ਆਦਿਪੁਰਸ਼ ਫ਼ਿਲਮ ਦੇ ਰਾਵਣ ਉੱਤੇ ਭਾਜਪਾ ਤੇ ਹਿੰਦੂ ਮਹਾਸਭਾ ਵਰਗੇ ਹਿੰਦੂਤਵੀ ਸੰਗਠਨ ਔਖੇ 

*12 ਜਨਵਰੀ ਨੂੰ ਰਿਲੀਜ਼ ਹੋਵੇਗੀ ਫਿਲਮ 

  ਓਮਾਉ ਰਾਊਤ ਵੱਲੋਂ ਬਣਾਈ ਗਈ ਫ਼ਿਲਮ 'ਆਦਿਪੁਰਸ਼' ਦਾ ਟੀਜ਼ਰ ਹੁੰਦਿਆਂ ਹੀ ਸੋਸ਼ਲ ਮੀਡੀਆ ਯੂਜ਼ਰਸ ਦੇ ਗੁੱਸੇ ਦਾ ਸ਼ਿਕਾਰ ਹੋ ਗਈ ਹੈ।ਇਸ ਫ਼ਿਲਮ ਵਿੱਚ ਸੈਫ਼ ਅਲੀ ਨੇ ਰਾਵਣ, ਪ੍ਰਭਾਸ ਨੇ ਰਾਮ ਅਤੇ ਕ੍ਰਿਤੀ ਸੈਨਨ ਨੇ ਸੀਤਾ ਦੀ ਭੂਮਿਕਾ ਨਿਭਾਈ ਹੈ।ਫ਼ੇਸਬੁੱਕ ਤੋਂ ਲੈ ਕੇ ਟਵਿੱਟਰ ਅਤੇ ਯੂਟਿਊਬ 'ਤੇ ਸੋਸ਼ਲ ਮੀਡੀਆ ਯੂਜ਼ਰਜ਼ ਇਸ ਫਿਲਮ ਵਿੱਚ ਪੇਸ਼ ਰਾਵਣ ਦੀ ਦਿੱਖ ਦੀ ਨਿੰਦਾ ਕਰ ਰਹੇ ਹਨ।ਇਨਾਂ ਵਿੱਚ ਭਾਜਪਾ ਅਤੇ ਹਿੰਦੂ ਮਹਾਸਭਾ ਵਰਗੇ ਹਿੰਦੂਤਵੀ ਸੰਗਠਨਾਂ ਦੇ ਆਗੂ ਤੇ ਕਾਰਕੁਨ ਵੀ ਸ਼ਾਮਲ ਹਨ।

ਫਿਲਮ ਵਿਚ ਰਾਵਣ ਦਾ ਕਿਰਦਾਰ ਸੈਫ ਅਲੀ ਖ਼ਾਨ ਨਿਭਾ ਰਹੇ ਹਨ, ਉਨ੍ਹਾਂ ਨੂੰ ਕ੍ਰੋਧਿਤ ਅਤੇ ਕਾਲੇ ਰੰਗ ਦੇ ਪਹਿਰਾਵੇ ਵਿੱਚ ਦਿਖਾਇਆ ਗਿਆ ਹੈ।ਟੀਜ਼ਰ ਦੇ ਇੱਕ ਦ੍ਰਿਸ਼ ਵਿੱਚ ਉਹ ਡਰੈਗਨ ਵਰਗੇ ਕਿਸੇ ਵਿਸ਼ਾਲ ਜੀਵ ਦੀ ਸਵਾਰੀ ਕਰਦੇ ਨਜ਼ਰ ਆ ਰਹੇ ਹਨ।ਇਸ ਦੇ ਨਾਲ ਹੀ ਰਾਵਣ ਦੀ ਨਗਰੀ 'ਲੰਕਾ' ਨੂੰ ਵੀ ਹਨੇਰੇ ਅਤੇ ਡਰਾਉਣੇ ਸਥਾਨ ਦਾ ਰੂਪ ਦਿੱਤਾ ਗਿਆ ਹੈ।

ਇਸ 'ਤੇ ਲੋਕ ਇਤਰਾਜ਼ ਦਰਜ ਕਰਵਾ ਰਹੇ ਹਨ। ਮਿਥਿਹਾਸ ਵਿਚ 'ਲੰਕਾ' ਨੂੰ ਸੋਨੇ ਦਾ ਸ਼ਹਿਰ ਦੱਸਿਆ ਗਿਆ ਹੈ।ਆਦਿਪੁਰਸ਼ ਫਿਲਮ ਤਾਨਾਜੀ ਦੇ ਨਿਰਦੇਸ਼ਕ ਓਮ ਰਾਉਤ ਵੱਲੋਂ ਨਿਰਦੇਸ਼ਤ ਹੈ।ਇਹ ਫਿਲਮ ਅਗਲੇ ਸਾਲ 12 ਜਨਵਰੀ ਨੂੰ ਰਿਲੀਜ਼ ਹੋਵੇਗੀ।ਫਿਲਮ ਵਿੱਚ ਪ੍ਰਭਾਸ ਰਾਮ, ਰਾਵਣ ਦੇ ਕਿਰਦਾਰ ਵਿੱਚ ਸੈਫ਼ ਅਲੀ ਖ਼ਾਨ ਅਤੇ ਸੀਤਾ ਦੀ ਭੂਮਿਕਾ ਵਿੱਚ ਕ੍ਰਿਤੀ ਸੈਨਨ ਹਨ।ਰਾਵਣ ਦੇ ਚਰਿੱਤਰ ਨੂੰ ਲੈ ਕੇ ਭਗਵੇਂ ਨਾਰਾਜ਼ ਹਨ।ਵਿਸ਼ਵ ਹਿੰਦੂ ਪ੍ਰੀਸ਼ਦ ਦੀ ਨੇਤਾ ਡਾਕਟਰ ਪ੍ਰਾਚੀ ਸਾਧਵੀ ਨੇ ਇਸ ਫਿਲਮ ਦੇ ਟੀਜ਼ਰ 'ਵਿਚ ਦਿਖਾਏ ਗਏ ਰਾਵਣ ਦੇ ਰੂਪ ਦੀ ਨਿੰਦਾ ਕੀਤੀ ਹੈ।ਭਾਜਪਾ ਦੇ ਬੁਲਾਰੇ ਅਜੈ ਸਹਿਰਾਵਤ ਨੇ ਵੀ ਟਵਿੱਟਰ 'ਤੇ ਰਾਵਣ ਦੇ ਲੁੱਕ ਦੀ ਇਤਿਹਾਸਕ ਕਿਰਦਾਰ ਅਲਾਊਦੀਨ ਖਿਲਜੀ ਨਾਲ ਤੁਲਨਾ ਕਰਦੇ ਹੋਏ ਸਵਾਲ ਖੜ੍ਹੇ ਕੀਤੇ ਹਨ।

ਇਸ ਦੇ ਨਾਲ ਹੀ ਕੁਝ ਹੋਰ ਲੋਕਾਂ ਨੇ ਵੀ ਰਾਵਣ ਦੀ ਦਿੱਖ 'ਤੇ ਸਵਾਲ ਖੜ੍ਹੇ ਕੀਤੇ ਹਨ।

ਟਵਿੱਟਰ ਯੂਜ਼ਰ ਗਾਇਤਰੀ ਨੇ ਲਿਖਿਆ, "ਰਾਵਣ ਇੱਕ ਬ੍ਰਾਹਮਣ, ਬੁੱਧੀਮਾਨ ਆਦਮੀ ਸੀ, ਜਿਸ ਨੇ ਸ਼ਿਵ ਤਾਂਡਵ ਦੀ ਰਚਨਾ ਕੀਤੀ ਸੀ। ਉਸ ਨੂੰ ਵੇਦਾਂ ਅਤੇ ਜੋਤਿਸ਼ ਦਾ ਗਿਆਨ ਸੀ।"

"ਸੈਫ਼ ਅਲੀ ਖ਼ਾਨ ਦੀ ਇਹ ਤਸਵੀਰ ਰਾਵਣ ਦੇ ਕਿਰਦਾਰ ਦੇ ਬਿਲਕੁਲ ਨੇੜੇ ਨਹੀਂ ਹੈ। ਉਸ ਯੁੱਗ ਦਾ ਇੱਕ ਦੱਖਣੀ ਭਾਰਤੀ ਬ੍ਰਾਹਮਣ ਆਪਣੇ ਮੱਥੇ 'ਤੇ ਚੰਦਨ ਲਗਾਉਂਦਾ...ਇਹ ਤੈਮੂਰ ਦੀ ਤਸਵੀਰ ਹੈ।"ਹਿੰਦੂ ਮਹਾਸਭਾ ਦੇ ਪ੍ਰਧਾਨ ਚੱਕਰਪਾਣੀ ਮਹਾਰਾਜ ਨੇ ਟਵਿੱਟਰ 'ਤੇ ਲਿਖਿਆ, "ਭਗਵਾਨ ਸ਼ਿਵ ਦਾ ਇਕ ਵਿਸ਼ੇਸ਼ ਭਗਤ ਲੰਕਾਪਤੀ ਰਾਵਣ ਦੀ ਭੂਮਿਕਾ ਵਿੱਚ ਦੱਖਣ ਭਾਰਤੀ ਫਿਲਮ ਆਦਿਪੁਰਸ਼ 'ਚ ਸੈਫ਼ ਅਲੀ ਖ਼ਾਨ ਨੂੰ ਇਸ ਤਰ੍ਹਾ ਪੇਸ਼ ਕੀਤਾ ਗਿਆ ਜਿਵੇਂ ਕਿ ਇਸਲਾਮਿਕ ਖਿਲਜੀ ਜਾਂ ਚੰਗੇਜ਼ ਖ਼ਾਨ ਜਾਂ ਔਰੰਗਜ਼ੇਬ ਹੈ।"

"ਮੱਥੇ 'ਤੇ ਨਾ ਤਿਲਕ ਹੈ ਅਤੇ ਨਾ ਹੀ ਤ੍ਰਿਪੁੰਡ, ਸਾਡੇ ਮਿਥਿਹਾਸਕ ਪਾਤਰਾਂ ਨਾਲ ਛੇੜਛਾੜ ਬਰਦਾਸ਼ਤ ਨਹੀਂ ਹੋਵੇਗੀ।

 ਹਿੰਦੂ ਧਰਮ ਦੀਆਂ ਮਿਥਿਹਾਸਕ ਕਹਾਣੀਆਂ 'ਤੇ ਕਿਤਾਬਾਂ ਲਿਖਣ ਵਾਲੇ ਦੇਵਦੱਤ ਪਟਨਾਇਕ ਨੇ ਇਸ ਵਿਵਾਦ ਦੇ ਕਾਰਨਾਂ ਦਾ ਜ਼ਿਕਰ ਕੀਤਾ ਹੈ।

ਉਨ੍ਹਾਂ ਨੇ ਟਵਿੱਟਰ 'ਤੇ ਲਿਖਿਆ ਹੈ, "ਜੇਕਰ ਤੁਸੀਂ ਰਾਵਣ ਨੂੰ 'ਦੁਸ਼ਟ' ਅਤੇ 'ਬੁਰਾ' ਜਾਂ ਮੁਗਲ ਵਜੋਂ ਦਿਖਾਉਗੇ ਤਾਂ ਬ੍ਰਾਹਮਣ ਨਾਰਾਜ਼ ਹੋਣਗੇ।" ਮਿਥਿਹਾਸਕ ਰੂਪ ਨਾਲ ਰਾਵਣ ਨੂੰ ਇੱਕ ਸ਼ਿਵ ਭਗਤ, ਗਿਆਨੀ ਅਤੇ ਵੇਦਾਂ ਦੇ ਗਿਆਨਵਾਨ ਬ੍ਰਾਹਮਣ ਵਜੋਂ ਦਿਖਾਇਆ ਗਿਆ ਹੈ।ਤੁਲਸੀਦਾਸ ਦੇ 'ਰਾਮਚਰਿਤ ਮਾਨਸ' ਮੁਤਾਬਕ, ਰਾਵਣ ਦੀ ਮੌਤ ਤੋਂ ਠੀਕ ਪਹਿਲਾਂ, ਰਾਮ ਨੇ ਆਪਣੇ ਭਰਾ ਲਕਸ਼ਮਣ ਨੂੰ ਉਸ ਤੋਂ ਗਿਆਨ ਲੈਣ ਲਈ ਭੇਜਿਆ।

ਭਾਜਪਾ ਨੇਤਾ ਅਤੇ ਮੱਧ ਪ੍ਰਦੇਸ਼ ਦੇ ਗ੍ਰਹਿ ਮੰਤਰੀ ਨਰੋਤਮ ਮਿਸ਼ਰਾ ਨੇ ਇਸ ਫਿਲਮ 'ਵਿਚ ਪੌਰਾਣਿਕ ਦੇਵਤਾ ਹਨੂੰਮਾਨ ਦੀ ਦਿੱਖ ਦਾ ਵਿਰੋਧ ਕਰਦੇ ਹੋਏ ਕਿਹਾ ਹੈ, "ਇਸ ਟੀਜ਼ਰ 'ਵਿਚ ਇਤਰਾਜ਼ਯੋਗ ਸੀਨ ਹਨ।"

"ਹਨੂੰਮਾਨ ਜੀ ਨੂੰ ਚਮੜੇ ਨਾਲ ਬਣੇ ਕੱਪੜੇ ਪਹਿਨੇ ਹੋਏ ਦਿਖਾਇਆ ਗਿਆ ਹੈ। ਅਜਿਹੇ ਦ੍ਰਿਸ਼ ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਂਦੇ ਹਨ।ਮੈਂ ਓਮ ਰਾਉਤ ਨੂੰ ਪੱਤਰ ਲਿਖ ਕੇ ਅਜਿਹੇ ਦ੍ਰਿਸ਼ ਹਟਾਉਣ ਲਈ ਕਹਿ ਰਿਹਾ ਹਾਂ। ਜੇਕਰ ਉਹ ਅਜਿਹਾ ਨਹੀਂ ਕਰਦੇ ਤਾਂ ਅਸੀਂ ਕਾਨੂੰਨੀ ਕਾਰਵਾਈ ਬਾਰੇ ਸੋਚਾਂਗੇ।

ਫਿਲਮ ਆਲੋਚਕ ਤਰਨ ਆਦਰਸ਼ ਨੇ ਟਵੀਟ ਕਰਕੇ ਇਹ ਸਪੱਸ਼ਟੀਕਰਨ ਸਾਂਝਾ ਕੀਤਾ ਹੈ ਕਿ ਇਸ ਵਿੱਚ ਲਿਖਿਆ, "ਵੀਐੱਫਐਕਸ ਸਟੂਡੀਓ ਐੱਨਵਾਈ ਵੀਐੱਫਐਕਸਵਾਲਾ ਨੇ ਸਪੱਸ਼ਟੀਕਰਨ ਦਿੱਤਾ ਹੈ ਕਿ ਉਨ੍ਹਾਂ ਨੇ ਆਦਿਪੁਰਸ਼ ਦੇ ਸੀਜੀ ਅਤੇ ਸਪੈਸ਼ਲ ਇਫੈਕਟ 'ਤੇ ਕੰਮ ਨਹੀਂ ਕੀਤਾ ਅਤੇ ਨਾ ਹੀ ਕਰ ਰਿਹਾ ਹੈ।ਉਨ੍ਹਾਂ ਵੱਲੋਂ ਜਾਰੀ ਬਿਆਨ ਵਿੱਚ ਦੱਸਿਆ ਗਿਆ ਹੈ ਕਿ ਅਸੀਂ ਇਹ ਗੱਲ ਇਸ ਲਈ ਕਹਿ ਰਹੇ ਹਾਂ ਕਿ ਕਿਉਂਕਿ ਸਾਨੂੰ ਮੀਡੀਆ ਕਰਮੀਆਂ ਨੇ ਸਵਾਲ ਪੁੱਛਿਆ ਹੈ।"

ਇਸ ਸਟੂਡੀਓ ਨੇ ਪਦਮਾਵਤ, ਬਾਹੂਬਲੀ 2, ਸ਼ਿਵਾਏ, ਦੰਗਲ ਅਤੇ ਤਾਨਾ ਜੀ ਵਰਗੀਆਂ ਫਿਲਮਾਂ ਲਈ ਵੀਐੱਫਐਕਸ ਤਿਆਰ ਕੀਤੇ ਹਨ।