ 

ਨਵੀਂ ਦਿੱਲੀ 19 ਜੂਨ (ਮਨਪ੍ਰੀਤ ਸਿੰਘ ਖਾਲਸਾ):- ਕਨੈਡਾ ਦੇ ਸਰੀ ਗੁਰੂਘਰ ਦੇ ਮੁੱਖ ਸੇਵਾਦਾਰ ਭਾਈ ਹਰਦੀਪ ਸਿੰਘ ਨੂੰ ਬੀਤੀ ਰਾਤ ਅਣਪਛਾਤੇ ਦੋ ਹਮਲਾਵਰਾਂ ਨੇ ਗੋਲੀਆਂ ਮਾਰ ਕੇ ਸ਼ਹੀਦ ਕਰ ਦਿੱਤਾ । ਉਨ੍ਹਾਂ ਨੂੰ ਓਸ ਸਮੇਂ ਗੋਲੀਆਂ ਮਰੀਆਂ ਗਈਆਂ ਜਦੋ ਓਹ ਗੁਰੂਘਰ ਤੋਂ ਬਾਹਰ ਆਪਣੀ ਗੱਡੀ ਵਿਚ ਬੈਠ ਚੁੱਕੇ ਸਨ । ਓਹ ਖਾਲਿਸਤਾਨ ਲਈ ਵਚਨਬੱਧ ਸਨ ਅਤੇ ਲੰਬੇ ਸਮੇਂ ਤੋਂ ਭਾਰਤੀ ਸੁਰੱਖਿਆ ਬਲਾਂ ਦੇ ਰਾਡਾਰ 'ਤੇ ਸਨ। ਕੈਨੇਡੀਅਨ ਇੰਟੈਲੀਜੈਂਸ ਨੇ ਬੀਤੇ ਦਿਨ ਹੀ ਭਾਈ ਹਰਦੀਪ ਸਿੰਘ ਅਤੇ ਇੱਕ ਹੋਰ ਸਿੰਘ ਨੂੰ ਚੇਤਾਵਨੀ ਦਿੱਤੀ ਸੀ ਕਿ ਉਹਨਾਂ ਦੀ ਜਾਨ ਨੂੰ ਖਤਰਾ ਹੈ, ਉਹਨਾਂ ਉੱਤੇ ਹਮਲੇ ਕੀਤੇ ਜਾ ਸਕਦੇ ਹਨ। ਐਨ ਆਈ ਏ ਵੱਲੋਂ ਉਸਦੇ ਸਿਰ 'ਤੇ 10 ਲੱਖ ਰੁਪਏ ਦਾ ਇਨਾਮ ਵੀ ਰੱਖਿਆ ਗਿਆ ਸੀ ਅਤੇ ਹਿੰਦ ਏਜੰਸੀਆਂ ਵਲੋਂ ਹਾਲ ਹੀ ਦੇ ਮਹੀਨਿਆਂ ਵਿੱਚ ਭਾਰਤੀ ਅਦਾਲਤਾਂ ਉਸਦੀ ਹਵਾਲਗੀ ਦੀ ਮੰਗ ਕਰ ਰਹੀਆਂ ਸਨ।

ਭਾਈ ਨਿੱਝਰ ਆਪਣੀ ਸੁਰੱਖਿਆ ਬਾਰੇ ਚਿੰਤਤ ਨਹੀਂ ਸੀ। ਧਮਕੀਆਂ ਮਿਲਣ ਦੇ ਬਾਵਜੂਦ ਨਿੱਝਰ ਨੇ ਕਦੇ ਵੀ ਆਪਣੇ ਕੋਲ ਸੁਰੱਖਿਆ ਨਹੀਂ ਰੱਖੀ ਸੀ । ਉਹ ਚਿੰਤਤ ਸੀ ਕਿ ਅਸੀਂ ਖਾਲਿਸਤਾਨ ਬਣਾਉਣ ਦੇ ਪੈਂਦੇ ਨੂੰ ਕਿਵੇਂ ਪੂਰਾ ਕਰਾਂਗੇ ਅਤੇ ਅਸੀਂ ਜਨਮਤ ਸੰਗ੍ਰਹਿ ਕਿਵੇਂ ਪੂਰਾ ਕਰਾਂਗੇ । ਓਹ ਕਨੈਡਾ ਵਿਚ 1997 ਤੋਂ ਰਹਿ ਰਹੇ ਸਨ ਜਿਥੇ ਇਕ ਪਲੰਬਰ ਦਾ ਕੰਮ ਕਰਕੇ ਗੁਜ਼ਾਰਾ ਕਰਦੇ ਸਨ । 

ਭਾਈ ਹਰਦੀਪ ਸਿੰਘ ਦਾ ਕਤਲ, ਯੂਕੇ ਵਿੱਚ ਭਾਈ ਅਵਤਾਰ ਸਿੰਘ ਖੰਡਾ, ਅਤੇ ਪਾਕਿਸਤਾਨ ਵਿੱਚ ਭਾਈ ਹਰਪ੍ਰੀਤ ਸਿੰਘ ਪੀ ਐਚ ਡੀ ਅਤੇ ਭਾਈ ਪਰਮਜੀਤ ਸਿੰਘ ਪੰਜਵੜ ਦੀ ਮੌਤ ਤੋਂ ਬਾਅਦ ਹੋਇਆ ਹੈ। ਭਾਈ ਪੰਜਵੜ ਦੇ ਕਤਲ ਵਿੱਚ ਭਾਰਤੀ ਫੌਜਾਂ ਸ਼ਾਮਲ ਸਨ ਅਤੇ ਇਸ ਗੱਲ ਦੀ ਪੂਰੀ ਸੰਭਾਵਨਾ ਹੈ ਕਿ ਭਾਈ ਹਰਦੀਪ ਸਿੰਘ ਅਤੇ ਭਾਈ ਅਵਤਾਰ ਸਿੰਘ ਦੇ ਕਤਲਾਂ ਪਿੱਛੇ ਉਹਨਾਂ ਦਾ ਹੱਥ ਹੋ ਸਕਦਾ ਹੈ । ਇਸ ਦਾ ਮਤਲਬ ਇਹ ਹੋਵੇਗਾ ਕਿ ਭਾਰਤ ਦੁਨੀਆ ਭਰ ਦੇ ਮਤਭੇਦਾਂ ਨੂੰ ਹਮਲਾਵਰ ਢੰਗ ਨਾਲ ਨਿਸ਼ਾਨਾ ਬਣਾਉਣ ਲਈ ਮੋਸਾਦ ਦੁਆਰਾ ਵਰਤੇ ਗਏ ਮਾਡਲ ਨੂੰ ਅਪਣਾ ਰਿਹਾ ਹੈ। ਜਿਸ ਤਰ੍ਹਾਂ ਇਸਰਾਇਲ ਪੱਛਮੀ ਦੇਸ਼ਾਂ ਦੁਆਰਾ ਵਾਪਸ ਆਇਆ ਹੈ ਉਸੇ ਤਰ੍ਹਾਂ ਭਾਰਤ ਵੀ ਓਹੀ ਪਰਿਕਰੀਆਂ ਆਪਣਾ ਰਿਹਾ ਹੈ। ਇਥੇ ਇਕ ਗੱਲ ਦਸਣਯੋਗ ਹੈ ਕਿ ਭਾਈ ਖੰਡੇ ਦੇ ਚਲਾਣੇ ਮਗਰੋਂ ਇਕ ਸ਼ੀਸ਼ੀਰ ਦੁਬੇ ਨਾਮ ਦਾ ਟਵੀਟ ਵਾਇਰਲ ਹੋਇਆ ਸੀ ਕਿ ਓਸ ਵਿਚ ਲਿਖਿਆ ਗਿਆ ਸੀ ਕਿ ਪਹਿਲਾਂ ਪਾਕਿਸਤਾਨ ਫੇਰ ਯੂਕੇ ਤੇ ਹੁਣ ਕਨੈਡਾ ਬੈਠੇ ਸਿੱਖ ਦਾ ਨੰਬਰ ਲੱਗ ਸਕਦਾ ਹੈ ਤੇ ਅਜ ਹੀ ਵਿਨੋਦ ਸ਼ਰਮਾ ਨਾਮ ਦੇ ਇਨਸਾਨ ਨੇ ਭਾਈ ਨਿੱਝਰ ਮਾਮਲੇ ਵਿਚ ਹਿੰਦ ਏਜੰਸੀ ਰਾਅ ਦਾ ਹੱਥ ਦਸਿਆ ਹੈ ।