|
ਪੰਜਾਬੀ ਗਾਇਕਾਂ
ਨੇ ਪੰਜਾਬੀ ਢਾਬੇ ਉੱਤੇ ਲਾਈ ਮਹਿਫ਼ਲ
ਡਿਕਸਨ (ਕੈਲੀਫੋਰਨੀਆ)/ਹੁਸਨ ਲੜੋਆ ਬੰਗਾ:
ਡਿਕਸਨ ਵਿੱਚ ਆਪਣੀ ਵੱਖਰੀ ਪਹਿਚਾਣ ਰੱਖਣ ਵਾਲੇ ਪੰਜਾਬੀ ਢਾਬੇ
ਵਿੱਚ ਮਨਜੀਤ ਸਿਵੀਆ ਅਤੇ ਗੁਰਇਕਬਾਲ ਸਿੰਘ ਕੰਗ ਵਲੋਂ ਪੰਜਾਬੀ ਕਲਾਕਾਰਾਂ ਦੀ ਮਹਿਫਲ
ਦਾ ਪ੍ਰਬੰਧ ਕੀਤਾ ਗਿਆ। ਜਿਸ ਦੌਰਾਨ ਦੂਰਦਰਸ਼ਨ ਜਲੰਧਰ ਤੋਂ ਬੋਲੀਆਂ ਪਾ ਕੇ ਮਸ਼ਹੂਰ
ਹੋਏ ਭੁਪਿੰਦਰ ਬੱਬਲ, ਕੈਲੀਫੋਰਨੀਆ ਦੇ ਗਾਇਕ ਗੋਗੀ ਸੰਧੂ, ਮਨਜੀਤ ਸੰਧੜ ਅਤੇ ਹੋਰ
ਸਥਾਨਕ ਗਾਇਕਾਂ ਨੇ ਖੂਬ ਰੰਗ ਜਮਾਇਆ। ਇਸ ਮੌਕੇ ਭੁਪਿੰਦਰ ਬੱਬਲ ਨੇ ਵੱਖ ਵੱਖ ਗੀਤਾਂ
ਤੋਂ ਇਲਾਵਾ ਲੋਕ ਬੋਲੀਆਂ ਹੇਕਾਂ ਨਾਲ ਗਾ ਕੇ ਡਾਲਰਾਂ ਦੀ ਵਰਖਾ ਕਰਵਾਈ। ਇਸੇ ਦੌਰਾਨ
ਗੋਗੀ ਸੰਧੂ ਨੇ ਆਪਣੇ ਰੰਗ ਦਿਖਾਏ ਤੇ ਸਰਕਰਦਾ ਬਿਜਨੈਸਮੈਨ ਵਜੋਂ ਜਾਣੇ ਜਾਂਦੇ
ਮਨਜੀਤ
ਸੰਧੜ ਨੇ ਤਾਂ ਗੀਤ ਗਾ ਕੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ। ਇਸ ਮੌਕੇ ਗਦਰੀ
ਬਾਬੇ ਫਾਊਡੇਸ਼ਨ ਦੇ ਚਰਨ ਸਿੰਘ ਜੱਜ, ਚੇਅਰਮੈਨ ਕੁਲਦੀਪ ਸਿੰਘ ਧਾਲੀਵਾਲ ਤੇ ਇੰਡੀਆ
ਤੋਂ ਵਿਸ਼ੇਸ਼ ਤੌਰ `ਤੇ ਪਹੁੰਚੇ ਪ੍ਰਸਿੱਧ ਲੇਖਕ ਸੁਰਿੰਦਰ ਮੰਡ ਨੇ ਗੁਰਇਕਬਾਲ ਸਿੰਘ
ਗੁਰੀ ਨੂੰ ਪਲੇਕ ਦੇ ਕੇ ਸਨਮਾਨਤ ਵੀ ਕੀਤਾ। ਮਨਜੀਤ ਸਿਵੀਆ ਦੇ ਜੌੜੇ ਬੱਚੇ ਜੰਮਣ ਦੀ
ਖੁਸ਼ੀ ਵਿਚ ਭੰਗੜਾ ਵੀ ਪਾਇਆ ਗਿਆ। ਇਸ ਪ੍ਰੋਗਰਾਮ ਵਿਚ ਹਾਜ਼ਰ ਬਿਜਨੈਸਮੈਨਾਂ ਵਿਚ
ਜੈਸੀ ਥਾਂਦੀ, ਭੁਪਿੰਦਰ ਸੰਘੇੜਾ, ਹਰਜੀਤ ਸਵੈਚ, ਚਮਕੌਰ ਧਾਲੀਵਾਲ, ਜਸਬੀਰ ਸਿੰਘ,
ਜਸਵਿੰਦਰ ਜੱਸੀ, ਵਿਜੈ ਕੁਮਾਰ, ਮੱਖਣ ਝੱਟੂ, ਲਖਵੀਰ ਸੰਘਾ, ਪ੍ਰੀਤ ਭੁਲਰ, ਦਿਲਬਰ
ਮੰਡੂ, ਲਖਵੀਰ ਧਾਲੀਵਾਲ, ਮਨਜੀਤ ਘੋਲਾਈ, ਜਸਵਿੰਦਰ ਬੰਗਾ, ਸੁਰਿੰਦਰ ਸਿੰਘ ਗਰੇਵਾਲ,
ਸੰਨੀ ਸਿੰਘ, ਗੋਗੀ ਘੁੰਮਣ ਅਤੇ ਹਰਜੋਤ ਵਿਰਕ ਸ਼ਾਮਲ ਸਨ।
30
sqMbr
2009
|