ਅਮਰੀਕਾ ਵਿੱਚ ਭਾਰਤੀ ਗਹਿਣਿਆਂ ਦੇ ਸਟੋਰ ਤੋ ਤੀਜੀ ਵੱਡੀ ਡਕੈਤੀ

ਅੰਮ੍ਰਿਤਸਰ ਟਾਈਮਜ਼ ਬਿਊਰੋ
ਨਿਊਯਾਰਕ, 12 ਜੁਲਾਈ (ਰਾਜ ਗੋਗਨਾ)-ਸੰਯੁਕਤ ਰਾਜ ਵਿੱਚ ਭਾਰਤੀ ਗਹਿਣਿਆਂ ਦੇ ਸਟੋਰ ਅਤੇ ਕਾਰੋਬਾਰੀ ਡਕੈਤੀ ਦੇ ਮੁੱਖ ਨਿਸ਼ਾਨੇ ਤੇ ਆ ਗਏ ਹਨ। ਹਾਈ-ਪ੍ਰੋਫਾਈਲ ਲੁੱਟਾਂ-ਖੋਹਾਂ ਦਾ ਹਾਲੀਆ ਵਿੱਚ ਵੱਡਾ ਵਾਧਾ ਹੋਇਆ ਹੈ।ਪੁਲਿਸ ਦੇ ਅਨੁਸਾਰ, ਬੀਤੇਂ ਦਿਨ ਦੇ ਬੰਦੂਕਾਂ ਅਤੇ ਹਥੋੜਿਆ ਦੇ ਨਾਲ ਨਕਾਬਪੋਸ਼ ਲੁਟੇਰਿਆਂ ਦੇ ਇੱਕ ਸਮੂੰਹ ਨੇ ਕੈਲੀਫੋਰਨੀਆ ਦੇ ਬਰਕਲੇ ਵਿੱਚ ਬੰਬੇ ਜਵੈਲਰੀ ਕੰਪਨੀ ਨਾਂ ਦੇ ਸਟੋਰ ਵਿੱਚ ਦਾਖਲ ਹੋ ਕੇ 500,000 ਡਾਲਰ ਦੇ ਗਹਿਣੇ ਚੋਰੀ ਕਰ ਕੇ ਲੈ ਗਏ।ਇਹ ਲੁੱਟ ਬੀਤੇਂ ਸ਼ਨੀਵਾਰ ਨੂੰ 10ਵੀਂ ਸਟਰੀਟ ਨੇੜੇ ਯੂਨੀਵਰਸਿਟੀ ਐਵੇਨਿਊ 'ਤੇ ਸਟੋਰ 'ਤੇ ਵਾਪਰੀ। ਲੁਟੇਰਿਆਂ ਦੀ ਗਿਣਤੀ ਸੱਤ ਤੋਂ ਅੱਠ ਦੇ ਕਰੀਬ ਸੀ। ਸਟੋਰ ਚ’ ਲੁਟੇਰਿਆਂ ਨੇ ਡਿਸਪਲੇ ਕੇਸਾਂ ਦੀ ਭੰਨਤੋੜ ਕਰਨ ਲਈ ਹਥੌੜੇ ਅਤੇ ਸਟਾਫ ਅਤੇ ਗਾਹਕਾਂ ਨੂੰ ਡਰਾਉਣ ਲਈ ਬੰਦੂਕਾਂ ਦੀ ਵਰਤੋਂ ਕੀਤੀ। ਉਹ ਲਗਭਗ 500,000 ਡਾਲਰ ਦੇ ਮੁੱਲ ਦੇ ਗਹਿਣੇ ਲੁੱਟ ਕੇ ਲੈ ਗਏ। ਅਲਾਰਮ ਕੰਪਨੀ ਨੇ ਪੁਲਿਸ ਨੂੰ ਬੁਲਾਇਆ, ਜੋ ਜਲਦੀ ਪਹੁੰਚ ਗਈ।
ਗਵਾਹਾਂ ਨੇ ਦੱਸਿਆ ਕਿ ਲੁਟੇਰੇ ਕਾਲੇ ਰੰਗ ਦੀ ਸੇਡਾਨ ਅਤੇ ਸਿਲਵਰ ਸੇਡਾਨ ਵਿੱਚ ਆਏ ਸਨ। ਪੁਲਿਸ ਹੁਣ ਲੁੱਟ ਦੀ ਵਾਰਦਾਤ ਦੀ ਜਾਂਚ ਕਰ ਰਹੀ ਹੈ।ਪੁਲਿਸ ਕਿਸੇ ਨੂੰ ਵੀ ਇਨ੍ਹਾਂ ਲੁੱਟਾਂ-ਖੋਹਾਂ ਬਾਰੇ ਜਾਣਕਾਰੀ ਦੇਣ ਲਈ ਅੱਗੇ ਆਉਣ ਲਈ ਵੀ ਕਹਿ ਰਹੀ ਹੈ।ਉੱਤਰੀ ਕੈਲੀਫੋਰਨੀਆ ਵਿੱਚ ਇਸ ਸਾਲ ਭਾਰਤੀ ਗਹਿਣਿਆਂ ਦੇ ਸਟੋਰਾਂ ਤੇ ਇਹ ਤੀਜੀ ਵੱਡੀ ਲੁੱਟ ਹੈ।ਪਿਛਲੇ ਮਹੀਨੇ, ਲਗਭਗ 20 ਨਕਾਬਪੋਸ਼ ਲੁਟੇਰਿਆਂ ਦੇ ਇੱਕ ਸਮੂਹ ਨੇ ਦੁਪਹਿਰ ਨੂੰ ਸਨੀਵੇਲ ਵਿੱਚ ਪੀਐਨਜੀ ਜਵੈਲਰਜ਼ ਵਿੱਚ ਭੰਨ-ਤੋੜ ਕੀਤੀ। ਉਹ ਸ਼ੀਸ਼ੇ ਦੇ ਦਰਵਾਜ਼ੇ ਅਤੇ ਡਿਸਪਲੇ ਕੇਸਾਂ ਨੂੰ ਤੋੜਨ ਲਈ ਹਥੌੜੇ ਦੀ ਵਰਤੋਂ ਕਰਦੇ ਸਨ,ਅਤੇ ਤੇਜ਼ੀ ਨਾਲ ਗਹਿਣੇ ਚੋਰੀ ਕਰਦੇ ਸਨ।ਅਤੇ ਪੁਲਿਸ ਦੇ ਪਹੁੰਚਣ ਤੋਂ ਪਹਿਲਾਂ ਲੁਟੇਰੇ ਕਈ ਕਾਰਾਂ ਵਿੱਚ ਫ਼ਰਾਰ ਹੋ ਗਏ, ਪਰ ਪੁਲਿਸ ਨੇ ਉਹਨਾਂ ਦਾ ਪਿੱਛਾ ਕਰਕੇ ਪੰਜ ਸ਼ੱਕੀਆਂ ਨੂੰ ਕਾਬੂ ਕਰ ਲਿਆ ਸੀ।ਅਤੇ ਇਸ ਸਾਲ ਦੇ ਸ਼ੁਰੂ ਵਿੱਚ, ਫਰੀਮਾਂਟ ਵਿੱਚ ਭਿੰਡੀ ਜਵੈਲਰਜ਼ ਨੂੰ ਵੀ ਦੁਪਹਿਰ ਨੂੰ 17 ਵਿਅਕਤੀਆਂ ਨੇ ਲੁੱਟ ਲਿਆ ਸੀ।
Comments (0)