ਦੀਪ ਸਿੱਧੂ ਬੁਰੀ ਤਰ੍ਹਾਂ ਸਟੇਅਰਿੰਗ ਵਿਚਾਲੇ ਫ਼ਸੇ ਹੋਏ ਸੀ

ਅੰਮ੍ਰਿਤਸਰ ਟਾਈਮਜ਼

ਚੰਡੀਗੜ੍ਹ: ਪੰਜਾਬੀ ਅਦਾਕਾਰ ਦੀਪ ਸਿੱਧੂ ਦੀ ਕੁੰਡਲੀ-ਮਾਨੇਸਰ-ਪਲਵਲ ਐਕਸਪ੍ਰੈਸਵੇਅ 'ਤੇ ਸੜਕ ਹਾਦਸੇ 'ਚ ਮੌਤ ਹੋ ਗਈ ਹੈ। ਇਹ ਘਟਨਾ ਕਿਵੇਂ ਵਾਪਰੀ? ਹਰ ਕੋਈ ਜਾਣਨਾ ਚਾਹੁੰਦਾ ਹੈ। ਇਸ ਪੂਰੀ ਘਟਨਾ ਬਾਰੇ ਉਸ ਵਿਅਕਤੀ ਨੇ ਦਸਿਆ , ਜਿਸ ਨੇ ਨਾ ਸਿਰਫ ਇਸ ਹਾਦਸੇ ਨੂੰ ਆਪਣੀਆਂ ਅੱਖਾਂ ਨਾਲ ਦੇਖਿਆ ਸਗੋਂ ਮਦਦ ਲਈ ਅੱਗੇ ਵਧਿਆ।ਆਮ ਤੌਰ 'ਤੇ ਸੜਕ ਹਾਦਸਿਆਂ ਵਿਚ ਦੇਖਿਆ ਜਾਂਦਾ ਹੈ ਕਿ ਬਹੁਤ ਘੱਟ ਲੋਕ ਮਦਦ ਲਈ ਅੱਗੇ ਆਉਂਦੇ ਹਨ। ਇਸ ਪੂਰੇ ਮਾਮਲੇ 'ਚ ਕਾਰ 'ਚ ਉਸ ਦੇ ਨਾਲ ਮੌਜੂਦ ਦੀਪ ਸਿੱਧੂ ਅਤੇ ਉਸ ਦੀ ਦੋਸਤ ਰੀਨਾ ਦੀ ਮਦਦ ਕਰਨ ਵਾਲੇ ਵਿਅਕਤੀ ਦਾ ਨਾਂ ਯੂਸਫ ਹੈ। ਉਹ ਮੇਵਾਤ ਦਾ ਰਹਿਣ ਵਾਲਾ ਹੈ। ਉਹ ਆਪਣੀ ਮਾਂ ਨਾਲ ਕਾਰ ਵਿੱਚ ਸਵਾਰ ਹੋ ਕੇ ਪਾਣੀਪਤ ਜਾ ਰਿਹਾ ਸੀ। ਯੂਸਫ ਨੇ ਦੀਪ ਸਿੱਧੂ ਦੇ ਭਰਾ ਮਨਦੀਪ ਨੂੰ ਫੋਨ ਕਰਕੇ ਘਟਨਾ ਦੀ ਜਾਣਕਾਰੀ ਦਿੱਤੀ ਸੀ।ਯੂਸਫ਼ ਨੇ ਕੀ ਦੇਖਿਆ ? 
ਯੂਸਫ ਦਾ ਕਹਿਣਾ ਹੈ, 'ਇਹ ਸੜਕ ਹਾਦਸਾ ਬਾਦਲੀ ਟੋਲ ਪਾਰ ਕਰਨ ਤੋਂ ਬਾਅਦ ਕੁਝ ਦੂਰੀ 'ਤੇ ਵਾਪਰਿਆ। ਯੂਸਫ਼ ਦੀ ਕਾਰ ਪਿੱਛੇ ਅਤੇ ਦੀਪ ਸਿੱਧੂ ਦੀ ਸਕਾਰਪੀਓ ਅੱਗੇ ਸੀ। ਯੂਸਫ਼ ਦਾ ਕਹਿਣਾ ਹੈ ਕਿ ਦੀਪ ਸਿੱਧੂ ਦੀ ਕਾਰ ਦੀ ਰਫ਼ਤਾਰ 100 ਤੋਂ 120 ਕਿਲੋਮੀਟਰ ਸੀ। ਕਾਰ ਵਿਚਕਾਰਲੀ ਲੇਨ ਵਿੱਚ ਜਾ ਰਹੀ ਸੀ। ਟਰੱਕ 40 ਤੋਂ 50 ਕਿਲੋਮੀਟਰ ਦੀ ਆਮ ਰਫ਼ਤਾਰ ਵਿੱਚ ਸੀ।ਦੀਪ ਸਿੱਧੂ ਦੀ ਕਾਰ ਨੇ ਟਰੱਕ ਨੂੰ ਪਿੱਛੇ ਤੋਂ ਟੱਕਰ ਮਾਰ ਦਿੱਤੀ, ਜਿਸ ਤੋਂ ਬਾਅਦ ਯੂਸਫ਼ ਨੇ ਆਪਣੀ ਕਾਰ ਟਰੱਕ ਦੇ ਅੱਗੇ ਲਾ ਦਿੱਤੀ ਅਤੇ ਉਸ ਨੂੰ ਰੋਕ ਕੇ ਡਰਾਈਵਰ ਨੂੰ ਹੇਠਾਂ ਉਤਾਰ ਲਿਆ। ਦੀਪ ਸਿੱਧੂ ਸਟੇਅਰਿੰਗ ਅਤੇ ਸੀਟ ਵਿਚਕਾਰ ਬੁਰੀ ਤਰ੍ਹਾਂ ਫਸ ਗਿਆ ਸੀ। ਕਾਰ ਵਿੱਚ ਉਸ ਦੇ ਨਾਲ ਬੈਠੀਆਂ ਮਹਿਲਾ ਦੋਸਤ ਨੂੰ ਪਹਿਲਾਂ ਬਾਹਰ ਕੱਢਿਆ ਗਿਆ। ਦੀਪ ਸਿੱਧੂ ਦੇ ਨਾਲ ਮੌਜੂਦ ਔਰਤ ਨੇ ਦੀਪ ਸਿੱਧੂ ਦੇ ਭਰਾ ਮਨਦੀਪ ਦਾ ਨੰਬਰ ਦੱਸਿਆ ਸੀ।

ਯੂਸਫ਼ ਨੇ ਕਿਹਾ, 'ਮੈਂ ਉਸ ਨੂੰ ਫ਼ੋਨ ਕਰਕੇ ਹਾਦਸੇ ਬਾਰੇ ਜਾਣਕਾਰੀ ਦਿੱਤੀ। ਫਿਰ ਮੈਨੂੰ ਦਿੱਲੀ ਤੋਂ ਕਿਸੇ ਸੋਨੂੰ ਦਾ ਫੋਨ ਆਇਆ। ਮੈਂ ਉਨ੍ਹਾਂ ਨੂੰ ਟਿਕਾਣਾ ਦੱਸਿਆ। ਉਨ੍ਹਾਂ ਕਿਹਾ ਕਿ ਮੈਂ 1 ਘੰਟੇ ਤੱਕ ਪਹੁੰਚ ਜਾਵਾਂਗਾ। ਯੂਸਫ਼ ਨੇ ਮਦਦ ਲਈ ਕੁਝ ਵਾਹਨਾਂ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ ਪਰ 5 ਮਿੰਟ ਤੱਕ ਕੋਈ ਨਹੀਂ ਰੁਕਿਆ। ਬਾਅਦ ਵਿੱਚ ਕੁਝ ਵਾਹਨ ਰੁਕ ਗਏ। ਹਾਦਸੇ ਸਮੇਂ ਦੀਪ ਸਿੱਧੂ ਸਾਹ ਲੈ ਰਹੇ ਸਨ ਪਰ ਉਹ ਕਾਰ ਦੇ ਅੰਦਰ ਬੁਰੀ ਤਰ੍ਹਾਂ ਫਸ ਗਿਆ ਸੀ। ਦੋਵੇਂ ਏਅਰ ਬੈਗ ਵੀ ਖੁੱਲ੍ਹੇ ਹੋਏ ਸਨ।ਦੀਪ ਸਿੱਧੂ ਸਟੇਅਰਿੰਗ ਵਿਚਕਾਰ ਬੁਰੀ ਤਰ੍ਹਾਂ ਫਸ ਗਿਆ। ਦੀਪ ਸਿੱਧੂ ਨੂੰ ਲੋਹੇ ਦੀ ਰਾਡ ਨਾਲ ਸਟੇਅਰਿੰਗ ਤੋੜ ਕੇ ਬਾਹਰ ਕੱਢਿਆ ਗਿਆ। ਪੁਲਿਸ ਨੂੰ ਟਰੱਕ ਡਰਾਈਵਰ ਦੇ ਨੰਬਰ ਤੋਂ ਹੀ 112 ਨੰਬਰ 'ਤੇ ਫ਼ੋਨ ਕਰਕੇ ਸੂਚਨਾ ਦਿੱਤੀ ਗਈ। 2 ਐਂਬੂਲੈਂਸਾਂ ਪਹੁੰਚੀਆਂ। ਇੱਕ ਵਿੱਚ ਦੀਪ ਸਿੱਧੂ ਨੂੰ ਲਿਜਾਇਆ ਗਿਆ ਅਤੇ ਦੂਜੀ ਵਿੱਚ ਉਸਦੀ ਮਹਿਲਾ ਮਿੱਤਰ ਅਤੇ ਉਸਦਾ ਸਮਾਨ ਲਿਜਾਇਆ ਗਿਆ। ਪੁਲਿਸ ਵੀ ਮੇਰੇ ਸਾਹਮਣੇ ਆ ਗਈ ਸੀ। ਉਸ ਤੋਂ ਬਾਅਦ ਮੈਂ ਅਤੇ ਹੋਰ ਲੋਕ ਉਥੋਂ ਚਲੇ ਗਏ।ਐਫਐਸਐਲ ਦੀ ਟੀਮ ਨੇ ਕੀਤੀ ਜਾਂਚ 
 KMP ਵਿਖੇ ਸੜਕ ਹਾਦਸੇ ਵਿੱਚ ਮਾਰੇ ਗਏ ਦੀਪ ਸਿੱਧੂ ਦੇ ਮਾਮਲੇ ਵਿੱਚ ਕੋਈ ਸ਼ੱਕ ਨਾ ਰਹੇ , ਇਸ ਲਈ ਸੋਨੀਪਤ ਪੁਲਿਸ ਨੇ ਬੁੱਧਵਾਰ ਸਵੇਰੇ FSL ਟੀਮ ਨੂੰ ਮੌਕੇ 'ਤੇ ਬੁਲਾਇਆ ਅਤੇ ਜਾਂਚ ਕੀਤੀ। ਐੱਫਐੱਸਐੱਲ ਟੀਮ ਨੇ ਬਾਰੀਕੀ ਨਾਲ ਸਬੂਤ ਇਕੱਠੇ ਕੀਤੇ। ਦੀਪ ਸਿੱਧੂ ਸਕਾਰਪੀਓ ਕਾਰ ਚਲਾ ਰਿਹਾ ਸੀ। ਕਾਰ ਦਾ ਅਗਲਾ ਹਿੱਸਾ ਬੁਰੀ ਤਰ੍ਹਾਂ ਨੁਕਸਾਨਿਆ ਗਿਆ। ਉਹ ਕਾਰ ਵਿੱਚ ਬੁਰੀ ਤਰ੍ਹਾਂ ਫਸ ਗਿਆ ਸੀ। ਸੜਕ ਦੇ ਵਿਚਕਾਰ ਮੋਟੇ ਟਾਇਰਾਂ ਦੇ ਨਿਸ਼ਾਨ ਹਨ, ਜੋ ਕਿ ਕਰੀਬ 40 ਮੀਟਰ ਤੱਕ ਹੈ। ਟੱਕਰ ਤੋਂ ਬਾਅਦ ਦੀਪ ਸਿੱਧੂ ਦੀ ਕਾਰ ਇੰਨੀ ਦੂਰ ਤੱਕ ਰਗੜਦੀ ਹੋਈ ਗਈ ਕਈ ਸੜਕ 'ਤੇ ਸ਼ੀਸ਼ੇ ਖਿੱਲਰੇ ਪਏ ਹਨ।