ਉੜੀਸਾ ਦੇ ਮਾਨਯੋਗ ਮੁੱਖ ਮੰਤਰੀ ਸ੍ਰੀ ਨਵੀਨ ਪਟਨਾਇਕ ਨੇ ਸਿੱਖ ਧਰਮ ਨਾਲ ਸਬੰਧਿਤ ਪੁਸਤਕ ਦਾ ਕੀਤਾ ਉਦਘਾਟਨ
ਅੰਮ੍ਰਿਤਸਰ ਟਾਈਮਜ਼
ਚੰਡੀਗੜ੍ਹ: ਉੜੀਸਾ ਦੇ ਮਾਨਯੋਗ ਮੁੱਖ ਮੰਤਰੀ ਸ੍ਰੀ ਨਵੀਨ ਪਟਨਾਇਕ ਨੇ ਵੀਰਵਾਰ ਨੂੰ ਸ੍ਰੀ ਅਬਿਨਾਸ਼ ਮਹਾਪਾਤਰਾ ਦੀ ਕਿਤਾਬ “ਮਾਈ ਰਿਸਰਚ ਵਰਕ ਆਨ ਸਿੱਖ ਹਿਸਟਰੀ ਐਂਡ ਫਿਲਾਸਫੀ” ਦਾ ਉਦਘਾਟਨ ਕੀਤਾ । ਇਸ ਪੁਸਤਕ ਵਿੱਚ ਸਿੱਖ ਧਰਮ ਅਤੇ ਫਲਸਫੇ ਨੂੰ ਸ਼ਾਮਲ ਕੀਤਾ ਗਿਆ ਹੈ । ਇਹ ਪੁਸਤਕ ਪੂਰਬੀ ਭਾਰਤ, ਦੱਖਣ ਭਾਰਤ, ਦਿੱਲੀ, ਵਿਸਾਖੀ ਅਤੇ ਅਫਗਾਨਿਸਤਾਨ ਦੇ ਸਿੱਖ ਇਤਿਹਾਸ ਦਾ ਵੇਰਵਾ ਦਿੰਦੀ ਹੈ । ਸ੍ਰੀ ਅਬਿਨਾਸ਼ ਮਹਾਪਾਤਰਾ ਸਿੱਖ ਇਤਿਹਾਸ ਦੇ ਮਹਾਨ ਵਿਦਵਾਨਾਂ ਦੀ ਲੜੀ ਵਿੱਚੋਂ ਇੱਕ ਹਨ । ਜ਼ਿਕਰਯੋਗ ਹੈ ਕਿ ਲੇਖਕ ਨੇ ਸਿੱਖ ਧਰਮ ਦੇ ਅਧਿਐਨ ਸਮੇਤ ਕੁੱਲ ੩੮ ਪੁਸਤਕਾਂ ਸਿੱਖ ਧਰਮ ਬਾਰੇ ਲਿਖੀਆਂ ਹਨ । ਪੁਸਤਕ ਦੀ ਮੁਖਬੰਧ ਸ਼੍ਰੋਮਣੀ ਕਮੇਟੀ (ਸ੍ਰੀ ਅੰਮ੍ਰਿਤਸਰ ਸਾਹਿਬ) ਦੇ ਮੀਤ ਪ੍ਰਧਾਨ - ਸਰਦਾਰ ਗੁਰਬਖਸ਼ ਸਿੰਘ, ਸ੍ਰੀਮਤੀ ਏਕਤਾ ਸ਼ੇਖਾਵਤ (ਸਚੀਵ - ਰਾਜ ਭਾਸ਼ਾ ਵਿਭਾਗ, ਭਾਰਤ ਸਰਕਾਰ) ਅਤੇ ਹੋਰ ਬਹੁਤ ਸਾਰੇ ਸਿੱਖ ਵਿਦਵਾਨ ਤੇ ਸਰਕਾਰੀ ਬੁੱਧੀਜੀਵੀਆਂ ਨੇ ਦਿੱਤੇ ਹਨ । ਇਹ ਪੁਸਤਕ ਬਾਲਾਸੌਰ ਸਥਿਤ ਪੰਜਾਬੀ ਗਲੋਬਲ ਫਾਊਂਡੇਸ਼ਨ ਦੁਆਰਾ ਪ੍ਰਕਾਸ਼ਿਤ ਕੀਤਾ ਗਿਆ ਹੈ । ਸ੍ਰੀ ਮਹਾਪਾਤਰਾ ਇਸ ਸਮੇਂ ਬਾਲਾਸੌਰ ਦੇ ਮਕਲਪੁਰ ਵਿੱਚ ਰਹਿੰਦੇ ਹਨ ।
Comments (0)