ਖਾਸ ਰਿਪੋਰਟ
ਸੰਪਾਦਕੀ
ਆੱਪ-ਐਡ
ਨਜ਼ੱਰੀਆ
ਭਾਈਚਾਰਾ

ਸਿਆਸਤ
ਮੀਡੀਆ
ਸਾਹਿੱਤ
ਸੰਗੀਤ
ਸੱਭਿਆਚਾਰ
ਸਿੱਖ ਧਰਮ
ਸਾਡੇ ਹੱਕ
1984
ਕਿਤਾਬਾਂ
ਸਿੱਖਿਆ
ਵਪਾਰ

ਫੋਟੋ ਗੈਲਰੀ
ਮਨੋਰੰਜਨ
ਰਹਿਣ-ਸਹਿਣ
ਸਫਰ
ਸਿਹਤ
ਵਿਰਸਾ
ਖੇਡਾਂ
ਬਾਲ ਜਗਤ

ਪੰਜਾਬ
ਭਾਰਤ
ਪਾਕਿਸਤਾਨ
ਸਾਊਥ ਏਸ਼ੀਆ
ਅਮਰੀਕਾ
ਕੈਨੇਡਾ
ਏਸ਼ੀਆ ਪੈਸੀਫਿਕ
ਯੂ. ਕੇ.
ਯੋਰਪ
ਮਿਡਲ ਈਸਟ
ਅਫਰੀਕਾ
ਸੰਸਾਰ

ਪਿਛਲੇ ਅੰਕ
ਨਿਊਜ਼ਲੈਟਰ
ਇਸ਼ਤਿਹਾਰ

ਸ਼ੋਕ ਖਬਰ

ਫੀਡਬੈਕ
ਸੰਪਰਕ
ਸਾਡੇ ਬਾਰੇ
ਸਾਈਟ ਮੈਪ

ਇੰਦਰਜੀਤ ਸਿੰਘ ਰਿਆਤ ਨੂੰ ਝੂਠੀ ਸਹੁੰ ਖਾਣ ਦੇ ਦੋਸ਼ਾਂ ਤਹਿਤ ਕਰਨਾ ਪਵੇਗਾ ਨਵੇਂ ਮੁਕੱਦਮੇ ਦਾ ਸਾਹਮਣਾ
ਅੰਮ੍ਰਿਤਸਰ ਟਾਈਮਜ਼ ਬਿਊਰੋ

ਟੋਰਾਂਟੋ: 1985 `ਚ ਏਅਰ ਇੰਡੀਆ ਕਨਿਸ਼ਕ ਜਹਾਜ਼ ਨੂੰ ਅੱਧ ਅਸਮਾਨੇ ਬੰਬ ਧਮਾਕੇ ਨਾਲ ਉਡਾਉਣ ਦੇ ਮਾਮਲੇ ਵਿਚ ਸਜ਼ਾ ਯਾਫਤਾ ਕੈਦੀ ਅਤੇ ਪਿਛਲੇ ਸਾਲ ਰਿਹਾਅ ਹੋਣ ਵਾਲੇ ਭਾਈ ਇੰਦਰਜੀਤ ਸਿੰਘ ਰਿਆਤ ਨੂੰ ਝੂਠੀ ਸਹੁੰ ਖਾਣ ਦੇ ਦੋਸ਼ਾਂ ਤਹਿਤ ਨਵੇਂ ਕੇਸ ਦਾ ਸਾਹਮਣਾ ਕਰਨਾ ਪਵੇਗਾ। ਕਨਿਸ਼ਕ ਜਹਾਜ਼ ਵਿਚ ਹੋਏ ਇਸ ਬੰਬ ਧਮਾਕੇ `ਚ 329 ਮੁਸਾਫ਼ਰ ਮਾਰੇ ਗਏ ਸਨ ਅਤੇ 9/11 ਤੋਂ ਪਹਿਲਾਂ ਦੁਨੀਆਂ ਵਿਚ ਵਾਪਰੀ ਪਹਿਲੀ ਵੱਡੀ ਦਹਿਸ਼ਤਪੂਰਨ ਘਟਨਾ ਸੀ। ਕੈਨੇਡਾ ਦੇ ਇਤਿਹਾਸ ਵਿਚ ਅਣ-ਸੁਲਝਿਆ ਇਹ ਖੂਨੀ ਕਾਰਾ ਮੁੜ ਚਰਚਾ ਵਿਚ ਆ ਗਿਆ, ਜਦੋਂ ਅਦਾਲਤ ਨੇ ਰਿਆਤ ਵਿਰੁੱਧ ਝੂਠੀ ਸਹੁੰ ਖਾਣ ਦੇ ਦੋਸ਼ਾਂ ਤਹਿਤ ਅਗਲੇ ਹਫ਼ਤੇ ਕੇਸ ਚਲਾਉਣ ਦੇ ਹੁਕਮ ਦੇ ਦਿੱਤੇ। ਵੈਨਕੂਵਰ ਟਾਪੂ ਦੇ ਮਕੈਨਿਕ ਨੂੰ ਮਿੱਲ ਵਰਕਰ ਭਾਈ ਅਜਾਇਬ ਸਿੰਘ ਬਾਗੜੀ ਅਤੇ ਵਪਾਰੀ ਭਾਈ ਰਿਪੁਦਮਨ ਸਿੰਘ ਮਲਿਕ ਦੇ ਕੇਸ ਵਿਚ ਸਤੰਬਰ, 2003 `ਚ ਝੂਠੀ ਗਵਾਹੀ ਦੇਣ ਦੇ ਦੋਸ਼ `ਚ ਨਵੇਂ ਕੇਸ ਦਾ ਸਾਹਮਣਾ ਕਰਨਾ ਪਵੇਗਾ।

ਮਾਂਟਰੀਅਲ ਤੋਂ ਨਵੀਂ ਦਿੱਲੀ ਆ ਰਹੇ ਇਸ ਏਅਰ ਇੰਡੀਆ ਦੇ ਜਹਾਜ਼ ਵਿਚ 23 ਜੂਨ 1985 ਨੂੰ ਆਇਰਲੈਂਡ ਦੇ ਤੱਟ `ਤੇ ਹਵਾ ਵਿਚ ਹੋਏ ਧਮਾਕੇ ਤੋਂ ਬਾਅਦ ਉਸ ਵਿਚ ਸਵਾਰ ਸਾਰੇ ਯਾਤਰੀ ਮਾਰੇ ਗਏ ਸਨ। ਇਨ੍ਹਾਂ ਵਿਚ ਜ਼ਿਆਦਾਤਰ ਭਾਰਤੀ ਸਨ। ਵੈਨਕੂਵਰ `ਚ ਇਕ ਬੰਬ ਏਅਰ ਇੰਡੀਆ ਅਤੇ ਇਕ ਟੋਕੀਓ ਦੀ ਉਡਾਣ ਵਿਚ ਬੰਬ ਰੱਖਿਆ ਗਿਆ ਸੀ। 1984 ਦੇ ਦੁਖਾਂਤ ਤੋਂ ਬਾਅਦ ਵਾਪਰੀ ਇਸ ਘਟਨਾ ਪਿੱਛੇ ਸ਼ੱਕ ਦੀ ਸੂਈ ਕੈਨੇਡਾ ਵਿਚ ਰਹਿ ਰਹੇ ਖਾਲਿਸਤਾਨ ਸਮਰਥਕਾਂ ਉਪਰ ਆ ਗਈ ਸੀ। ਚਰਚਾ ਮੁਤਾਬਕ ਸ. ਰਿਆਤ ਨੇ ਟੋਕੀਓ ਹਵਾਈ ਅੱਡੇ `ਤੇ ਬੰਬ ਵਿਸਫੋਟਕ ਦੀ ਰਿਹਸਲ ਕੀਤੀ। ਇਸ ਦੇ ਲਈ ਉਸ ਨੂੰ ਸਾਲ 1991 ਵਿਚ 10 ਸਾਲ ਕੈਦ ਦੀ ਸਜ਼ਾ ਹੋਈ। ਇੰਦਰਜੀਤ ਸਿੰਘ ਰਿਆਤ ਇਕੋ ਇਕ ਵਿਅਕਤੀ ਹੈ ਜਿਸ ਨੂੰ ਬੰਬ ਕਾਂਡ ਦਾ ਦੋਸ਼ੀ ਕਰਾਰ ਦਿਤਾ ਗਿਆ। ਇਸ ਤੋਂ ਬਾਅਦ ਕਨਿਸ਼ਕ ਬੰਬ ਕਾਂਡ ਵਿਚ ਸ਼ਾਮਲ ਹੋਣ ਦੇ ਦੋਸ਼ ਵਿਚ ਪੰਜ ਸਾਲ ਕੈਦ ਦੀ ਸਜ਼ਾ ਹੋਈ। ਕੈਦ ਦੌਰਾਨ ਉਸ ਨੇ ਏਅਰ ਇੰਡੀਆ ਕਨਿਸ਼ਕ ਬੰਬ ਕਾਂਡ ਵਿਚ ਸ਼ੱਕੀ ਮੁਲਜ਼ਮਾਂ ਭਾਈ ਰਿਪੁਦਮਨ ਸਿੰਘ ਮਲਿਕ ਅਤੇ ਭਾਈ ਅਜੈਬ ਸਿੰਘ ਬਰਾੜ ਦੇ ਕੇਸਾਂ ਵਿਚ ਦਿੱਤੀ ਗਵਾਹੀ ਦੌਰਾਨ ਝੂਠ ਬੋਲਿਆ ਜਿਸ ਨਾਲ ਉਹ ਬਰੀ ਹੋ ਗਏ ਸਨ।

ਇੰਦਰਜੀਤ ਸਿੰਘ ਰਿਆਤ `ਤੇ ਦੋਸ਼ ਹੈ ਕਿ ਉਸ ਨੇ ਝੂਠੀ ਸਹੁੰ ਖਾ ਕੇ ਅਦਾਲਤ ਨੂੰ ਗੁੰਮਰਾਹ ਕੀਤਾ ਹੈ। ਅਦਾਲਤ ਨੇ ਦੱਸਿਆ ਕਿ ਰਿਆਤ ਨੇ ਗਵਾਹੀ ਦੌਰਾਨ 27 ਵਾਰ ਝੂਠ ਬੋਲਿਆ। ਭਾਈ ਰਿਆਤ ਨੂੰ ਝੂਠੀ ਗਵਾਹੀ ਦੇਣ ਦਾ ਦੋਸ਼ੀ ਸਾਬਤ ਹੋਣ `ਤੇ 14 ਸਾਲ ਤੱਕ ਦੀ ਸਜ਼ਾ ਹੋ ਸਕਦੀ ਹੈ। ਮੁਕੱਦਮੇ ਵਿਚ ਬੰਬ ਕਾਂਡ ਵਿਚ ਮਾਰੇ ਗਏ ਵਿਅਕਤੀਆਂ ਦੇ ਪਰਿਵਾਰਕ ਮੈਂਬਰਾਂ ਦਾ ਕਹਿਣਾ ਹੈ ਕਿ ਕੈਨੇਡਾ ਦੀ ਨਿਆਂ ਪ੍ਰਣਾਲੀ ਦੋਸ਼ੀਆਂ ਨੂੰ ਸਜ਼ਾ ਦੁਆਉਣ ਵਿਚ ਅਸਫ਼ਲ ਰਹੀ ਹੈ। ਇਸ ਬੰਬ ਕਾਂਡ ਨਾਲ ਸਬੰਧਤ ਕੇਸ 2005 ਵਿਚ ਖਤਮ ਹੋ ਗਏ ਸਨ ਅਤੇ ਇਨ੍ਹਾਂ ਮੁਕੱਦਮਿਆਂ `ਤੇ 13 ਕਰੋੜ ਡਾਲਰ ਖਰਚਾ ਆਇਆ। ਕੈਨੇਡਾ ਦੇ ਕਾਨੂੰਨੀ ਇਤਿਹਾਸ ਦਾ ਇਹ ਸਭ ਤੋਂ ਵੱਡੇ ਖਰਚੇ ਵਾਲਾ ਮੁਕੱਦਮਾ ਸੀ। ਇੰਦਰਜੀਤ ਸਿੰਘ ਰਿਆਤ ਵਿਰੁਧ ਮੁਕੱਦਮਾ ਚਲਾਉਣ ਲਈ 12 ਮੈਂਬਰੀ ਜਿਊਰੀ ਦੀ ਚੋਣ ਕੀਤੀ ਗਈ ਹੈ। ਅੱਠ ਔਰਤਾਂ ਅਤੇ ਚਾਰ ਪੁਰਸ਼ਾਂ `ਤੇ ਅਧਾਰਤ ਜਿਊਰੀ ਵੈਨਕੂਵਰ ਵਿਖੇ ਸ਼ੁਰੂ ਹੋਏ ਮੁਕੱਦਮੇ ਵਿਚ ਮੌਜੂਦ ਰਹੀ।-

10 ਮਾਰਚ 2010
 

Bookmark with

Reddit    Yahoo     Furl    Delicious