ਗੁਰਬਾਣੀ ਦੇ ਸ਼ਬਦ ਨੂੰ ਸੰਯੁਕਤ ਰਾਸ਼ਟਰ ਸੰਘ ਵੱਲੋਂ ਮਨੁੱਖੀ ਬਰਾਬਰਤਾ ਬਾਰੇ ਬਣੀ ਨਵੀਂ ਵੀਡੀਉ ਵਿਚ ਕੀਤਾ ਗਿਆ ਸ਼ਾਮਲ
ਅੰਮ੍ਰਿਤਸਰ ਟਾਈਮਜ਼ ਬਿਊਰੋ
ਸਵਿਟਜਰਲੈਂਡ-ਜਨੇਵਾ (ਬਲਵਿੰਦਰਪਾਲ ਸਿੰਘ ਖਾਲਸਾ) ਸੰਸਾਰ ਦੀ ਸਭ ਤੋਂ ਵਡੀ ਪ੍ਤੀਨਿਧ ਸੰਸਥਾ ਸੰਯੁਕਤ ਰਾਸ਼ਟਰ ਸੰਘ ਦੇ ਮਨੁੱਖੀ ਅਧਿਕਾਰ ਸੰਗਠਨ ਦੇ ਫੇਥ ਫਾਰ ਰਾਇਟਸ ਹਾਇ ਕਮਿਸ਼ਨ ਨੇ ਆਪਣੇ ਚੌਥੇ ਸਲਾਨਾ ਸਮਾਗਮ ਦੌਰਾਨ ਮਨੁੱਖੀ ਬਰਾਬਰੀ / ਔਰਤ-ਮਰਦ ਸਮਾਨਤਾ ਉਤੇ ਬਣਾਇ ਤੇ ਜਾਰੀ ਕੀਤੀ ਗਇ ਵੀਡੀਉ ਵਿਚ ਗੁਰੂ ਗਰੰਥ ਸਾਹਿਬ ਦੇ ਇਸ ਸ਼ਬਦ ਨੂੰ ਸ਼ਾਮਲ ਕੀਤਾ ਹੈ :" ਭੰਡਿ ਜੰਮੀਐ ਭੰਡਿ ਨਿੰਮੀਐ ਭੰਡਿ ਮੰਗਣਿ ਵਿਆਹੁ....ਸੋ ਕਿਉ ਮੰਦਾ ਆਖੀਐ ਜਿਤੁ ਜੰਮਹਿ ਰਾਜਾਨ "। ਗੁਰਬਾਣੀ ਦੇ ਇਲਾਹੀ ਸ਼ਬਦ ਨੂੰ ਸ਼ਾਮਲ ਕਰਨ ਵਿਚ ਸੰਯੁਕਤ ਰਾਸ਼ਟਰ ਸੰਘ ਦੀ ਮਨੁੱਖੀ ਅਧਿਕਾਰ ਸੰਸਥਾ ਦੇ ਮੈਂਬਰ ਤੇ ਮਨੁੱਖੀ ਅਧਿਕਾਰਾਂ ਦੇ ਪਹਿਰੇਦਾਰ ਤੇ ਵੱਡੇ ਵਿਦਵਾਨ ਡਾਕਟਰ ਇਕਤਦਾਰ ਚੀਮਾ ਨੇ ਸ਼ਾਮਲ ਵੀ ਕਰਵਾਇਆ ਤੇ ਵੀਡੀਉ ਵਿਚ ਆਪ ਗਾਇਆ। ਇਹ ਵੀਡੀਉ 30 ਮਾਰਚ, 2021 ਨੂੰ ਜਨੇਵਾ ਦੇ ਸੰਯੁਕਤ ਰਾਸ਼ਟਰ ਸੰਘ ਦੇ ਮਨੁੱਖੀ ਅਧਿਕਾਰਾਂ ਦੇ ਸੰਸਾਰ ਦਫਤਰ ਵਿਚ ਜਾਰੀ ਕੀਤੀ ਗਇ। ਇਸ ਸੰਸਾਰ ਕਾਨਫਰੰਸ ਵਿਚ ਯੂ.ਐਨ.ਹਾਇ ਕਮਿਸ਼ਨ ਆਨ ਹਿਊਮਨ ਰਾਇਟਸ ਵਿਚ ਮਿਸ਼ੈਲ ਬੈਚੀਲੈਟ ਨੂੰ ਸੁਣਿਆ ਗਿਆ, ਜੋ ਯੂ.ਐਨ. ਹਾਇ ਕਮਿਸ਼ਨ ਫਾਰ ਹਿਊਮਨ ਰਾਇਟਸ ਹਨ। ਬੀਬੀ ਮਿਸ਼ੈਲ ਬੈਚੀਲੈਟ (Michelle Bachelet) ਚਿੱਲੀ ਦੇਸ਼ ਦੇ ਦੋ ਵਾਰ ਰਾਸ਼ਟਰਪਤੀ ਰਹਿ ਚੁੱਕੇ ਹਨ ਮਿਸ਼ੈਲ ਬੈਚੀਲੈਟ United Nations Entity for Gender Equality and the Empowerment of Women. ਦੇ ਵੀ ਡਾਇਰੈਕਟਰ ਚੁਣੇ ਗਏ ਸਨ।
https://www.youtube.com/watch?v=W0_Up29Lnoc&t=3s
Comments (0)