ਬਾਦਲਾਂ ਦੀ ਨੂੰਹ ਤੇ ਕੈਪਟਨ ਹੋਏ ਟਵੀਟੋ-ਟਵੀਟੀ; ਇੱਕ ਦੂਜੇ ਦੇ ਪੋਤੜੇ ਫੋਲੇ

Apr 13, 2019 0

ਅੰਮ੍ਰਿਤਸਰ: ਬੀਤੇ ਕੱਲ੍ਹ ਜ਼ਲ੍ਹਿਆਂਵਾਲਾ ਬਾਗ ਖੂਨੀ ਕਾਂਡ ਦੀ 100ਵੀਂ ਵਰ੍ਹੇਗੰਢ ਮੌਕੇ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਕਾਂਗਰਸ ਪਾਰਟੀ ਦੇ ਕੌਮੀ ਪ੍ਰਧਾਨ ਰਾਹੁਲ ਗਾਂਧੀ ਨਾਲ ਅੰਮ੍ਰਿਤਸਰ ਪਹੁੰਚੇ। ਜ਼ਲ੍ਹਿਆਂਵਾਲਾ ਬਾਗ ਤੋਂ ਇਲਾਵਾ ਕੈਪਟਨ ਅਮਰਿੰਦਰ ਸਿੰਘ ਰਾਹੁਲ ਗਾਂਧੀ ਨੂੰ ਸ੍ਰੀ ਅਕਾਲ ਤਖ਼ਤ ਸਾਹਿਬ ਨਤਮਸਤਕ ਹੋਣ ਲਈ ਵੀ ਲੈ ਕੇ ਗਏ।

ਸਿੱਖਾਂ ਦੀ ਪ੍ਰਭੂਸੱਤਾ ਦੀ ਗੁਰੂ ਵੱਲੋਂ ਬਖਸ਼ੀ ਸਦੀਵੀ ਨਿਸ਼ਾਨੀ ਇਸ ਅਕਾਲ ਤਖ਼ਤ ਸਾਹਿਬ ਦੀ ਇਮਾਰਤ ਨੂੰ ਭਾਰਤ ਦੇਸ਼ ਵੱਲੋਂ ਜਦੋਂ 1984 ਵਿੱਚ ਤੋਪਾਂ ਟੈਂਕਾਂ ਦੇ ਗੋਲਿਆਂ ਨਾਲ ਢਾਹਿਆ ਗਿਆ ਸੀ ਤਾਂ ਰਾਹੁਲ ਗਾਂਧੀ ਦੀ ਦਾਦੀ ਇੰਦਰਾ ਗਾਂਧੀ ਭਾਰਤ ਦੀ ਪ੍ਰਧਾਨ ਮੰਤਰੀ ਸੀ।

ਚੋਣਾਂ ਦੇ ਇਸ ਮਾਹੌਲ ਵਿੱਚ ਰਾਹੁਲ ਗਾਂਧੀ ਦਾ ਸ੍ਰੀ ਅਕਾਲ ਤਖ਼ਤ ਸਾਹਿਬ ਆਉਣ ਪੰਜਾਬ ਦੀ ਰਾਜਨੀਤੀ ਵਿੱਚ ਇੱਕ ਨਵੀਂ ਬਹਿਸ ਨੂੰ ਜਨਮ ਦੇ ਗਿਆ।

Pb CM @capt_amarinder took @RahulGandhi to Sri Akal Takht Sahib but lacked courage to ask him admit the @INCIndia's sin of demolishing Sikhs' highest religio-temporal seat with tanks & mortars. What a contrast with demand for British apology for #JallianwalaBaghMassacre !
— Harsimrat Kaur Badal (@HarsimratBadal_) April 13, 2019

ਸ਼੍ਰੋਮਣੀ ਅਕਾਲੀ ਦਲ (ਬਾਦਲ) ਦੀ ਆਗੂ ਅਤੇ ਬਾਦਲ ਪਰਿਵਾਰ ਦੀ ਨੂੰਹ ਹਰਸਿਮਰਤ ਕੌਰ ਬਾਦਲ ਨੇ ਟਵੀਟ ਕਰਦਿਆਂ ਲਿਖਿਆ, "ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਰਾਹੁਲ ਗਾਂਧੀ ਨੂੰ ਸ੍ਰੀ ਅਕਾਲ ਤਖ਼ਤ ਸਾਹਿਬ ਲੈ ਕੇ ਗਏ ਪਰ ਉਨ੍ਹਾਂ ਤੋਂ ਇਨੀਂ ਹਿੰਮਤ ਨਹੀਂ ਹੋਈ ਕਿ ਉਹ ਰਾਹੁਲ ਗਾਂਧੀ ਨੂੰ ਸਿੱਖਾਂ ਦਾ ਸਰਬਉੱਚ ਧਾਰਮਿਕ ਸਥਾਨ, ਟੈਂਕਾਂ ਤੇ ਤੋਪਾਂ ਨਾਲ ਢਾਹੁਣ ਲਈ ਮਾਫੀ ਮੰਗਣ ਲਈ ਕਹਿਣ। ਇਹ ਉਨ੍ਹਾਂ ਵੱਲੋਂ ਜਲ੍ਹਿਆਂਵਾਲੇ ਬਾਗ ਲਈ ਬਰਤਾਨੀਆ ਤੋਂ ਮਾਫੀ ਦੀ ਮੰਗ ਕਰਨ ਦੇ ਕਿੰਨ੍ਹਾ ਉਲਟ ਹੈ!"

Did you, your husband @officeofssbadal or his father, Prakash Singh Badal, ever apologise for your great grandfather, Sardar Sunder Singh Majithia’s lavish dinner to Gen Dyer on the day of the Jallianwala Bagh massacre? He was later knighted in 1926 for his loyalty and his deeds. https://t.co/SMNwbivbnR
— Capt.Amarinder Singh (@capt_amarinder) April 13, 2019

ਹਰਸਿਮਰਤ ਦੇ ਇਸ ਸ਼ਬਦੀ ਵਾਰ ਦਾ ਕੈਪਟਨ ਅਮਰਿੰਦਰ ਸਿੰਘ ਨੇ ਟਵਿਟਰ 'ਤੇ ਹੀ ਮੁੜਵਾਂ ਜਵਾਬ ਦਿੰਦਿਆਂ ਲਿਖਿਆ, "ਕੀ ਤੁਹਾਡੇ ਪਤੀ ਸੁਖਬੀਰ ਸਿੰਘ ਬਾਦਲ ਜਾਂ ਉਨ੍ਹਾਂ ਦੇ ਪਿਤਾ, ਪ੍ਰਕਾਸ਼ ਸਿੰਘ ਬਾਦਲ ਨੇ ਕਦੇ ਤੁਹਾਡੇ ਪੜਦਾਦੇ ਸੁੰਦਰ ਸਿੰਘ ਮਜੀਠੀਆ ਵੱਲੋਂ ਜਲ੍ਹਿਆਂਵਾਲੇ ਬਾਗ ਕਤਲੇਆਮ ਦੇ ਦਿਨ ਜਰਨਲ ਡਾਇਰ ਨੂੰ ਦਿੱਤੇ ਪ੍ਰੀਤੀ ਭੋਜ ਲਈ ਮਾਫ਼ੀ ਮੰਗੀ ਹੈ? ਜਿਨ੍ਹਾਂ ਨੂੰ ਆਪਣੀਆਂ ਸੇਵਾਵਾਂ ਬਦਲੇ 1926 ਵਿੱਚ ਨਾਈਟਹੂਡ ਦਿੱਤੀ ਗਈ ਸੀ।"

And u @capt_amarinder proudly display these pics in your lobby, or are you too ashamed of your grandfather ? Unlike your wild allegations, when we level an allegation, we always back it with facts. /3 pic.twitter.com/UKu7Eyd150
— Harsimrat Kaur Badal (@HarsimratBadal_) April 13, 2019

ਇਸ ਤੋਂ ਬਾਅਦ ਹਰਸਿਮਰਤ ਨੇ ਇੱਕ ਹੋਰ ਟਵੀਟ ਕਰਦਿਆਂ ਕੈਪਟਨ ਅਮਰਿੰਦਰ ਸਿੰਘ ਦਾ ਦਾਦਾ ਰਾਜਾ ਭੁਪਿੰਦਰ ਸਿੰਘ ਦੀ ਜਲ੍ਹਿਆਂਵਾਲਾ ਬਾਗ ਕਾਂਡ ਦੇ ਮੁੱਖ ਦੋਸ਼ੀ ਜਨਰਲ ਡਾਇਰ ਨਾਲ ਤਸਵੀਰ ਸਾਂਝੀ ਕੀਤੀ ਜਿਸ ਵਿੱਚ ਦਾਅਵਾ ਕੀਤਾ ਗਿਆ ਕਿ ਕਾਂਡ ਮਗਰੋਂ ਉਹ ਜਨਰਲ ਡਾਇਰ ਨੂੰ ਮਿਲ ਕੇ ਵਧਾਈ ਦੇ ਰਹੇ ਹਨ। ਹਰਸਿਮਰਤ ਨੇ ਟਵੀਟ ਕਰਦਿਆਂ ਤਸਵੀਰ ਨਾਲ ਲਿਖਿਆ, "ਅਤੇ ਤੁਸੀਂ (ਕੈਪਟਨ ਅਮਰਿੰਦਰ ਸਿੰਘ) ਮਾਣ ਨਾਲ ਇਹਨਾਂ ਤਸਵੀਰਾਂ ਨੂੰ ਆਪਣੀ ਲੌਬੀ ਵਿੱਚ ਲਾਉਂਦੇ ਹੋ ਜਾ ਤੁਸੀਂ ਵੀ ਆਪਣੇ ਦਾਦੇ ਤੋਂ ਸ਼ਰਮਿੰਦਾ ਹੋ? ਤੁਹਾਡੀ ਇਲਜ਼ਾਮਾਂ ਦੇ ਉਲਟ, ਜਦੋਂ ਅਸੀਂ ਇਲਜ਼ਾਮ ਲਾਉਂਦੇ ਹਾਂ ਤਾਂ ਸਾਡੇ ਕੋਲ ਉਸਦੇ ਤੱਥ ਹੁੰਦੇ ਹਨ।"