ਖਾਸ ਰਿਪੋਰਟ
ਸੰਪਾਦਕੀ
ਆੱਪ-ਐਡ
ਨਜ਼ੱਰੀਆ
ਭਾਈਚਾਰਾ

ਸਿਆਸਤ
ਮੀਡੀਆ
ਸਾਹਿੱਤ
ਸੰਗੀਤ
ਸੱਭਿਆਚਾਰ
ਸਿੱਖ ਧਰਮ
ਸਾਡੇ ਹੱਕ
1984
ਕਿਤਾਬਾਂ
ਸਿੱਖਿਆ
ਵਪਾਰ

ਫੋਟੋ ਗੈਲਰੀ
ਮਨੋਰੰਜਨ
ਰਹਿਣ-ਸਹਿਣ
ਸਫਰ
ਸਿਹਤ
ਵਿਰਸਾ
ਖੇਡਾਂ
ਬਾਲ ਜਗਤ

ਪੰਜਾਬ
ਭਾਰਤ
ਪਾਕਿਸਤਾਨ
ਸਾਊਥ ਏਸ਼ੀਆ
ਅਮਰੀਕਾ
ਕੈਨੇਡਾ
ਏਸ਼ੀਆ ਪੈਸੀਫਿਕ
ਯੂ. ਕੇ.
ਯੋਰਪ
ਮਿਡਲ ਈਸਟ
ਅਫਰੀਕਾ
ਸੰਸਾਰ

ਪਿਛਲੇ ਅੰਕ
ਨਿਊਜ਼ਲੈਟਰ
ਇਸ਼ਤਿਹਾਰ

ਸ਼ੋਕ ਖਬਰ

ਫੀਡਬੈਕ
ਸੰਪਰਕ
ਸਾਡੇ ਬਾਰੇ
ਸਾਈਟ ਮੈਪ

ਸਰੀ ਦੇ ਸਿੱਖ ਨੌਜਵਾਨਾਂ ਨੇ ਸਿਰਜਿਆ ਇਤਿਹਾਸ
ਸੰਗਤਾਂ ਨੇ ਗੁਰੂ ਨਾਨਕ ਸਿੱਖ ਗੁਰਦੁਆਰਾ ਸਾਹਿਬ ਦਾ ਪ੍ਰਬੰਧ ਸਿੱਖ ਯੂਥ ਗਰੁੱਪ ਨੂੰ ਸੌਂਪਿਆ
ਅੰਮ੍ਰਿਤਸਰ ਟਾਈਮਜ਼ ਬਿਊਰੋ

ਸਰੀ: ਇਥੋਂ ਦੇ ਬਹੁ ਚਰਚਿਤ ਗੁਰਦੁਆਰਾ ਗੁਰੂ ਨਾਨਕ ਸਿੱਖ ਟੈਂਪਲ ਦੀਆਂ ਚੋਣਾਂ ਵਿਚ ਪੜ੍ਹੇ ਲਿਖੇ ਨੌਜਵਾਨ ਸ. ਬਿਕਰਮਜੀਤ ਸਿੰਘ ਸੰਧਰ ਦੀ ਅਗਵਾਈ ਵਾਲਾ ਸਿੱਖ ਯੂਥ ਗਰੁੱਪ ਭਾਰੀ ਬਹੁਮਤ ਨਾਲ ਜਿੱਤ ਗਿਆ ਹੈ। ਗੁਰੂ ਘਰ ਦੇ ਪ੍ਰਬੰਧਾਂ ਉੱਤੇ ਕਾਬਜ਼ ਵਲੀ ਆ ਰਹੀ ਸ੍ਰਿ ਹਰਜਿੰਦਰ ਸਿੰਘ ਥਾਣਾ ਚੀਮਾ ਦਾ ਧੜਾ ਚੋਣਾਂ ਹਾਰ ਗਿਆ ਹੈ। ਪਿਛਲੇ ਇਕ ਦਹਾਕੇ ਤੋਂ ਇਹ ਉੱਤਰੀ ਅਮਰੀਕਾ ਵਿਚ ਦੂਜੇ ਵੱਡੇ ਗੁਰਦੁਆਰੇ ਦੇ ਪ੍ਰਬੰਧ ਉਪਰ ਇਸ ਧੜੇ ਦਾ ਕਬਜ਼ਾ ਸੀ। ਐਤਵਾਰ ਨੂੰ ਪਈਆਂ ਚੋਣਾਂ ਵਿਚ ਸੰਧਰ ਦੀ ਅਗਵਾਈ ਵਾਲੇ ਸਿੱਖ ਯੂਥ ਗਰੁੱਪ ਨੂੰ 13,458 ਵੋਟਾਂ ਪਈਆਂ ਜਦਕਿ ਚੀਮਾ ਧੜੇ ਨੂੰ 7247 ਵੋਟਾਂ ਮਿਲੀਆਂ। ਪਿਛਲੇ ਸਾਲ ਇਸ ਧੜੇ ਨੇ ਤਤਕਾਲੀ ਪ੍ਰਧਾਨ ਬਲਵੰਤ ਸਿੰਘ ਗਿੱਲ ਅਤੇ ਸਾਧੂ ਸਿੰਘ ਸਮਰਾ ਦੇ ਧੜਿਆਂ ਨੂੰ ਹਰਾ ਦਿੱਤਾ ਸੀ। ਉਸ ਵਕਤ ਕੁੱਲ 21000 ਵੋਟਰਾਂ ਵਿਚੋਂ 14594 ਨੇ ਵੋਟਾਂ ਪਾਈਆਂ ਸਨ।

ਸਿੱਖ ਯੂਥ ਗਰੁੱਪ ਦੇ ਕਾਬਜ਼ ਹੋਣ ਨਾਲ ਗੁਰਦੁਆਰਾ ਸਾਹਿਬ ਅੰਦਰ ਲੰਗਰ ਦੀ ਮਰਯਾਦਾ ਬਾਰੇ ਫਿਰ ਵਿਵਾਦ ਛਿੜਨ ਦੇ ਆਸਾਰ ਹਨ। ਜੇਤੂ ਧੜਾ ਸੰਗਤ ਵਿਚ ਬੈਠ ਕੇ ਲੰਗਰ ਛਕਾਉਣ ਦੀ ਮਰਯਾਦਾ ਦੀ ਵਕਾਲਤ ਕਰਦਾ ਹੈ ਜਦਕਿ ਦੂਜੇ ਗਰੁੱਪ ਨੇ ਮੇਜ਼ ਕੁਰਸੀਆਂ `ਤੇ ਲੰਗਰ ਛਕਾਉਣ ਦੀ ਨਵੀਂ ਮਰਯਾਦਾ ਸ਼ੁਰੂ ਕੀਤੀ ਸੀ। ਜਿਸ ਨਾਲ ਸਾਰੇ ਸਿੱਖ ਜਗਤ ਵਿਚ ਨਵਾਂ ਵਿਵਾਦ ਛਿੜ ਗਿਆ ਸੀ। ਸਿੱਖ ਯੂਥ ਧੜੇ ਦੇ ਭਾਰੀ ਵੋਟਾਂ ਨਾਲ ਜਿੱਤਣ `ਤੇ ਇਹ ਸਮੱਸ਼ਟ ਸੰਕੇਤ ਮਿਲਦਾ ਹੈ ਕਿ ਗੁਰਦੁਆਰਾ ਸਾਹਿਬ ਦੀ ਸੰਗਤ, ਪੰਗਤ ਵਿਚ ਬੈਠ ਕੇ ਲੰਗਰ ਛਕਣ ਦੇ ਹੱਕ ਵਿਚ ਹੈ ਪਰ  ਲੰਗਰ ਦੀ ਮਰਯਾਦਾ ਨੂੰ ਲੈ ਕੇ ਦੋਬਾਰਾ ਵਿਵਾਦ ਸ਼ੁਰੂ ਹੋ ਸਕਦਾ ਹੈ।

ਇਸ ਧੜੇ ਦਾ ਕਹਿਣਾ ਹੈ ਕਿ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਹੁਕਮਨਾਮੇ ਅਨੁਸਾਰ ਫਰਸ਼ ਉਪਰ ਬੈਠ ਕੇ ਪੰਗਤ ਵਿਚ ਹੀ ਲੰਗਰ ਛਕਾਉਣਾ ਚਾਹੀਦਾ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਬਹੁਤ ਜ਼ਿਆਦਾ ਬਿਰਧਾਂ ਅਤੇ ਬੀਮਾਰ ਵਿਅਕਤੀਆਂ ਜਿਹੜੇ ਭੂੰਜੇ ਨਹੀਂ ਬੈਠ ਸਕਦੇ ਨੂੰ ਮੇਜ ਲਗਾ ਕੇ ਕੁਰਸੀ ਉਪਰ ਲੰਗਰ ਛਕਾਇਆ ਜਾ ਸਕਦਾ ਹੈ। ਇਸ ਮੁੱਦੇ ਨੂੰ ਲੈ ਕੇ 1997 ਵਿਚ ਗੁਰੂ ਨਾਨਕ ਸਿੱਖ ਟੈਂਪਲ ਗੁਰਦੁਆਰੇ ਵਿਚ ਭਾਰੀ ਵਿਵਾਦ ਖੜ੍ਹਾ ਹੋ ਗਿਆ ਸੀ ਜੋ ਹਿੰਸਕ ਰੂਪ ਧਾਰਨ ਕਰ ਗਿਆ ਸੀ। ਇਸ ਕਰਕੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਨੇ ਗਿੱਲ ਅਤੇ 5 ਹੋਰਨਾਂ ਨੂੰ ਸਿੱਖ ਪੰਥ ਵਿਚੋਂ ਛੇਕ ਦਿੱਤਾ ਸੀ।

ਇਸ ਵਾਰ ਜਿਹੜੇ ਮੈਂਬਰ ਜਿੱਤੇ ਹਨ ਉਨ੍ਹਾਂ ਵਿਚੋਂ ਬਹੁਤੇ ਪੁਰਾਣੇ ਮੈਂਬਰਾਂ ਨਾਲੋਂ ਉਮਰ ਵਿਚ 20-20 ਸਾਲ ਛੋਟੇ ਹਨ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਮੇਜ਼ ਕੁਰਸੀਆਂ ਉਪਰ ਲੰਗਰ ਛਕਾਉਣ ਦੇ ਮੁੱਦੇ ਤੋਂ ਇਲਾਵਾ ਕੈਨੇਡਾ ਦੇ ਜੰਮਪਲ ਨੌਜਵਾਨਾਂ ਨੂੰ ਗੁਰੂ ਘਰ ਨਾਲ ਜੋੜਨਾ ਇਕ ਵੱਡੀ ਚੁਣੌਤੀ ਹੈ। ਉਨ੍ਹਾਂ ਕਿਹਾ ਕਿ ਉਹ ਗੁਰਦੁਆਰਾ ਸੇਵਾਵਾਂ ਵਿਚ ਅੰਗਰੇਜ਼ੀ ਭਾਸ਼ਾ ਦੀ ਵਰਤੋਂ ਅਤੇ ਨੌਜਵਾਨ ਪੀੜ੍ਹੀ ਨੂੰ ਨਸ਼ਿਆਂ ਤੋਂ ਬਚਾਉਣ ਦੇ ਉਪਰਾਲੇ ਵੀ ਕਰ ਰਹੇ ਹਨ।

ਪ੍ਰਧਾਨ ਚੁਣੇ ਗਏ ਬਿਕਰਮਜੀਤ ਸਿੰਘ ਸੰਧਰ ਦਾ ਕਹਿਣਾ ਹੈ ਕਿ ਤਬਦੀਲੀ ਦਾ ਸਮਾਂ ਆ ਚੁੱਕਾ ਹੈ। ਉਨ੍ਹਾਂ ਕਿਹਾ ਕਿ ਗੁਰਦੁਆਰੇ ਦੇ ਮੈਂਬਰ ਇਹ ਚਾਹੁੰਦੇ ਹਨ ਕਿ ਗੁਰਦੁਆਰਾ ਮੈਨੇਜਮੈਂਟ ਸਾਡੇ ਭਾਈਚਾਰੇ ਨੂੰ ਦਰਪੇਸ਼ ਅਸਲੀ ਮੁੱਦਿਆਂ ਨੂੰ ਉਠਾਵੇ। ਸਾਨੂੰ ਸਾਡੇ ਬੱਚਿਆਂ ਨੂੰ ਨਸ਼ਿਆਂ ਅਤੇ ਗਿਰੋਹਾਂ ਤੋਂ ਬਚਾਉਣ ਅਤੇ ਔਰਤਾਂ ਨੂੰ ਬਰਾਬਰ ਦੇ ਮੌਕੇ ਦੇਣ ਲਈ ਇਕੱਠੇ ਹੋਣਾ ਚਾਹੀਦਾ ਹੈ।

18  ਨਵੰਬਰ 2009

Bookmark with

Reddit    Yahoo     Furl    Delicious